قاسم موئەیەدزادە

لە ئینسایکڵۆپیدیای ئازادی ویکیپیدیاوە
Jump to navigation Jump to search
مامۆستا قاسم موئەیەدزادە
لەدایکبوون١٩٥٢
ڕۆژھەڵاتی کوردستان، مەھاباد
نیشتەجێمەھاباد
نەتەوەکورد
ناوەکانی ترھەڵۆ
پەروەردەلیسانس
پیشەشاعیر
شارمەھاباد
ئایینئیسلام ، سوننی
منداڵەکاندیاکۆ، ڕەزا و ...

مامۆستا قاسم موئەیەدزادە ناسراو بە ھەڵۆ یەکێک لە شاعیرانی ناسراوی مەھابادە.

ژیاننامە[دەستکاری]

قاسم موئەیەدزادە ساڵی ١٣٣١ ھەتاوی لە شاری مەھاباد ھاتۆتە دنیاوە و خوێندنی سەرەتایی ھەر لەو شارە دەسپێکردو لە ساڵی ١٣٥٠ ھەتاوی دیپڵۆمی وەرگرتووە.

لە ساڵی ١٣٥٦ ھەتاوی لە فێرگەی مامۆستایانی ورمێ دەورەی دوو ساڵانەی فەوقی دیپڵۆمی زمانی ئینگلیسی تەواو کردووە. لەو ساڵەوە ھەتا ساڵی ١٣٧٢ لە خوێندگەکانی مەھاباد مامۆستای زمانی ئینگلیسی بووە.

ساڵی ١٣٧٢ ھەتاوی لیسانسی زمان و وێژەی فارسی لە زانکۆی ئازادی ئیسلامی مەھاباد وەرگرتووە و ئێستا لە فێرگەکانی ناوەندی ئەم شارە خەریکی دەرسگوتنەوەیە.

شێعرەکانی[دەستکاری]

قاسم موئەیەدزادە کۆمەڵێک شێعری گوتووە کە ھەندێکیان لە کتێبی کۆمەڵە شێعری بروسکەدا چاپ کراون.

قاسم موئەیەدزادە ھەندێک شێعری تەنزی گوتووە کە لە چاو شێعرەکانی تری ناسراوترن.

شێعرێک له مامۆستا هەڵۆ بە ناوی "بۆ شاعیرێ که سەد ساڵی دی دێته دی"

کێو سێبەرتە ،

خۆر پڕیشکێکە لە هەستت ،

روبار دەماری سیحرتە و

قافیه قفڵی شێعرتە و

کێش قەڵاتە.

لە حەساری ئەم قەڵا قوڕ قوشمینە تا

داوەت شینە و شین داوەتە.

رێگا ماری زولفی لولی

هۆنینەوەی هونراوەتە.

جێ پێت گۆڕێکی تەنگە و تارە بۆ ناهومێدی و

خەیاڵت رەخشێکی فڕندەیە

دەتڕفێنێ بەرەو نەدیو

بۆ تۆ باران

هەر دڵۆپێکی

ئاوێنەییکە باڵا روان

بۆ روانینی باڵای رووان.

تۆفان تەحلیلی رەوانتە

لە ئەو پەڕی سەر کە شیدا.

ئەستێرە تۆزی فرمێسکی شێعرەکانت

ناشکێنێ لە گەشیدا.

هەیهات ! پەتکی گێژەڵووکە

کۆترە شینکەی هەناسەتی خنکاند بێ.

هەیهات ! بوومە لەرزەی نەهات

کۆشکی روحتی رماند بێ.

هەیهات ! هەیهات !

سینیمماری داڕێژەری خووەر نەق بێ

هەڵدێر درێی

لە هەڵدێری قەڵای شەو را.

قەڵایێکی بەرز و پۆڵایین

بە دەستی خەللاقییەتی هونەریت

داتڕژتبێ

هەیهات ! هەیهات !

بە دەستی خۆت خۆت کوشتبێت و

ناشتبێ

هەیهات ! هەیهات !

سەرچاوەکان[دەستکاری]

  • پێشەکی کتێبی کۆمەڵە شێعری بروسکە؛ قاسم موئەیەدزادە
  • کتێبی "نگاهی به تاریخ مهاباد" نووسینی سەید موحەممەد سەمەدی ، ١٣٧٣ هەتاوی