تەلەعفەر
پۆتانەکان: ٣٦°٢٣′N ٤٢°٢٧′E / ٣٦.٣٨٣°N ٤٢.٤٥٠°E
تەلەعفەر (بەعەرەبی: تلعفر) شارێکە لە پارێزگای نەینەوا کە ناوەندی قەزای تەلەعفەرە. ئەکەوێتە دووری ٣٠ میل بە ڕۆژئاوای موسڵ و ١٢٠ میل بە باکووری شاری کەرکووک. لە کاتێکدا ھیچ زانیارییەکی باوەڕپێکراو نییە لەسەر ژمارەی دانیشتووانی ئەو شارە، بەڵام ژمارەی دانیشتوانەکەی وا دەخەمڵێنرێت کە لە ٢٠٠،٠٠٠ەوە کەمی کردووە بۆ ٨٠،٠٠٠ لە ساڵی ٢٠٠٧. زۆرینەی دانیشتووانی تەلەعفەر تورکمانی شیعەن لەگەڵ ڕێژەیەکی کەم لە کورد و عەرەب.
تەلەعفەر دەکەوێتە سنووری باشووری کوردستانەوە و لەژێر دەسەڵاتی سەددام حوسێندا شارەکە بەر شاڵاوی ڕاگسواستن و بەعەرەبکردن کەوتووە و زۆرێک لە کوردەکانی ئەو شارە ڕاگوێزراون. لە مانگی حوزەیرانی ٢٠١٠دا دانیشتووانی شارەکە مانگرتنێکیان سازدا و داوای جێبەجێکردنی مادەی ١٤٠ و گەڕانەوە سەر کوردستانیان دەکرد.
