سەید عەلی ئەسغەر کوردستانی

لە ئینسایکڵۆپیدیای ئازادی ویکیپیدیاوە
Jump to navigation Jump to search

سەید عەلی ئەسغەر کوردستانی (یە سنەیی: سەی ئەسکەر) (١٨٨٢ لە سنە - ٤ی شوباتی ١٩٣٧ لە سنە) گۆرانیبێژ و مەقامبێژی مەزنی کوردی خەڵکی ڕۆژھەڵاتی کوردستانە. رەگەز و ڕیشەی بنەماڵەی سەید عەلی ئەسغەر کوردستانی دەچێتەوە سەر سەید عەلی ھەمەدانی، برای بابا تاھیری ھەمەدانی شاعیری گەورەو و ناسراو.[١]

ژیان[دەستکاری]

عەلی ئەسغەر کوڕی سەید نیزامەدین کوڕی سەید جامی کوڕی سەید موحەممەد جەواد کوڕی سەید ئیبراھیم لە ساڵی ١٨٨٢ دا لە گوندی سەڵوات ئاوای نزیک شاری سنە ھاتوووەتە دونیا. نازناوی کوردستانیش لە ناوی دا، مەبەست شار و پارێزگای سنەیە.[٢]

لە تەمەنی نزیک ٢٠ ساڵی دا ژنی ھێناوە و ناوی ژنەکەشی ماھشەرەف خانم بوووە.

لە ساڵی ١٩٠٥ یەکەم کوڕیان بەناوی عەبدولئەحەد لە دایک دەبێ و ئەم کوڕە تا ساڵی ١٩٨٤ ژیاوە. لە ساڵی ١٩١٦ کوڕی دوووەمیان لە دایک دەبێ و ناوی دەنن مەسیح. سەید مەسیح ھەر لە مناڵیدا دەمرێت. سەید عەلی ئەشرەف ناوی کوڕی سێیەمی سەید عەلی ئەسغەرە کە تا ساڵی ١٩٩٢ ژیاوە.

ھەروەھا سەید عەلی ئەسغەر دوو کچی بە ناوی زەھرا (زارا) و شەرافەت بووە.

سەید عەلی ئەسغەر لە ٤ی شوباتی ساڵی ١٩٣٧ کۆچی دوایی کردوووە و ھەر لە گۆڕستانی سەڵوات ئاوادا نێژراوە.

سەرچاوەکان[دەستکاری]

  1. ^ موحەممەد حەمە باقی، سەید عەلی ئەسغەر، ١٩٩٨.
  2. ^ باکووری، گورانیبیژە نەمرەکان، بەشی یەکەم، ٢٠٠١.