ھاوپەیمانیی نیشتمانیی دیموکراتی کوردستان
| ھاوپەیمانیی نیشتمانیی دیموکراتی کوردستان | |
|---|---|
| دامەزران | ١ی کانوونی دووەمی ٢٠٠٥ |
| وڵات | عێراق |
| ئایدۆلۆژیای سیاسی | سەرەتاکانی ناسیۆنالیزمی کوردی |
| لە دوای | لیستی کوردستانی |
| کۆتاییھاتن | ١ی کانوونی دووەمی ٢٠٠٩ |
هاوپەیمانیی نیشتمانیی کوردستان یان لیستی هاوپەیمانیی کوردستانی (بەئینگلیزی: Democratic Patriotic Alliance of Kurdistan) بریتییە لەناوی هاوپەیمانێتییەک بوو کە بۆ هەڵبژاردنی ٢٠٠٥ی عێراق و هەڵبژاردنی ٢٠٠٥ی هەرێمی کوردستان دانرا کە تێیدا کورد بەیەکگرتوویی چووە نێو هەڵبژاردنەکانی عێراق بەرامبەر بە نەتەوایەتییەکانی تر. هەڵبژاردنەکان لەهەمان کاتدا بۆ پەرلەمانی کوردستانیش بوو. بەشێوەیەکی سەرەکیی پارتی دیموکراتی کوردستان و یەکێتیی نیشتمانی کوردستان دوو پارتە زلهێزەکەی لیستەکە بوون.
قەوارە بەشدارەکان:
- پارتی دیموکراتی کوردستان
- یەکێتیی نیشتمانی کوردستان
- یەکگرتووی ئیسلامیی کوردستان
- حیزبی شیوعی کوردستان-عێراق
- حیزبی زەحمەتکێشانی کوردستان
- حیزبی سۆسیالیست دیموکراتی کوردستان
- یەکێتیی نەتەوەیی دیموکراتی کوردستان
- بزووتنەوەی دیموکراتی تورکمانی
- پارتی دیموکراتی کلدان
هاوپەیمانێتییەکە ١٥٧٠٦٦٥ دەنگی بەدەست هێنا لە پەرلەمانی کوردستاندا، کە دەیکردە ٩٠%ی دەنگەکان. لەسەر ئاستێکی فیدراڵیش %٢٦ی دەنگەکانی بەدەست هێنا کە دەیکردە ٧٥ کورسیی لە کۆی ٢٧٥ کورسیی پەرلەمانی عێراق. لیستەکە توانیی پۆستی سەرۆک کۆماری عێراق بۆ جەلال تاڵەبانی پارێزراو بکات هاوکات پۆستی سەرۆکی هەرێمی کوردستانیش بۆ مەسعوود بارزانی بپارێزێت.[١]
