سازمانی خەباتی کوردستانی ئێران

لە ئینسایکڵۆپیدیای ئازادی ویکیپیدیاوە
Jump to navigation Jump to search
سازمانی خەباتی کوردستانی ئێران
دامەزران ١٣٥٩هیجرى - ١٩٨٠زایینى
پێگەی سەرەکی باشووری کوردستان (هه‌ولێر)
ھەواڵنامە تێكۆشان
ئامانج دامەزراندنی حکوومەتێکی ھەڵبژێردراو و دیموکراتیک و پارلمانی لە کوردستاندا
ناوچەی چالاکییەکان ڕۆژھەڵاتی کوردستان
ئایدۆلۆجیا نه‌ته‌وه‌یى و نیشتمانى
دروشم تاسته‌مم له‌سه‌ره‌ رِێى خه‌باتم له‌سه‌ره‌ (په‌ژار)
ماڵپەڕ http://www.khabatmedia.com/


سازمانى خه‌باتى كوردستانى ئێران لە سەر دیاگڕامی سیاسی (چەپ / راست)

سازمانى خه‌باتى كوردستانى ئێران یه‌كێكه‌ له‌ هیزه‌ ناسراوه‌كانى كوردستانى ئێران كه‌ له‌ساڵى (١٣٥٩)ى هیجرى كه‌به‌رامبه‌ر (١٩٨٠)زایینى له‌سه‌ر ده‌ستى مامۆستاى مامۆستا شیخ جه‌لال حسێنى دامه‌زرا، ئه‌م هێزه‌ ماوه‌یه‌كى زۆر دژ به‌کۆماری ئیسلامی ئێران له‌سه‌ر ده‌ستى مامۆستاى ناوبراو جه‌نگاوه‌و تائیستاش هه‌ر به‌رده‌وامه‌ ،جێى ئاماژه‌یه‌ كه‌ ئه‌م هێزه‌ له‌سه‌ره‌تاوه‌ وه‌ك هیزێكى ئیسلامى هاته‌ ئاراوه‌ به‌ ناوى(سازمانى خه‌باتى نه‌ته‌وایه‌تى و ئیسلامى كوردستانى ئێران) به‌ڵام له‌ دوایداو له‌به‌ر هه‌لومه‌رجى ئه‌و كاته‌ گۆرِا به‌ (سازمانى خه‌باتى كوردستانى ئێران) ، وه‌ له‌دواى زیاتر له‌ (39) ساڵ تێكۆشان و به‌ره‌نگاربوونه‌وه‌ى ئه‌م رِژێمه‌، كۆمه‌ڵێك ده‌سكه‌وت و سه‌روه‌رى گه‌وره‌ى به‌ده‌ست هێناوه‌ ، دواى كۆنگره‌ى چواره‌مبابە شێخ حوسێنی به‌سكرتێر هه‌ڵبژێردرا و ئه‌وه‌ش به‌ هۆى ماندوو بوون و تێكوشانێكى دورو درێژ و په‌یداكردنى ته‌جره‌به‌یه‌كى زۆره‌وه‌ویه‌ بۆ خزمه‌ت كردنى خاك و وڵاته‌كه‌ى.. تاکو ئێستا 6 کۆنگرەی ئەنجام داوە. تێدەکۆشێ بۆ دامەزراندنی حکوومەتێکی ھەڵبژێردراو و دیموکراتیک و پارلمانی لە کوردستاندا، کە مافی ھەموو نەتەوەو ئایین و مەزھەب و رەگەزەکان بپارێزێ. سازمانی خەباتی کوردستانی ئێران دەستەبەرکرانی مافی دیاری کردنی چارەنووسی پێ پەسەندە، بەڵام لە ئێستادا دەستەبەرکرانی خودموختاری لەچوارچێوەی ئێرانێکی دیموکراتیک و پارڵمانی بە رەوا دەزانێ. سازمانی خەباتی کوردستان، باوەڕی وایە کە ئایینی پیرۆزی ئیسلام وەک یەکێک لە سەرچاوەکانی قانوون دانان کەڵکی لێ وەرگیرێ، و دەبێ مافی ئەدیان و بیروبۆچوونەکانی دیکە لە کوردستان لە بەرچاو بگیرێ. درووشمی رووخانی رژیم یەکێک لە درووشمە سەرەکی و نەگۆڕەکانی سازمانی خەباتە.

مێژوو[دەستکاری]

لەدوای ھێرشی پاسدار و ئەرتەشی بەکرێگیراو بۆسەر کوردستان و کوشت و بڕی خەڵکی کوردستان بە تاوانی دژی ئینقلاب و دژی ئیسلام، بڕیاری جەماوەری کوردستان بۆ دیفاع لە نیشتمان و تێکۆشان بۆ ھاتنە دیی ئامانجە رەواکان و ئازادی، ژمارەیێک لە مامۆستایانی ئایینی و کەسایەتیە تێکۆشەرەکانی کوردستان کە پێشتر لەژێر ناوی دەفتەری مامۆستا شێخ عزالدین دا چالاکیی سیاسی نیزامیان ئەنجام ئەدا، بیریان لە پێک ھێنانی سازمانێکی سیاسیی نەتەوەیی و ئیسلامی کردەوە کە بە بۆچوونێکی جیاواز لە رێبازی ھێزو لایەنەکانی دیکەی گۆڕەپانی خەبات بێتە مەیدان و پەرچەمدار و پێشڕەوی ئەو جەماوەرە بێ کە خاوەنی بیرێکی نەتەوەیی و ئیسلامین، ھەربۆیە لە ٥ی خەرمانانی ساڵی ١٣٥٩ی کۆچی خۆری بەرانبەر بە ٢٧ ئەگۆستی ١٩٨٠ی زایینی پێکھاتنی سازمانی خەباتی نەتەوایەتی و ئیسلامیی کوردستانی ئێران یان راگەیاند. دوای ڕاگەیاندن و دامەزراندنی سازمانی خەبات، لەچەندین شارو ناوچە لە باکوور تا باشووری کوردستانی ئێران بنکە و رێکخراوەکانی سازمان داندران و کادر و پێشمەرگەکانی سەرەڕای کەند و کۆسبی زۆر ھەڵسووڕانی سیاسی نیزامیان لە بەرانبەر ھێزە بەکرێگیراوەکانی رژیمی ئاخوندیدا دەست پێ کرد. سازمانی خەبات ماوەی39 ساڵە لە دژی کۆماری ئیسلامی ئێران خەبات دەکا و وەک ھێزێکی گرنگ و بەرچاوی ئۆپۆزیسێۆن دەناسرێ و ئێستا بنکەو بارەگاکانی لە باشووری کوردستانە.


كه‌سایه‌تیه‌ دیاره‌كانى سازمانى خه‌بات[دەستکاری]

مامۆستا شێخ جەلالی حسینی دامه‌زرێنه‌رى سازمان كه‌ له‌ سالى 2010 له‌ شارى هه‌ولێر كۆچى دوایى كرد

بابە شێخ حوسێنی كورى مامۆستا شێخ جه‌لال كه‌ له‌ ئیستادا سكرتێرى سازمانه‌

جەلال خۆشکەلام کۆمه‌ڵناس و کلتورناس، شاعیر و نووسه‌ر ئه‌ندامى ده‌فته‌رى سیاسی سازمانی خه‌بات, به‌رپرسى به‌شى راگه‌یاندن.

کامیل نورانی فەرد ئه‌ندامى ده‌فته‌رى سیاسى

رێبوار حسێنى ئه‌ندامى ده‌فته‌رى سیاسى جگە لە کاری سیاسی دەستێکی باڵای لە شعر و پەخشاندا هەیە لە زۆر بەی بۆنەکان پێشکەشی دەکات

بێهروز ئه‌رده‌لان ئه‌ندامى پێشوى كۆمیته‌ى ناوه‌ندى لە ئێستادا تەنها بە کاری نوسین و وتاری سیاسیەوە خەریکە پلەی باڵای حیزبی نەماوە بەهۆی دەست لەکار کێشانەوەی

زێنەب حسینی ئه‌ندامى كۆمیته‌ى ناوه‌ندى و به‌رپرسى رێكخراوى ئافره‌تانى خه‌بات

شیلان محمدى ئه‌ندامى كۆمیته‌ى ناوه‌ندى.

على به‌هرامى ئه‌ندامى كۆمیته‌ى ناوه‌ندى بەرپرسی کۆمیتەی ئەوروپای سازمانی خەبات

په‌یره‌و و پرۆگرامى سازمانى خه‌بات ى كوردستانى ئێران[دەستکاری]

سازمانى خه‌باتى كوردستانى ئێران هه‌ر وه‌ك حیزبێكى دیاری كراو خاوه‌نى پەیرەوپرۆگرام ی خۆیەتی تێیدا ئامانج و سیاسەتەکانی ئەم رێکخراوە باس دەکات

سەرچاوەکان[دەستکاری]

١-کورتەیەک لە مێژووی سازمانی خەباتی کوردستانی ئێران

٢-ماڵپەری فەرمی سازمانی خەبات

٣-ماڵپەری دووەمی سازمانی خەبات -خەباتمیدیا

کورپیدیا - سازمانی خەباتی کوردستانی ئێران