کەریم کابان

کەریم کابان
زانیارییەکان
لەدایکبووی	١٩٢٧ گەڕەکی شێخان، سلێمانی
مردووی	١٤ی کانوونی دووەمی ٢٠١٦ سلێمانی
پیشە(کان)	گۆرانیبێژ

عەبدولکەریم جەلال مەحموود ناسراو بە کەریم کابان، (لەدایکبووی ١٩٢٧ لە گەڕەکی شێخان، سلێمانی-کۆچی دوایکردوە لە ١٤ی کانوونی دووەمی ٢٠١٦ لە سلێمانی) ھونەرمەند و گۆرانیبێژێکی کورد بوو.

ژیان

یەکێک بووە لە گۆرانیبێژە ناسراووەکانی کورد، ساڵانێکی زۆر لە بواری ھونەریدا کاری کردووە، ھەر بە منداڵی ناردوویانەتە حوجرە و لەوێ فێری خوێندەواری بووە، دواتر قۆناغی سەرەتاییی لە قوتابخانەی فەیسەڵی ئوولا لە سلێمانی تەواو کردووە، خاوەنی ٣ کوڕ و ٣ کچ بووە.

ئەوەی وتراوە لە بارەیەوە

• عەبدولقادر حەسەن گۆرانیبێژ «ھەر ھۆنراوە و ئاوازێک دانسقە نەبوایە نەی دەکردە گۆرانی، ئەو ئاواز و ھۆنراوانەشی ھەڵی دەبژراد بۆخۆی و قادر کابانی برای شتی بژاردەبوون تاکو ئێستا ش بەزیندوویی ماوەتنەوە».
• زاھیر جەلال گۆرانیبێژ «تاکو ئێستاش پیر و گەنج گوێ لە گۆرانییەکانی کەریم کابان دەگرین سەری بۆ ڕادەوەشێنین، ھەموومان کە گوێمان لەو گۆرانیانە دەبێت مێشکمان ئیسراحەت دەکات».

مردن

لە ڕۆژی پێنجشەممەی ١٤ی کانوونی دووەمی ٢٠١٦ لە تەمەنی ٨٩ ساڵیدا و دوای زیاتر لە ٧٠ ساڵ خزمەتکردن بە ھونەری گۆرانی و مۆسیقای کوردی، لە نەخۆشخانەی شاری سلێمانی کۆچی دوایکرد و لە ڕێوڕەسمێکی شکۆمەندانە لە گۆڕستانی سەیوان لە سلێمانی نێژرا.

ئەمانەش ببینە

• پێڕستی کەسایەتییە کوردەکان