فلۆریدا
ھەڵەی لوا لە مۆدیوول:Databox لە ڕیزی 434:attempt to index a nil value.
فلۆریدا یان ئیفلۆریدا (بە ئینگلیزی: Florida)؛ (کە بە ئیسپانی بە واتای «خاکی گوڵەکان» دێت)، ویلایەتێکە دەکەوێتە باشووری ڕۆژھەڵاتی ئەمریکا. لە ڕۆژاوا لەگەڵ کەنداوی مەکسیک و لە باکوورەوە لەگەڵ ویلایەتی ئەلاباما و جۆرجیا و لە ڕۆژھەڵاتەوە لەگەڵ زەریای ئەتڵەسی و لە باشوورەوە لەگەڵ گەرووی فلۆریدا و کووبا ھاوسنوورە. فلۆریدا لە ڕووی ڕووبەرەوە لە پلەی بیست و دووەمدایە، لە ڕووی ژمارەی دانیشتووانەوە پلەی سێیەمی ھەیە و لە ڕووی چڕی دانیشتوانەوە لە پلەی ھەشتەمدایە لە ئەمریکا. جاکسۆنڤیل پڕ دانیشتووترین شارەوانی ویلایەتەکەیە و گەورەترین شارە بەپێی ڕووبەر لە ویلایەتە یەکگرتووەکانی ئەمریکا. ناوچەی گەورەی مەیامی پڕ دانیشتووترین ناوچەیە لە فلۆریدا. پایتەختی ویلایەتەکە شاری تەڵاھاسییە.
مێژوو
[دەستکاری]باوباپیرانی ھیندییەکان لایەنی کەم ١٤ ھەزار ساڵ لەمەوبەر چوونەتە ناو ویلایەتی فلۆریدا. تا سەدەی ١٦، سەرەتاییترین تۆمارێکی مێژوویی ھەیە، گرووپە سەرەکییەکانی خەڵک کە لە فلۆریدا دەژیان بریتی بوون لە ئەپالاچییەکان لە فلۆریدا پانھاندڵ، تیموکوا لە باکوور و ناوەڕاست، ئایس لە کەنارەکانی ناوەڕاستی ئەتڵەسی، و کالووسا لە باشووری ڕۆژاوای فلۆریدا.
گەشتیاری
[دەستکاری]ویلایەتی فلۆریدا بە یەکێک لە ویلایەتە گەشتیارییەکانی ئەمریکا دادەنرێت، بەو پێیەی بەناوبانگە بە کەناراوەکانی کە دەڕوانێتە کەنداوی مەکسیک و زەریای ئەتڵەسی، بەتایبەتی لە شاری مەیامی کە بە گرنگترین شاری ویلایەتەکە دادەنرێت. ھەروەھا چەندین پارکی بۆ تەمەنە جیاوازەکان ھەیە، بەتایبەتی لە ئۆرلاندۆ کە لقێکی گەورەی دیزنیلاند و ناوەندی ئیپکۆتی تێدایە، کە ساڵانە ملیۆنان گەشتیارانی ئەمریکی و دەرەوەی ئەمریکا سەردانیان دەکەن.
سەرچاوەکان
[دەستکاری]
بەشداربووانی ویکیپیدیا، «فلوريدا»، ویکیپیدیای عەرەبی. سەردان لە ١٢ی تشرینی یەکەمی ٢٠٢٤.
