فەتانە وەلیدی
فەتانە وەلیدی | |
|---|---|
 | |
| زانیارییەکان | |
| ناوی لەدایکبوون | فەتانە محەممەد شەریف وەلیدی |
| لەدایکبووی | ١٩٥٣ سنە، ڕۆژھەڵاتی کوردستان |
| مردووی | ٢٤ی ئەیلوولی ٢٠٢٤ (٧٠–٧١ ساڵ ژیاوە) سنە، ئێران |
| چەشنەکان | فۆلکلۆر |
| پیشە(کان) | گۆرانیبێژ |
فەتانە وەلیدی (١٩٥٣ لە سنە، ڕۆژھەڵاتی کوردستان - ٢٤ی ئەیلوولی ٢٠٢٤ لە سنە[١][٢]) خانمە گۆرانیبێژێکی کوردی ڕۆژھەڵاتی کوردستان بوو.[٣] لە خوێندنگەی باڵای میوزیک لە تاران خوێندوویەتی و لە ساڵانی حەفتاکان لە ڕێگەی حەسەن کامکار، باوکی گرووپی کامگارەکان و محەممەد شەریف وەلیدیی باوکی خۆی، ئاشنای جیھانی مۆسیقا بووە.[٤] فەتانە ٥٦ گۆرانیی لە ڕادیۆی سنە و ڕادیۆی کوردیی کرماشان تۆمار کردووە، بەڵام تەنیا ئەلبوومێکی بە ناوی بولبول لە بەردەستدایە.[٥] بەھۆی باری نالەباری ژیان و نەخۆشیی دەروونییەوە ماوەی پیشەکەی زۆر نەبوو، بەڵام لەو تەمەنە کورتەی پیشەکەیدا بە کەسێکی گرنگ لە ھونەری مۆسیقای کوردی دادەنرێ چونکە یەکێک لە یەکەمین گۆرانیبێژانی ژنی ڕۆژھەڵاتی کوردستان بوو کە دواتر بووە ئیلھامبەخشی ژمارەیەک لە ھونەرمەندانی ژن و تەنانەت پیاوی تریش لە کوردستان.[٦]
ژیاننامە
[دەستکاری]فەتانە محەممەد شەریف وەلیدی لە ساڵی ١٩٥٣ لە بنەماڵەیەکی ھونەری لە شاری سنەی ڕۆژھەڵاتی کوردستان لەدایک بووە و ھەر لە منداڵییەوە تێکەڵی ھونەری مۆسیقا و ئاواز بووە و بە یەکێک لە ژنە ڕچەشکێنەکان لە مەیدانی ھونەر و مۆسیقای کوردی دادەنرێ.[٧] باوکی فەتانە گۆرانیبێژ بووە و کەمانی ژەنیوە. فەتانە ھەر لە منداڵییەوە لەلای حەسەن کامکار دەستی بە فێربوونی وانەکانی مۆسیقا کردووە و لە تەمەنی حەوت ساڵیشەوە دەستی بە وتنی گۆرانی کرد و لە ڕادیۆی سنە گۆرانییەکانی تۆمار دەکرد. بۆ ئەو سەردەمەی کۆمەڵگەی کوردی، وتنی گۆرانی تەنانەت بۆ پیاوانیش وەکو کارێکی نەشیاو سەیر دەکرا و، بەو ھۆیەوە فەتانە ڕووبەڕووی جۆرەھا توانج و تانە و کاری نەشیاو بوویەوە.[٨] چەندین چیرۆک و گێڕانەوە سەبارەت بە ھۆکاری دوورکەوتنەوەی فەتانە لە گۆرانی و مۆسیقا باس دەکرێن، بەڵام دیارترینیان چیرۆکێکی خۆشەویستییە کە بووەتە ھۆی خراپی دۆخی دەروونی بۆی.[٩]
فەتانە لە ٢٤ی ئەیلوولی ٢٠٢٤ و لە تەمەنی ٧٠ یان ٧١ ساڵیدا لە سنە وەفاتی کرد.[١][٢]
دیسکۆگڕافی
[دەستکاری]فەتانە ٥٦ گۆرانیی وتووە، بەڵام تەنیا یەک ئەلبوومی بە ناوی بولبول بڵاو کراوەتەوە.
| ژمارە | ناو | ماوە |
|---|---|---|
| ١. | «شیرین گیان» | ٤:٥٢ |
| ٢. | «گوڵە گیان» | ٧:٠٤ |
| ٣. | «شکۆفە» | ٧:٠٤ |
| ٤. | «بولبول» | ٧:٠٩ |
| ٥. | «بێ قەرارە» | ٥:٠٣ |
| ٦. | «یاخوا بە خێر بێی» | ٥:٠٤ |
| ٧. | «ئومێدی دڵم» | ٤:٣١ |
| ٨. | «ئەی یاری نازدارم» | ٤:١١ |
| ٩. | «ئەی دڵی غەمینم» | ٧:٤٢ |
| ١٠. | «غەریبم» | ٥:٢٧ |
| ١١. | «ھەر کەس ئاشق بێت» | ١:٥٥ |
| ماوەی گشتی: | ٦٠:٠٢ | |
سەرچاوەکان
[دەستکاری]- ^ ئ ا «خانمە هونەرمەند فەتانە وەلیدی کۆچی دوایی کرد». www.kurdistan24.net. ٢٤ی ئەیلوولی ٢٠٢٤. لە ٢٤ی ئەیلوولی ٢٠٢٤ ھێنراوە.
{{cite web}}: ڕاگرتنی شێوازی سەرچاوەی ١: ڕەوشی ناونیشان (بەستەر) - ^ ئ ا «فەتانە وەلیدی کۆچی دواییکرد». www.rudaw.net. ٢٤ی ئەیلوولی ٢٠٢٤. لە ٢٤ی ئەیلوولی ٢٠٢٤ ھێنراوە.
{{cite web}}: ڕاگرتنی شێوازی سەرچاوەی ١: ڕەوشی ناونیشان (بەستەر) - ^ «دیدار با فتانە کە گوشەنشین عشق شد». isna.ir. ٨ی ئابی ٢٠٢٢.
- ^ «فەتانەی وەلیدی.. شاژنە فەرامۆشکراوەکەی مۆسیقای کوردی». rudaw.net. ٨ی ئابی ٢٠٢٢.
- ^ «فەتانە وەلیدی، تریفەدەنگی مۆسیقای کوردی بە سەر کرایەوە». ku.mehrnews.com. ٨ی ئابی ٢٠٢٢.
- ^ «خانمە ھونەرمەندێکی کورد باری تەندروستی ناجێگیرە». speemedia.com. ٨ی ئابی ٢٠٢٢.
- ^ «دۆخی تەندروستی "فەتانە وەلیدی" ناجێگیرە». kurdistanukurd.com. ٨ی ئابی ٢٠٢٢.
- ^ «فەتانە؛ چریکەی ئەوینێکی ناکام». mewdamedia.com. ٨ی ئابی ٢٠٢٢.
- ^ «خانمە ھونەرمەندێکی ناوداری کورد گەیەنرایە نەخۆشخانە». zamenpress.com. ٨ی ئابی ٢٠٢٢. لە ڕەسەنەکە لە ٧ی کانوونی دووەمی ٢٠٢٣ ئەرشیڤ کراوە. لە ٨ی ئابی ٢٠٢٢ ھێنراوە.
