شاعیر

ھۆنەرێکی ھەژار

شاعیر یان شایەر یان ھۆنەر یان ھۆزانڤان یان ھەڵبەستڤان بە کەسێک دەڵێن کە لە توانایدایە ھۆنراوە بڵێت و چیرۆک و بەسەرھات و زۆر ڕووداوی دی بکات بە ھۆنراوە. شاعیر توانای داڕشتنەوەی بابەت، چیرۆک، داستان و بەسەرھاتەکانی لەسەر بناغەی ڕیتم و بنچینەی وێژەیی هەیە.

شاعیر شیعرەکانی خۆی به زمانی باو نانووسێتەوە، بەڵکوو ڕیتم، ئاهەنگ، چواندن و بگرە سەروای تێدا بەکار دەهێنێت. تەنانەت ئەگەر ڕووداوێکی مێژوویی بهۆنێتەوە، هەوڵ نادات وەک خۆی بیگوازێتەوە، بەڵکوو بە شێواز و مەبەستی شاعیرانەی خۆی دایدەڕێژێتەوە و تێگەیشتنی خۆی دەخاتە ڕوو.

ئەو شیعرانەی لە لایەن شاعیرەوە دەنووسرێن، ئەگەر بە دڵی خەڵک بێت؛ دەکرێنە گۆرانی و ھونەرمەندان و گۆرانیبێژان ئاوازیان بۆ دادەنێن و بە تۆماری دەنگی بڵاویان دەکەنەوە.

شاعیرانی کورد

زۆربەی شاعیران ھەر کامەی خاوەن شێوازی تایبەت بە خۆیانن و ناسراوترین شێوازەکانی شیعری کوردی بریتین لە: شیعری کلاسیک، شیعری نوێ، یان شیعری سپی.

شاعیرانی کلاسیک

لە شیعری کلاسیکی کوردیدا دەتوانین ئاماژە بەم شاعیرانە بدەین:

• ئێل بەگی جاف
• بابا تاهیری هەمەدانی
• نالی
• مەحوی
• مەولەوی تاوگوێزی
• دڵدار
• جگەرخوێن
• خانی
• فایەق بێکەس
• قانع
• پیرەمێرد
• وەفایی
• ھێمن موکریانی
• ھەژار موکریانی

شاعیرانی شیعری نوێ

لە شیعری نوێی کوردیدا دەتوانین ئاماژە بەم شاعیرانە بدەین:

• شێخ نووری شێخ ساڵح
• گۆران
• سوارەی ئیلخانیزادە
• شێرکۆ بێکەس
• عەبدوڵڵا پەشێو
• فەرھاد عەجمۆ

شیعری بەشێک لە شاعیرانی کورد بە ھۆی جوانی و پڕواتابوونیان لە چەندین وڵاتی جیھان و بە چەندین زمان وەرگێڕانیان بۆ کراوە و چاپ و بڵاو بوونەتەوە، کە یەکێک لە نموونەکان شیعرەکانی شێرکۆ بێکەسە.

سەرچاوەکان

• بەشداربووانی ویکیپیدیا، «شاعر»، ویکیپیدیای فارسی. سەردان لە ١٥ی کانوونی دووەمی ٢٠١٤.