یەدوڵڵا ڕەحمانی

یەدوڵڵا ڕەحمانی
لەدایکبووی	١٩٥٠ بێڵەھوو، سەرپێڵ زھاو، پارێزگای کرماشان، ڕۆژھەڵاتی کوردستان
مردووی	٢٨ی ژوئەنی ٢٠١١ کرماشان، ڕۆژھەڵاتی کوردستان
پیشە(کان)	گۆرانیبێژ، مامۆستا، شاعیر
ساڵانی چالاکبوون	١٩٧٠ تا ٢٠١٠

یەدوڵڵا ڕەحمانی (١٩٥٠ لە بێڵەھوو لە نزیکی سەرپێڵ زھاو - ٢٠١١ لە کرماشان)، ھونەرمەند شاعیر و گۆرانیچڕ و مامۆستای مەقامخوێنی ناوچەی گەرمیان (سەرپێڵ زھاو، قەسر، گیەڵان، ئەیوان، خانەقین) لە ڕۆژئاوای پارێزگای کرماشان بووە.

ژیان

یەدوڵڵا ڕەحمانی لە ساڵی ١٩٥٠ی زایینی لە گوندی بێڵەھوو لە ناوچەی گۆران لە گەرمیان کرماشان لەدیک بووە. بۆ خوێندنی سەرەتایی چوو بۆ سەرپێڵ زھاو خوێندنی ناوەندیی خۆی لە شارەکانی تاران و قەسرشیرین بەردەوام کرد. لە ساڵی ١٩٧٠ چوو بۆ کۆلێژی ئادابی کرماشان و لە ساڵی ١٩٧٣ وەکۆ مامۆستای زمانی فارسی دەستی کرد بە کار. لە ساڵ ١٩٧٠ لەگەڵ گرووپی ئۆرکسترای ڕادیۆی کرماشان ئاشنا بووە و ھاوکاریی لەگەڵ ئەم گرووپە کرد و یەکمین گۆرانیی خۆی بە ناوی ھیجران بۆ ڕادیۆ کرماشان خوێندووە.

یەدوڵڵا ڕەحمانی لە ڕێکەوتی ٢٨ی مانگی ژوئەنی ساڵی ٢٠١١ لە کرماشان کۆچی دوایی کرد و لە گۆڕستانی میناوا لە شاری کرماشان بە تەنیشتی گۆڕی مامۆستای ئاواز حشمەتوڵا لوڕنژاد بە خاک سپێردرا.

مەقامەکانی کوردی

یەدوڵڵا ڕەحمانی لە مەقامخوێنی کوردی مامۆستایەکی پایەبەرز بوو و مەقامەکانی بەوێنەی ئای ئای، قەتار، ئەڵڵاوەیسی، چەمەری، پایەمووری، ئاغامیڕەوە، بانگ ھەڵدان، کۆتەڵ و ھەروەھا لە ئاوازی کوردیی ھوورە کە تەیبەت بە ناوچەی باشووری ڕۆژھەڵاتی کوردستان و خەڵکی کەڵھور، گۆران، سنجاوی و دیتر مەردمانی ئەو ناوچەیە، لە ڕەحمانی بە یادگار ماوە.

بەرھەمەکان

ئەلبۆمەکان

• ئەڵوەناتی: ئەم ئەلبۆمە بە ھاوکاری ھونەرمەندی کەمانچە ژەن و ئاوازدانەری کورد شەھریار جەمشیدی و بە ھەو بەشی تیپی دیلان لە سالی ٢٠٠٤ دا بە فۆرمەتی کاسێت ئامادە کراوە.
• یادی جاران

ژێدەر

• گۆڤاری کەلەپووری کورد (دیداربینییەکی تایبەتی لەگەڵ ھونەرمەند یەدوڵڵا ڕەحمانی، سازدان و ئامادەکردنی: عەبدوڵڵا حەسەن قادر)، ژمارەی ٢٢ی ساڵی ٢٠١١، ل٥١–٦٧.