ویسکۆنسن
![]() | ئەم وتارە ئاماژەی بە ھیچ سەرچاوەیەک نەداوە. تکایە بە دانانی ئاماژە بۆ سەرچاوە بڕواپێکراوەکان، ئەم وتارە باشتر بکە. دەقە بێسەرچاوەکان لەوانەیە داوای سەرچاوەیان لێ بکرێت یان لاببرێن. |
ھەڵەی لوا لە مۆدیوول:Databox لە ڕیزی 434:attempt to index a nil value.
پۆتانەکان: 44°30′N 89°30′W / 44.5°N 89.5°W ویسکۆنسن (بە ئینگلیزی: Wisconsin) ویلایەتێکە لە ویلایەتە یەکگرتووەکانی ئەمریکا کە دەکەوێتە بەشی باکووری ناوەڕاستی وڵات، لە ناوچەی ڕۆژئاوای ناوەڕاست و دەریاچە گەورەکان. لە ڕۆژئاوا ھاوسنوورە لەگەڵ مینیسۆتا، لە باشووری ڕۆژئاوا لەگەڵ ئایۆوا، لە باشوورەوە لەگەڵ ئیلینۆیس، لە ڕۆژھەڵاتەوە لەگەڵ دەریاچەی میشیگان، لە باکووری ڕۆژھەڵاتەوە لەگەڵ میشیگان و لە باکوورەوە دەریاچەی سوپەریۆر. ویلایەتی ویسکۆنسن لە ڕووی ڕووبەرەوە ٢٣ھەمین ویلایەتە و لە پلەی ٢٠ی دانیشتوانی وڵاتدایە. پایتەختەکەی مادیسۆنە و گەورەترین شارەکەی میلواکییە کە دەکەوێتە کەناری ڕۆژئاوای دەریاچەی میشیگان. ویلایەتەکە بەسەر ٧٢ پارێزگادا دابەشکراوە.
جوگرافیای ویلایەتی ویسکۆنسن ھەمەچەشنە، لەگەڵ بەرزاییەکانی باکوور و بەرزاییەکانی ڕۆژئاوا، لەگەڵ بەشێک لە دەشتی ناوەڕاست کە بەشی ڕۆژئاوای ویلایەتەکەی داگیرکردووە، ھەروەھا زەوییە نزمەکان درێژدەبنەوە بۆ کەنارەکانی دەریاچەی میشیگان. ویسکۆنسن لە دوای میشیگان لە پلەی دووەمدایە لە درێژایی کەناراوەکانی دەریاچە گەورەکانیدا.
ویسکۆنسێن بە «زەوی شیرەمەنی ئەمریکا» ناسراوە وەک یەکێک لە بەرھەمھێنەرانی شیرەمەنی پێشەنگی وڵاتەکە، و بە تایبەتی بە پەنیرەکەی بەناوبانگە. ھەروەھا بەرھەمھێنان و بەتایبەت بەرھەمی کاغەزی و تەکنەلۆژیای زانیاری و گەشتیاریش بەشدارێکی سەرەکین لە ئابووری ویلایەتەکەدا.
بەستەرە دەرەکییەکان
[دەستکاری]![]() | ئەم «جوگرافیا» وتارە کۆلکەیەکە. دەتوانیت بە فراوانکردنی یارمەتیی ویکیپیدیا بدەیت. |