سەعید عیبادەتیان

لە ئینسایکڵۆپیدیای ئازادی ویکیپیدیاوە
Jump to navigation Jump to search

سەعید عیبادەتیان (لەدایکبووی ١٩٦٣ لە گیەڵان، پارێزگای کرماشان) بە نازناوی بانان، ھەڵبەستوانێکی کوردزمان و لە پێشەنگەکانی ھەڵبەستی کوردیی باشووریە.

ژیان[دەستکاری]

سەعید عیبادەتیان لە ساڵی ١٩٦٣ لە شاری گیەڵان لە پارێزگای کرماشان لە دایک بوو. لە تەمەنی ١٢ ساڵی یەکمین ھۆنراوەی ھوێندووەتەوە. عیبادەتیان وەکوو کارمەند لە مەزرینگەی کاروباری عەشیرەتەکانی شارۆچکەی گیەڵان کار دەکات و لە دەساڵانی ١٩٨٠ی زایینیدا لە بواری وێشەی کوردیدا بە شێوەیەکی پیشەیی و سوێڕ دەستی بە چالاکی کردووەتەوە. سەعید عیبادەتیان نازناوی بانانی بۆ خۆی ھەڵبژاردووە ک لە دیالێکتی کوردیی باشووریدا بە واتای داھاتووە. کارەکانی عیبادەتیان لە ژماری گرینگترین و بەرچاوترین ھەڵبەستەکانی کوردی لە دیالێکتی کوردیی باشووری بە ئەژمار دێت و تا بە ئێستاکە بە ھیچ زمانێکی دیکە وەرنەگێڕاوەتەوە.[١]

شێوازی ھەڵبەست[دەستکاری]

لە ھەڵباستەکانی سەعید عیبادەتیان پڕن لە ڕازە وێژەییەکانی بۆ وەسفکردنی سرۆشت و بەکارھێنانی ھێمانەکانی سرۆشتی بۆ گەڕاندنەوەی ماناکان.[٢] بەم ھۆیە عیبادەتیان وەکوو ھەڵبەستوانێکی ڕۆمانتیک دەستەبەندی کراوە کە لە ھەڵبەستی سوننەتیی کوردی جیا بووەتەوە و ھەم لە مانا و ھەم لە فۆرمەکانی قەبوولکراوی ھەڵبەستی سوننەتیی کوردیی باشووری، دەستی بە نۆژەنی و داھێنەری داوە.[٣]

بەرھەمەکان[دەستکاری]

کۆمەھەڵبەست[دەستکاری]

  • عیبادەتیان، سەعید، ھە لە لام بۊد گومد کردم (ھەر لە لامدا بووی، ونم کردت)، کرماشان: [بێ پەخشانگە]، ٢٠٠٩.[٢]
  • عیبادەتیان، سەعید، ساڵەیل لە کیس چی (ساڵەکانی لە دەس چوو)، تاران: ھەمایش دانش، ٢٠١١.

نموونەی ھۆنراوە[دەستکاری]

ھلوور ملوور دەنگ بلوور

لە بن دنیاێ دۊرەو تیەم
لە تیەریکی بێ نۊرەو تیەم
لە وڵات خاپۊرە تیەم

ھلوور ملوور دەنگ بلوور
لە پاێ دار بەرز کولوور
خوەراواسەو زام ناسوور

نیشم، ئۊشم، گیرم، خەنم
تووژێگ لە رۊ دنیا کەنم

دنیا ڕنگ و ڕەیشتانەسە
باقی واتەو ئەوسانەسە

دەسەیل پڕ مەکر و دەسان
بنیاێ دنیا وە ھۊچ بەسان

رێوار قەێ تاش بێ ڕێ
شیشەێ ئومر دنیا ھا پێ

ھلوور ملوور دار واێەم
شنەێ وا تێ ونەێ ئاێەم

ئاێەم چوود و ونەێ مینێ
نەقشێ لە قەێ زنەێ مینێ

ئاێەم کەپوو پایزانە
وەیلان ڕۊ جادەگانە

شەو سەردێ زاناێ شەکەت
مرد و ڕاز ئاڵەم نەوەت

ھلوور ملوور مەلەوەرێ
پایزەو لە کەلەوەرێ
لە ژێر دار بێ بەرێ

نیشم، ئۊشم، گیرم، خەنم
لە سەد مەقام بلوور ژەنم

بلوور دەنگ ئەژدادمە
دادم نییە بێدادمە[٤]

وەرگێڕان[دەستکاری]

  • گارسیا لۆرکا، فێدێریکۆ، تەنیا داخە ک ئاخ کیشێ (ھەربەتەنیا داخە کە ئاخ ھەڵدەکیشێت)، وەرگێڕ سەعید عیبادەتیان (بانان)، ئامادەکردنی کارزان سەنایی، تاران: داستان، ٢٠١٦.

ئەلبوم[دەستکاری]

  • مەیلەم وە جێ(بە جێم مەھیلە)، مۆسیقادانانەوە و ڕێکوپێککردن لە عەبدوڕەزا تەنھایی، دەنگبێژ قوباد پاکنیژاد، بنکەی چاند و ھونەری ھەزارئاوای چەکامە.
  • داخ دەوران(داخی سەردەم)، مۆسیقادانانەوە و ڕێکوپێککردن لە خەشایار ڕەشیدی، بە ئاریکاریی گرووپی تەمبوورژەنەکانی چەنگی ڕام، بەشکۆی سروەی تەمبوور.
  • تەنیا داخە ک ئاخ کیشێ (ھەربەتەنیا داخە کە ئاخ ھەڵدەکیشێت)، دیکلەمەی ھۆنراوەکانی لۆرکا، وەرگێڕ سەعید عیبادەتیان، ڕێکوپێککردن لە مۆحسن سەفاریان، [بێ پەخشانگە].
  • ژەنیار شەوێ (ژەنیاری شەو)، مۆسیقادانانەوە و دەنگی خەشایار ڕەشیدی، ھاوژەنیاریی گرووپی شاخوەشین.[٥]

سەرچاوەکان[دەستکاری]

  1. ^ کوردیپێدیا: سەعید عیبادەتیان (بانان)؛ سەردانەوە لە ٣٠ی کانوونی دووەمی ٢٠١٩.
  2. ^ ی ا ئاژانسی ھەواڵدەری خوێندەکارانی ئێران (ئیسنا): سەعید عیبادەتیان یەکمین کۆمەھەڵبەستەکەی بڵاو کردەوە (بە فارسی)، ١٠ی حوزەیران ٢٠٠٩؛ سەردانەوە لە ٣١ی کانوونی دووەمی ٢٠١٩.
  3. ^ دارابی، یووسف. ٢٠١٥. لێکۆڵینەوە لە نیگار و مۆسیقا لە ھەڵبەستەکانی سەعید عیبادەتیاندا (بە فارسی)، دەرئەنجامنامەئ کارناسیی والا لە زانستگەی ئازادی ئیسلامیی کرماشان، کۆڵێژی زانستە ئینسانییەکان، مامۆستای ڕێنوێن: مووسا پەرنییان؛ سەردانەوە لە ٣١ی کانوونی دووەمی ٢٠١٩.
  4. ^ عیبادەتیان، سەعید، ھە لە لام بۊد گومد کردم
  5. ^ ھەمشەھری پارێزگاکان: بۆ یەکمین جار لە شاری کرماشان لە ئەلبومی مۆسیقای ژەنیاری شەو بە مۆسیقادانانەوە و دەنگی «خەشایار ڕەشیدی» و ھاوژەنیاریی «گرووپی شاخوەشین» لە ساڵۆنی شارداریی کرماشان پەردە لادراو (بە فارسی)، ١٥ی شوباتی ٢٠١٦؛ سەردانەوە لە ٣١ی کانوونی دووەمی ٢٠١٩.