دووبز
دووبز ( به‌عه‌ره‌بى: قضاء الدبس) قه‌زايه‌كى سه‌ر به پارێزگاى كه‌ركووكه. 40 كيلۆمه‌تر له شارى كه‌ركووك دووره و دوو ناحيه‌ى هه‌يه : سه‌رگه‌ڕان و پردێ (ئالتون كۆپرى). كه‌وتۆته سه‌ر زێى بچووك. ناسراوه به به‌نداوو وه‌ستگه كاره‌باييه‌كه.
ناوى دوبز له لێكدانى دوو ووشه‌ى (دوو) و (بز) هاتووه به واتاى رووبارى دوو لق يان دوو به‌ش. چونكه له‌وێوه زێيه‌كه ده‌بێته دوو به‌ش. دانيشتووانى ره‌سه‌نى دوبز زۆرينه‌يان كوردن و خه‌ڵكى عه‌ره‌ب و توركمانيشى تێدا ده‌ژين كه زۆربه‌يان كارمه‌ندى كۆمپانياى نه‌وت و غاز وه‌ستگه‌ى كاره‌بان، به شێكيشيان له عه‌ره‌بى هاورده‌ى رۆژگارى به عه‌ره‌بكردنن.
مێژووى دووبز[دەستکاری]
كۆنترين ياده‌وه‌رى له باره‌ى دوبز ده‌گه‌ڕێته‌وه بۆ سه‌ده‌ى نۆزده‌هه‌م ، ئه‌وسا زه‌ويه‌كانى ناوچه‌كه به تاپۆى عوسمانى له سه‌ر ناوى ناسراوێكى سه‌ر به هۆزى ساڵه‌يي بوون. له سه‌ره‌تا بريتى بوو له هه‌شت ماڵ و مزگه‌وتيكى بچووك. پاش دۆزينه‌وه‌ى نه‌وت و غاز دوبز گه‌شه‌يه‌كى گه‌وره‌ى به خۆوه بينى و له رووى دانيشتووانه‌وه . دواتر پرۆژه‌ى ئاودێرى كه‌ركووك و پرۆژه‌ى پاككردنه‌وه‌ى ئاوى خواردنه‌وه‌و و وه‌ستگه‌ى كاره‌باى باكوورى لێ درووستكرا كه كاره‌باى زۆربه‌ى باكوورى عيراقى تيدا دابين ده‌كرا. بيره نه‌وته‌كانى جاستانه‌و ساره‌لوو و سه‌ربه‌شاخ له خاكى دبزه‌وه ده‌رژێنه ناو تۆڕى نه‌وتى باكوور (كه‌ركووك). ساڵى 1963 خه‌ڵكى ناوچه‌كه وه‌ك زۆربه‌ى ناوچه كوردنشينه‌كانى كه‌ركووك و خانه‌قين و مووسڵ رووبه‌رووى لێشاوى دوورخستنه‌وه‌و سزادان و ئاواره‌بوون هاتنه‌وه‌و سياسه‌تى به‌به‌رنامه‌كراوى به عه‌ره‌بكردن و ده‌ركردنى كورد په‌يڕه‌وكراو تا ساڵى 2003 به‌رده‌وام بوو. خاكه‌كه‌ى له رۆژگارى تالى ئه‌نفاله‌كان بووه نێژگه‌ى سه‌دان جه‌سته‌ى ناسكى مناڵه‌كوردى ئه‌نفالكراوى گه‌رميانى چه‌مچه‌ماڵ[١]
ژێده‌ر[دەستکاری]
- ^ .هه‌واڵی جینۆساید Archived ١٠ی ئازاری ٢٠١٦, لە وەیبەک مەشین.
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
