عەلی عارف ئاغا

لە ئینسایکڵۆپیدیای ئازادی ویکیپیدیاوە
Jump to navigation Jump to search
عەلی عارف ئاغا

لەدایکبوون١٩١٠
مەرگ١٩٩٦
نەتەوەکورد
پیشەشاعیر

عەلی عارف ئاغا ناسراو بە شاری لەدایکبووی ١٩١٠ شاعیرێکی خەڵکی سلێمانییە. شاری شیعرەکانی لەسەر شێوەی کلاسیکە و تێکڕای شیعرەکانی بە ڕواڵەت ئاسانن و ئەمەی وەکوو ڕێچکەیەک ھەڵبژارتووە، بە وتەی خۆی «حەزی لە شیعری ئاڵۆز و قورس نییە چونکە ھەست و مێشک ماندوو دەکەن».[١]

ژیان[دەستکاری]

عەلی کوڕی عارف ئاغا، کوڕی عەزیز ئاغا، لە ساڵی ١٩١٠ی زایینی، لە شاری سلێمانی، لە گەڕەکی دەرگەزێن، بنەماڵەی ئاغا تەھا لەدایک بوو. ھەتا پلەی ناوەندی خوێندوویەتی، ھەر لە سەرەتای لاویدا ھۆگری شیعری شاعیرەکانی وەکوو نالی، کوردی، سالم، شێخ ڕەزا، مەولەوی، زێوەر، بێکەس و ...بووە. بەشی زۆری شیعرەکانی، لە بابەتی دڵدارییە، و شیعری کۆمەڵایەتی و شیننامە و نیشتمانیش لەناو شیعرەکانیدا دەبینرێت.[٢]

نموونە شیعر[دەستکاری]

نموونە غەزەلێکی نیشتمانی:

دەمێکە گیانی ئەم قەومە پڕووکاوە لە ئازارا بەڵام شێرانە ڕوو نادا بە ئازار و بەبێ زارا
بەچالاکی بەدڵپاکی خەباتی کردووە ھەردەم لەدەشت و شاخ و ڕووبارا لە دێھاتا لەناو شارا
بەرامبەر ئاگر و لافاوی زەحمەت نەیبووە باکی بەمەردانەش کە وەستاوە لە ڕووی ناپاک و بەدکارا
ئەوەی ھاشە و فشەی زۆرە لە دیواخان و چاخانە ئومێدی پێ مەکە بڕوا بەناو بەرد و بەناو دارا
بە کوردی تێ مەگە ھەرکەس لەڕێی ئەم خاکە پیرۆزە وەکوو کاوە فیداکاریی نەبێ ھەردەم لە کردارا[٣]

پەراوێزەکان[دەستکاری]

  1. ^ دیوانی شاری، سەرجەم شیعرەکانی عەلی عارف ئاغا، ئامادەکردنی ئەحمەد حسێن ئەحمەد
  2. ^ دیوانی شاری، سەرجەم شیعرەکانی عەلی عارف ئاغا، ئامادەکردنی ئەحمەد حسێن ئەحمەد
  3. ^ "گیانی ئەم قەومە". books.vejin.net. Retrieved 2021-06-20.

سەرچاوەکان[دەستکاری]

  • دیوانی شاری، سەرجەم شیعرەکانی عەلی عارف ئاغا، ئامادەکردنی ئەحمەد حسێن ئەحمەد

بەستەرە دەرەکییەکان[دەستکاری]