عابدینی جاف
عابدینی جاف (١٣٢٠–١٣٩٤) کەسایەتییەکی گرنگی ئایینی یارسانە کە ھۆنراوەی سۆرانیی لێ بە جێ ماوە.[١] عابدین لە شارەزوور لەدایک بووە و خوێندنی لەلای مەلا ئەلیاسی شارەزووری و مەلا غەفووری شارەزووری تەواو کردووە. دواتر بووە بە یەکێک لە یارانی سوڵتان سەھاک و کاریگەرییەکی گرنگی لەسەر ئایینی یارسان ھەبووە.[٢] شێعرەکانی عابدین لە دەورەی عابدیندا تۆمار کراون.
شێعر
[دەستکاری]شێعرەکانی عابدین لەسەر شێوازی کرمانجی ناوین (یا سۆرانی) نووسراون. وەزنی بڕگەیی و زمانێکی ساکاریان ھەیە.[١] زۆربەی شێعرە تۆمار کراوەکانی باسی ئایینی یارسان دەکات. بۆ نموونە ئەم ھۆنراوەی خوارەوە ھی ئەوە:
| من عاشقی خاوەندکارم | عەشقی یارە وا بێعارم | |
| ئەمن گراو شاو چوار یارم | نوختەی خودا لەسەر زارم | |
| ئەز کە وێڵ بووم لە جێ و شارم | بەڵەدمی کرد شای شاسوارم |