زاری
مەلا عەبدولکەریم سائێب | |
|---|---|
 | |
| لەدایکبوون | ١٩٠٥ |
| مەرگ | ١٩٨٢ |
| نەتەوە | کورد |
| پیشە | شاعیر و وەرگێڕ |
| کار | زاری |
| ئایین | ئیسلام (سوننە) |
مەلا عەبدولکەریم سائێب یان مەلا کەریم سائێب ناسراو بە زاری (١٩٠٥ لە سەقز، ئێران–١٩٨٢) شاعیر و وەرگێڕێکی خەڵکی ڕۆژھەڵاتی کوردستان بوو.[١]
ژیان
[دەستکاری]مەلا عەبدولکەریمی سائێب لە ساڵی ١٣٢٥ کۆچی لە گوندی ئاڵکەڵوو لە ناوچەی فەیزوڵڵابەگی سەقز لەدایک بوو. ئەو لە ژیانی ھاوبەشیدا دوو جار ژنی ھێناوە و خاوەنی شەش کوڕ و کچێک بەناوەکانی مەرحووم مەلا خالید، عابید، زاھید، تاھیر، ماجید، سادق و سەعدییە بووە. زاری لە ٢٧ جۆزەردانی ساڵی ١٣٦٠ ھەتاوی بەرامبەر ١٩٨٢ زایینی کۆچی دوایی کردووە و لە گوندەی ئارەبوغڵوو سپاردەی خاک کراوە.[٢]
- دیوانە شێعرێک، ناوەندی چاپ و بلاوکردەوەی محەممەدی سەقز
ئو دیوانە بە ٣٠٠ لاپەڕەوە پێکھاتوە لە ٨٨ غەزەڵ و ٥٦ قەسیدە و ١٧ پێنج خشتەکی و ٢١ مەسنەوی و ١٤ شیعری نیشتمانی و ٦٦ شێعری ئایینی و ١٧ شیعریشی فارسییە وەڕگێرانی لەیلێ و مەجنوون دیوانە شیعری نیزامیی گەنجەوی کە بەسەرھاتی لەیلێ و مەجنوونە و زاری بە داڕشتنێکی دیکەوە ھۆنیویەتەوە.
نموونە شیعر
[دەستکاری]| تا لە بەر چاوی، مقامت سەرگلێنەی چاومە | گەر لە بەر چاوم نەبی، جێگەت دڵی فەوتاومە | |
| گەردی ئاھم بۆ ئەوەی نەگرێت دامانی کەوات | ئاوپاشی ڕێ، وەزیفەی چاوی پڕخوێناومە | |
| وامەزانە خادمێکی غایبم ھەرجێ دەچی | سایەبانی سەروی قەددت ڕۆحی لێقەوماومە | |
| دوێ لە باغا تووشی گوڵ بووم وتی: چۆنی؟ وتم: | بولبولی تۆ مات، سۆزی خاتری شێواومە | |
| پی وتم بۆ واسەری خۆڵاویە دڵبەر، وتم | وەی لەدووری شەمعی ڕوخسارت قوڕە پێواومە | |
| لەم بیابانی فیراق وشارەزووری ھیجرەدا | روئییەتی بەرقی جەماڵت شەربەت وبەفراومە | |
| زاری شێوابوو وەلێ ھوشیارە ئیستاکە گەلێ | چونکە شەوقت ھەمدەمی ئەقڵی پەری لێ داومە |
سەرچاوەکان
[دەستکاری]- سائیب، عبدوالکریم، دیوانی زاری، تاران، ناوەندی چاپ و بلاوکردنەوەی ئازاد ئەندیشان ،١٣٨٠
- دیوان زاری، مهاباد، انتشارات سیدان، ١٣٤٢
