مۆنتانا
ھەڵەی لوا لە مۆدیوول:Databox لە ڕیزی 434:attempt to index a nil value. پۆتانەکان: 47°N 110°W / 47°N 110°W مۆنتانا (بە ئینگلیزی:Montana) لە ساڵی ١٨٨٩ پەیوەندی بە یەکێتیی ئەمریکاوە کردووە و بووە ٤١ھەمین ویلایەت کە پەیوەندی بە ویلایەتە یەکگرتووەکانی ئەمریکاوە دەکات. لە ڕووی ڕووبەرەوە چوارەم ویلایەتە، لە ڕووی ژمارەی دانیشتووانیشەوە ٤٤ھەمین ویلایەتە. مۆنتانای ئەمریکا یەکەم ویلایەتی ئەمریکا بوو کە مافی دەنگدانی بە ژنان بەخشی. سەرەڕای ڕووبەرە فراوانەکەی، ژمارەی دانیشتووانەکەی تەنھا نزیکەی یەک ملیۆنە، ئەمەش وایکردووە کە یەکێک بێت لەو ویلایەتانەی ئەمریکا کە کەمترین چڕی دانیشتووانی تێدایە.
مۆنتانای ئەمریکا دەکەوێتە باکووری ئەمریکا و لەسەر سنووری وڵاتی کەنەدا. لە بەشەکانی ڕۆژئاوای ویلایەتەکەدا چەندین لوتکەی شاخ (لە باکووری شاخەکانی ڕۆکی) ھەیە و ئەم شاخانە ناوی خۆیان بەو ویلایەتە بەخشیوە، بەو پێیەی وشەی «مۆنتانا» لە زمانی ئیسپانیدا بە واتای شاخ دێت. مۆنتانای ڕووباری ڕۆی ھەیە کە یەکێکە لە بچووکترین ڕووبارەکانی جیھان.
ئابووری ویلایەتەکە بە پلەی یەکەم لەسەر کشتوکاڵ و داربڕین و دەرھێنانی کانزاکان دامەزراوە. ھەروەھا ئەم ویلایەتە ھەندێک لە گرنگترین شوێنە گەشتیارییەکانی ئەمریکای ھەیە، وەک پارکە نەتەوەییەکەی گلاسیێر، سێ لە پێنج دەروازەی چوونە ژوورەوە بۆ پارکە نەتەوەییەکەی یێڵۆوستۆن و شوێنی شەڕی بیگھۆرن بچووک، ئەمەش وایکردووە ویلایەتەکە ببێتە شوێنێکی گەشتیاری بۆ ملیۆنان سەردانیکەر ساڵانە.
سەرچاوەکان
[دەستکاری] | ئەم وتارە کۆلکەیەکە. دەتوانیت بە فراوانکردنی یارمەتیی ویکیپیدیا بدەیت. |
