پارتی کۆمۆنیستی کوردستان (تورکیا)

ئەم وتارە سەبارەت بە پارتەکەی تورکیا نووسراوە. بۆ پارتەکەی سووریا، بڕوانە ‏پارتی کۆمۆنیستی کوردستان (سووریا).

پارتی کۆمۆنیستی کوردستان Partiya Komunistê Kurdistan (KKP)
سەرۆک	محەممەد باران
دامەزراندن	١٩٨٢
ماڵپەڕی ھەواڵی	دەنگی کوردستان
ئایدۆلۆژیا	کۆمۆنیزم ناسیۆنالیزمی کوردی
شوێنی سیاسی	چەپی ڕادیکال
ماڵپەر
http://partiyakomunistekurdistan.org http://kurdistankomunistpartisi.com
ئاڵای حیزب

پارتی کۆمۆنیستی کوردستان یان کەکەپە (بە کوردیی باکووری: Partiya Komunistê Kurdistan، بە تورکی: Kürdistan Komünist Partisi) پارتێکی سیاسیی کۆمۆنیستی کوردەکانی باکووری کوردستانە. پارتی کۆمۆنیستی کوردستان ئێستاکە بە دەستی محەممەد باران ڕێبەری دەکرێت.

مێژوو

ئەم پارتە لە ساڵی ١٩٨٢دا وەکوو لقی کوردستانی حیزبی کاری کۆمۆنیستییی تورکیا دامەزراوە. لە ساڵەکانی ناوێنی ١٩٨٠ ھەتا ١٩٨٢ لقی کوردستانی ئەم حیزبە لەژێر ناوی ڕێکخراوەی کوردستانی سەربەخۆ (بە تورکی: Kürdistan Özerk Örgütü; KÖÖ) چالاک بوو. لە ساڵی ١٩٩٠دا پارتی کۆمۆنیتی کوردستان بوو بە حیزبێکی سەربەخۆ.

بەپێی بەرنامەی پارتی کۆمۆنیستی کوردستان، ئامانجی ئەم پارتە دامەزراندنی کۆماری سۆسیالیستیی گەلی کوردستانە. ئەندامەکانی پارتی کۆمۆنیستی کوردستان وەکوو سینان چیفتیوورەک لە ساڵی ٢٠١١ لە دامەزراندنی پارتی ئازادی و سۆسیالیزم بەشدار بوونەتەوە.

ڕۆژنامەی سەرەکیی پارتی کۆمۆنیستی کوردستان دەنگێ کوردستانە. پارتی کۆمۆنیستی کوردستان ھەروەھا خاوەنی کۆمیتەیەک لە وڵاتی ئەڵمانیایە.

بەستەرە دەرەکییەکان

• دەنگێ کوردستان