ھەورامی
ھۆرامی بە سۆرانی (ھەورامی) یەکێک لە بنشێوەزارەکانی سەر بە بنەماڵەی گۆرانیی زمانی کوردییە و خەڵکی دەڤەری ھەورامان قسەی پێ‌دەکەن. ھەروەھا زاری (زەنگەنە) ی ناوجەی دیلان و (باجەڵان) ی ناوجەی خانەقین و (شەبەک) ی ناوجەی موسڵ و ھەندێ لە تاڵیشەکانی ناوچەی خەزەر و ھەندێ لە زازاکانی کوردستانی تورکیا، ئەمانە نزیکن لە زاری ھەورامییەوە و لە یەکتری تێدەگەن.[١]
پیتەکان[دەستکاری]
پیتەکانی زاری ھەورامی ھەمان پیتی زمانی کوردین بەگشتی، تەنھا پێنج (٥) پیتێک نەبێت، کە لەنێو زاری ھەورامی ھەن و لەنێو پیتەکانی زمانی کوردی نین، ئەمە وای کردووە لە ھەندێ لە نووسەرە ھەورامییەکان کە ئەو پیتانەی تری بۆ دیاری بکەن، ئەو پیتانەش لەنێو ئەم وشانە دەردەکەون:[٢]
پیتی یەکەم (ڎ)
- ئەڎا = دایک
- ئاڎ = ئەو (بۆ کوڕ)
- ئاڎە = ئەو (بۆ کچ)
- مڎۊ = ئەیدات
- بەڎبەخت = بەدبەخت
- سەڎ = سەد
- ئاماڎە = ئامادە
پیتی دووەم (ۋ)
- ۋاران = باران
- ۋەر = پێش / بەڵام وەر = ڕۆشنایی تیشکی خۆر
- وەرەتاۋ = خۆرەتاو
- ۋەرگ = گورگ
- ۋەز = بەز / وەزی = گوێز
- ۋڵک = گورچیلە
- ۋڕ = وڕ
- ۋەنی = قەزوان
پیتی سێیەم (ڼ / نگ)
- گەڼە = گەنیو
- پەڼە = پەن / پەندەر
- تڼ = توند
- قڼگ = قڼگ
- بەڼگا = تاۋگە
پیتی چوارەم (ۊ)
- لۊ = (لۆ) گیایەکی کوێستانییە
- چۊ = دار
- خۊ = خوو
- تۊ = تۆ
- سۊ = سۆ
- کۊ = کۆ
- شۊت = شیر
- خۊل = خێل
پیتی پێنجەم (ېـ / ۍ) ھەر وەک (یـ/ێـ و ی / ێ)
- ئېگە = ئێرە
- لېقنە = ڕیقنە
- گولانۍ = بچووکان (گولانۍ/تاک - گولانۍ / کۆ)
- باخۍ = باخان (باخ/تاک - باخۍ/کۆ))
- کاۋڕۍ = بەرخان (کاۋڕ/تاک - کاۋڕۍ/ کۆ)
- بزۍ = بزنان (بزە/تاک - بزۍ / کۆ)
- مەلۍ = مەلان (مەل/ تاک- مەلۍ/ کۆ)
- کناچۍ = کچان (کناچۍ/تاک- کناچۍ/ کۆ)
- کوڕۍ = کوڕان (کوڕ/تاک - کوڕۍ/کۆ)
- جلۍ = جلان (جل/تاک - جلۍ/ کۆ)
- شېڵانۍ = قەیسی (شێڵانۍ/تاک - شېڵانۍ/ کۆ)
- مریچڵۍ = چۆڵەکە
- ھېزۍ = ھێزان (ھېز/ تاک - ھېزۍ/ کۆ) بەڵام ھیزی = دوێنێ
- شېر = شێر (شېر/تاک - شېرۍ / کۊ)
نموونە: ھۆنراوەنووس سەیدی ھەورامی دەڵێ:
| دیم شیرین نیشتەن، دانە مڎۆ پێش | ھارەش ھار کەردەن، دەور مڎۆنە وێش |
ڕاناوەکان[دەستکاری]
ڕاناوەکان یان جێناوەکان لە ھەورامیدا بەراورد بە سۆرانی[٣]:
| ھەورامی | سۆرانی |
|---|---|
| من | من |
| تۊ | تۆ |
| ئاڎ | ئەو (بۆ کوڕ) |
| ئاڎە | ئەو (بۆ کچ) |
| ئېمە | ئێمە |
| شمە | ئێوە |
| ئاڎۍ | ئەوان |
بەستەری دەرەکی[دەستکاری]
- ھەورامان ئۆنڵاین، دەروازەیەکی نوێیە بۆ ناوچەی ڕەنگینی ھەورامان hawramanonline.net
- فەرھەنگی ئینترنێتیی ھۆرامی
پەراوێزەکان[دەستکاری]
| ||||||||||||||||||
| ||||||||||||||||||||||||||
 | ئەم وتارە کۆلکەیەکە. دەتوانیت بە فراوانکردنی یارمەتیی ویکیپیدیا بدەیت. |
