یووسف بەگی ئیمامی

لە ئینسایکڵۆپیدیای ئازادی ویکیپیدیاوە
Jump to navigation Jump to search
گۆڕستانی ب‏‏‏ە‏‏‏رمیل لە نێوان دوو گوندی دڕۆڵەی خوارن و دڕۆڵەی ژوورن سەربەشارستانی جوانڕۆ، نزیک بە دوو ڕووباری لێڵە و سیروان، کە گۆڕی یوسف بەگ لەوێ بوونی ھەیە.

یووسف بەگی ئیمامی شاعیرێک بووە لە تیرەی ئیمامیی جاف کە لە کاتی میرایەتی محەممەد پاشای کوڕی کەیخەسرەو بەگدا ژیاوە و بە شێوەزاری ھەورامی شیعری وتووە.

ژیان[دەستکاری]

سەبارەت بەم کەساییەتەوە، بۆ یەکەم جار عەلائەدین سەججادی لە کتێبی «مێژووی ئەدەبی کوردی»دا ناوی لێ بردووە و لە ڕیزی شاعیرە نەناسراوەکاندا ناوی لێ دەبات. بۆ دووەم جاریش پیرەمێرد، لە ڕۆژنامەی ژیندا ناوی دەبات و ھۆنراوەیێکی کە بە ھەورامی وتراوە بە کوردیی ناوەندی وەڕی دەگێڕێت. دیوانی ھۆنراوەکانی لە ساڵی ٢٠٠٩ لەلایەن حەکیم مەلا ساڵح لە چاپ درا. زۆربەی ھۆنراوەکانی لە بابەتی خواناسی و دین و ئایینە.

نموونەی شیعرەکانی[دەستکاری]

سەبارەت بەم ھۆنراوەیە: ڕۆژێک پڵنگێک چیادا برای یووسف بەگ دەیکوژێت، یووسف بەگ کە پیاوێکی بەجەرگ بووە دەچێت بۆ کێو و لەوێ پڵنگەکە دەکوژێت و ئەم شیعرە دەڵێت. لە ساڵی ١٩٥٥دا، پیرەمێرد لە ژمارەی ١٣٠٢ی ڕۆژنامەی ژیندا دوای گۆڕین بۆ سەر شێوەزاری سلێمانی بڵاوی دەکاتەوە.

کەفتەن ئارایش، کەفتەن ئارایش نازداری جافان، کەفتەن ئارایش
دمای ئارایش، کەردش فەرمایش تەڵمیت بەندانەن پەرێ «دزیایش»
وێش پێچان وە بەرگ سەفەرنماوە بە لارە و لەنجە دڵبەر ئاساوە
شەدە و سرکەیی کێشان وەدەورا رۆ شیرین تەربی نە ھاڵەی ھەورا
دەسماڵی کەتان عەنکەبووتی‌ڕەنگ دەستکردی خاسەی کارخانەی فەرھەنگ
بە جامەی ڕەنگین شۆخی شیرین تەرز دڵش شێردڵان ماوەرەد ئەو لەرز
ئاھووی «شیروانە» چەم وە نیگاوە گاە گاە وە ڕووی ناز ھۆرمگێلاوە
قەد و قامەتت ھەمچو «قد قامت» کە خێزا خێزا شۆڕی قیامەت
بەو گریشمە و ناز خەرامانەوە کەفتەڕا نەڕای «دووئاوان»ەوە
پا نیا وە ڕیکاب سوار بی وەھۆش حۆریی سەماوات یاوزنگی گردت بۆش
وێش خۆرشیدێ بی بوڕاق شیرش بی بوڕاقی میعراج ئەو ئەسیرش بی
شیر و خۆرشیدی نیشانی ئێران جەو تەرز و تەرحە ئامان وە مەیدان
کەلی «شاکەل»ش پڕ کەردەن جە نوور سەرای گەرمەسێر بێ وادەیی توور

سەرچاوەکان[دەستکاری]

  • مەلا ساڵح، حەکیم دیوانی یوسف بەگی ئیمامی چاپەمەنی و ئۆفسێتی پەیڤ، ساڵی ٢٠٠٩، ١٤١ پەڕە. (پەڕەی ٣-١٠)
  • ئاشنا، ئومێد. پیرەمێرد و پێداچوونەوەیەکی نوێی ژیان و بەرھەمەکانی. ھەولێر: دەزگای چاپ و بڵاوکردنەوەی ئاراس، ٢٠٠١. ٤٤٨ پەڕە (بەرگی دووھەم، پەڕەی ٢٣٥-٢٣٧)
  • ھیدایەتی، فەرزانە. «کورتەیێک سەبارەت بە یووسف بەگی ئیمامی» (فارسی). دەنگی بانەوڕێ، بنکەی ھەواڵدەری شاری بانەوڕێ. ئارشیوکراو لە وتاری ڕەسەن[بەستەری مردوو] لە ٢٨ی ئایاری ٢٠١٥. پێداچوونەوە لە در ٢٦ی تشرینی یەکەم ٢٠١٥.