عەدنان کەریم

لە ئینسایکڵۆپیدیای ئازادی ویکیپیدیاوە
Jump to navigation Jump to search
عەدنان کەریم
لەدایکبوون ١٩٦٣
کەرکووک، باشووری کوردستان
نیشتەجێ سلێمانی
نەتەوە کورد
پیشە گۆرانیبێژ، مۆسیقازان
ساڵانی چالاکی ۱۹۷۹
ئایین ئیسلام
ھاوسەر مەھابادخان
خزمەکان رۆژ کەریم
ماڵپەڕ
http://www.adnankarim.com

عەدنان کەریم (١٩٦٣- ) ھونەرمەند، گۆرانیبێژ و مۆسیقازانی کورد، خەڵکی شاری کەرکووک و دانیشتووی شاری سلێمانی.

ژیان[دەستکاری]

عەدنان کەریم لە ساڵی ١٩٦٣ لە شاری کەرکووک لە دایک بووە، و لە بنچینەدا خەڵکی دێی ژاژڵەی سەر بەناوچەی شارباژێڕە. لە شاری سلێمانی ژیانی منداڵی و سەرەتای ژیانی ھونەری گەشەی سەندووە. ساڵی ١٩٨٥ بەشی نیگارکێشانی لە پەیمانگای ھونەرەجوانەکانی سلێمانی تەواو کردووە. لە ساڵی ١٩٩١دا کوردستانی بەجێھێشتو‌وە و ئێستا لە سوید لەگەڵ مھاباد خانی ھاوسەری و سێ منداڵەکەی لە شاری ئوپسالا دەژین.

کاری ھونەری و بەرھەمەکان[دەستکاری]

سەرەتای کاری ھونەریی دەگەڕێتەوە بۆ ساڵی ١٩٧٩ لەگەڵ تیپی موسیقای سلێمانی بە گۆرانیی دەسماڵێ. پاشان لە ساڵی ١٩٨٠دا، گۆرانیی کازیوەی لەگەڵ تیپی موسیقای سلێمانی تۆمار کرد بۆ شانۆگەریی زەلکاو، کە بەرھەمێکی شانۆیی تیپی شانۆی پێشڕەوی کوردی بوو لە سلێمانی. ئەم گورانییە کە لە ئامادەکردنی دلێر ئیبراھیم و ئاوازی ئارام خەچەدوریان بوو، سەرەتایەکی باش بوو بۆ ناسینەوەی دەنگی خۆی و تایبەتمەندێتی ھەڵبژاردنی ڕەوتی ھونەری.

ساڵی ١٩٨٣، گۆرانیی شەوی تاریک و بێدەنگی تۆمار دەکات لە ئامادە کردنی ئەنوەر قەرەداغی. لە ھەمان ساڵدا پەیوەندی کردووە بە تیپی مۆسیقای نەورۆزەوە کە سەر بە تیپی موسیقای سلێمانی بوو و عوسمان محەمەد سەرپەرشتی دەکرد.

ساڵی ١٩٨٤ بە ھاوکاری تیپی موسیقای پیرەمێرد سەر بە تیپی موسیقای سلێمانی کە سەڵاح رەئووف سەرپەرشتی دەکرد، ئەم گۆرانیانەی تۆمار کرد:

پاشان لەگەڵ تیپی موسیقای پەیمانگای ھونەرەجوانەکان ئەم گۆرانیانە تۆمار دەکات:

لە ساڵی ١٩٨٩ دا لەگەڵ ھەندێ ھونەرمەندی تردا تیپی مۆسیقای کۆمەڵەی ھونەرەجوانەکان دادەمزرێنن. لە ساڵی ١٩٩١ دا لە کۆڕەوە گەورەکەی کورددا بەرەو ڕۆژھەڵاتی کوردستان کەوتە ڕێ و لە شاری مھاباد بۆ ماوەیەک جێگیر بوو. لەو ماوەیەدا چەندین کاری ھونەری لەگەڵ ھونەرمەندانی موسیقی ناوچەی موکریان دا ئەنجام دا وەک عود ژەن و چەندین بەرھەمی ھونەری یان بۆ ھونەرمەندانی وەک محەمەد ماملێ، محەمەد دانش، ئەحمەد ئیسلامی، ئیسماعیل شاھی و ھەندێک ھونەرمەندی تر. لە ساڵی ١٩٩٢ دەگاتە وڵاتی سوید و درێژە ئەدا بەکاری ھونەری و یەکەم بەرھەمی لە دەرەوەی کوردستان کاسێتی بیرتان دەکەم بوو کە لە شاری لیل ی فەرەنسی تۆمار کرا و حەوت گۆرانی لە خۆ گرتبوو. لەوانە چوار گۆرانیان ئاوازی ھونەرمەند ڕزگار ئیسماعیل و گۆرانییەکانی ھەڵەبجە، کۆچ ، ئازادی لە ئاوازی عەدنان کەریم خۆی بوو.

لە ساڵی ١٩٩٤-١٩٩٥ لە سوید دەچێتە بەر خوێندن و بۆ ماوەی ساڵێک کۆرسی تەکنیکیی تۆمارکردنی دەنگ و موسیقا تەواو دەکات و ئەمەش دەبێتە ‌ھۆی ئەوەی بەرھەمە ھونەرییەکانی بە دەستی خۆی تۆمار بکات. ساڵی ١٩٩٥ بەرھەمی ڕاز لە سەر کاسێت دەردەکات.

ساڵی ١٩٩٦ یەکەم بەرھەمی خۆی لەسەر سیدی بەناوی شەوی یەڵدا بڵاو دەکاتەوە کە مۆسیقای ئەم بەرھەمە ‌لە سلێمانێ لە لایەن تیپی موسیقای کۆمەڵەی ھونەرەجوانەکان ئامادە کرا و پاشان لە سوید ھونەرمەند عەدنان کەریم دەنگی خۆی لە سەر تۆمار دەکات.

لە ساڵی ١٩٩٩ دا ئەلبۆمی ئەڕۆی ئۆغر دێنێتە بەرھەم و غەمگین فەرەج ئەرکی دابەشکردنی دەگرێتە ئەستۆ.

لە ساڵی ٢٠٠٠ کۆنسێرتێکی تایبەت لە ھۆڵی کۆنسێرت ھاوسی شاری ستۆکھۆلم پێشکەش دەکات. لە ساڵی ٢٠٠٢ دوو کۆنسێرت لە شاری یۆتۆبۆری و شاری سوتۆکھۆڵم پێشکەش دەکات بە ھاوکاری گرووپی ئاگری زیندوو، ھەر لە ھەمان ساڵدا ئەلبۆمی «شنەی با» بڵاو دەکاتەوە کە گۆران کامیل و فەرھاد محەمەد و غەمگین فەرەج دابەشکردنی موسیقایان بۆ ئەنجام داوە.

لە ساڵی ٢٠٠٤ کۆنسێرتی شاری لەندەن لە ھۆڵی شازادە ئێلیسابێت پێشکەش دەکات ھەر لە ھەمان ساڵدا لە وڵاتی ھۆڵەند کۆنسێرتێکی تر پیشکەشدەکات. ساڵی ٢٠٠٥ لە شاری سنە ‌لە ھۆڵی زانکۆی کوردستان کۆنسێرتێک پێشکەش دەکات. ھەر لە ھەمان ساڵدا ئەلبۆمی تاڤگەیەک لە عیشق بڵاو دەکاتەوە. ئەم بەرھەمە بە سەرپەرشتی گۆران کامیل و ھونەرمەند ‌حسێن زەھاوی ئەنجام درا و لە ستودیۆ بێل تۆمارکرا و بڵاو بۆوە. ھەر لە ھەمان ساڵدا لە فێستیڤاڵی ئومەد لە لەندەن لەگەڵ گرووپی ئاگری زیندوودا بەشداری دەکات. ھەر لە ساڵی ٢٠٠٥ بەشدار دەبێ لە فەستیڤالی «رێ ئۆریانتال» کە ساڵانە لە شاری ستۆکھۆڵم بە بەشداری چەندین ھونەرمەندانی نەتەوەکانی دنیا ئەم فێستیڤاڵە نمایش دەکرێ.

لە ساڵی ٢٠٠٦ لەگەڵ گروپی کامکاران ئەلبۆمی ئەمشەو بڵاو دەکاتەوە کە ئەم ئەلبۆمە لە تاران تۆمار کراوە. لە بەھاری ٢٠٠٧ دا لەگەڵ تارا جاف کۆنسێرتێک لە لەندەن پێشکەش دەکات. لە ھاوینی ٢٠٠٧ لەگەڵ گرووپی کامکاران چوار کۆنسێرت لە ھەولێر و دھۆک و سلێمانی و سێ کۆنسێرت لە تاران پێشکەش دەکات.

لە مانگی شوباتی ٢٠٠٨ بەشداری دەکا لە فێستیڤاڵی بانگھێشتن بۆ ئاو لە وڵاتی کێنیا. لە مانگی مایس ٢٠٠٨ لەگەڵ تارا جاف کۆنسێرتێک لە کتێبخانەی شاژنی وڵاتی دانمارک لە شاری کۆپنھاگن پێ بە سەرپەرشتی تی ڤی کوردان پێشکەش دەکەن. ھەمان ساڵ لەگەڵ ھونەرمەند تارا جاف کۆنسێرتێک لە مانجیستەر پێشکەس دەکەن. ٧ نۆڤەمبەر ٢٠٠٩کۆنسێرت..لە کەنەدا بە سەرپەرشتی ئوستاتد شاملو. ٢٧/٢/٢٠١٠ کۆنسێرتێک لە شاری ئۆریبرو لە سوید ، پاشان ھەمان کۆنسێرت لە ١٠/٤/٢٠١٠ لە ستۆکھۆلم و ١١/٩/٢٠١٠لە یوتۆبۆری ٢/١٠/٢٠١٠ لە ئوپسالا پێشکەش دەکات. ٧ و ٩ ئوکتۆبەری٢٠١٠ لە گەڵ گروپی کامکاراند لە سلێمانی و ھەولێر پیشکەش دەکات. نوێ ترین بەرھەمی عەدنان کەریم سیدی وەفایی یە کە لەگەڵ گروپی کامکاران لە مانگی ئەیلولی ٢٠١٠ بڵاو بووەوە.

ئەلبۆمەکان[دەستکاری]

  • بیرتان ئەکەم (١٩٩٣)
  1. دیاری
  2. ھەڵەبجە
  3. پایز
  4. گەرومیشوومە
  5. سەبری
  6. بیرتان ئەکەم
  7. کۆچ
  8. نەرمێ
  9. خۆشەویستەکەم
  10. بەرەو ئازادی
  • ڕاز (١٩٩٥)
  1. ڕاز
  2. ھەستێک
  3. لەنجە
  4. نیگا
  5. بەرەو ئاسۆ
  6. دەفتەری سینە
  7. گوڵاڵە سورە
  8. کوردستان
  9. بۆ دڵ
  • شەوی یەڵدا (١٩٩٦)
  1. دزە نیگا
  2. شەوی یەڵدا
  3. ھەی نارێ
  4. خوە دەرخە
  5. یادەکانت
  6. تکا
  7. حاڵی دەردم
  8. یادیان وەخێر
  9. کۆچێکی ناوەخت
  • ئەڕۆی ئۆغر (١٩٩٩)
  1. چاوی مەخموری
  2. ئەڕۆی ئۆغر
  3. باخچەی گۆڵان
  4. ماھی من
  5. وێستگەی غەریبی
  6. با
  7. چەھچەھەی بولبول
  8. ئامینێ
  • کۆنسێرتی سوید (٢٠٠٢) - گرووپی موسیکی ئاگری زیندوو
  1. دەسماڵێ
  2. بۆ دڵ
  3. دەف ژەنین - حسەین زەھاوی
  4. نارین
  5. زەمانە
  6. بایادمکە
  7. زولفی تاری
  8. زارا
  9. چاوی مەخموری
  10. لەسەر چڵان
  • شنەی با (٢٠٠٢)
  1. وەک رۆژ
  2. شنەی با
  3. پەیامی من
  4. ئەستێرەی ئاوات
  5. لە غوربەتا
  6. بەگریانم
  7. نمەی باران
  8. دڵی سەوزم
  9. حەنایی کردووە
  10. لە کەشتی عەقڵدا
  11. سازی ئاوارە
EdnanKerim Emshew.jpg
  1. بای نەسیم
  2. دڵی من
  3. نازداران
  4. چاوەڕوانی
  5. ئەمشەو
  6. کە ئەو جوانە
  7. گیان گیان
  8. بەلەنجە
  9. نەکی
  • تاڤگەیەک لە عیشق
  1. مەی گێڕ
  2. تاڤگەیەک لە عیشق
  3. سۆزی دڵ
  4. زەمانە
  5. کنێ
  6. ناری فیراق
  7. زوڵفی تاری
  8. ھەوری بەھار
  9. زارا
  10. نەورۆز
  11. دەسماڵێ
  1. ڕیشەی دڵ
  2. خەندەی گوڵ
  3. ھیجری تۆ
  4. لەرزانێ
  5. ناڵەی بولبول
  6. ئەم دڵەم
  7. یادی جاران
  8. نەشئەی بادە
  • خاتوون (٢٠١١)
  1. خاتوون
  2. لەبەر دەرگە
  3. دارستانی سووتاو
  4. دەگەران
  5. جوانیت
  6. ئاواتێک
  7. چاوەڕوانیت


  • بادەی گوڵڕەنگ (٢٠١٢)- دەروازەیەک بۆ ناسینی مەقامی کوردی
  1. ئەو شار
  2. ساقی
  3. خورشیدی
  4. حیجاز
  5. ئەڵڵا وەیسی
  6. چوارگا
  7. ئای ئای
  8. خاوکەر (قەتار)

بەستەر بۆ دەرەوە[دەستکاری]

سەرچاوەکان[دەستکاری]