زێی بچووک

لە ئینسایکڵۆپیدیای ئازادی ویکیپیدیاوە
Jump to navigation Jump to search
زێی بچووک، چۆمی کەڵوێ
Barrages irakiens (cropped).png
Zab rivers.PNG
شوێنڕۆژھەڵاتی کوردستان(پیرانشار سەردەشت، میراوە، نەڵاس، کۆڵەسەباشووری کوردستان(پشدەر، بەنداوی دووکان).
درێژایی٤٠٠ km (٢٥٠ mi)
بەزایی زارک٢٬١٤٠ m (٧٬٠٢٠ ft)

زێی بچووک یان زێی کەڵوێ ڕووبارێکی کوردستانە کە لە ڕۆژھەڵاتی کوردستانەوە سەرچاوە دەگرێت و باشووری کوردستان تێپەڕ دەکات و دەڕێژێتە سەر ڕووباری دیجلە. درێژایییەکەی ٤٠٠ کیلۆمەترە و لە بەشێکیدا سنووری ئێران و عێراق دەستنیشان دەکات. لە باشووری کوردستان، بەنداوی دووکانی لەسەردا دروستکراوە و لە ڕۆژھەڵاتی کوردستانیش بەنداوی سەردەشت خەریکە لەسەریدا دروست دەکرێت، دوای تێپەڕ بوونی لە بەنداوی دووکان، سنووری ھەردوو پارێزگای ھەولێر و کەرکووک دیاری دەکات و دەڕژێتە دیجلە و لە کۆتای دا تێکەڵی کەنداوی فارس دەبێت. .

بەنداوی دووکان کە ئاوی زێی بچووکی دەڕژێتێ

لە زۆربەی ئەو ناوچانەی کە ئەو ڕووبارەی پێدا تێدەپەڕێ، خەڵکەکە ناوێکی تایبەت بە خۆیان لەسەرداناوە، وەکوو:

  • چۆمی کەڵوێ
  • چۆمی ڕیزی
  • چۆمی کەڵۆسێ
  • چۆمی بادیناوێ
  • چۆمی خدراوێ
  • چۆمی پردانان

زێی بچووک لە سەرەتا و دەستپێکی بە ٢١٤٠ مەتر بەرزی لە ئاستی دەریاوە و لە ڕۆژھەڵاتەوە دەست پێ دەکات و بەرەو باشوور خۆی خوار دەکاتەوە و لە دۆڵێکی پان و بەرین لە دەڤەری پیرانشار بەرەو سەردەشت درێژەی ھەیە و دؤلەکانی سنوور دەبڕێت و دەڕژێتە بەنداوی دووکان و لە کۆتایی دا دەڕژێتە دیجلە.

بە شێوەیەکی گشتی زێی بچووک بە بەردەوامی ساڵ ئاوی ھەیە و وشک نابی بەو پێیەش ڕووباری وەرزی ھەژمار ناکرێ. ئێستا لە لایان کۆماری ئیسلامی ئێرانەوە لە شارەکانی پیرانشار (بەنداوی سێلوێ و کانییە سێو) دوو بەنداو لەسەر ئەو چۆمە چاک کراوە.

ئەمانەش ببینە[دەستکاری]

سەرچاوەکان[دەستکاری]