جەمال موفتی

لە ئینسایکڵۆپیدیای ئازادی ویکیپیدیاوە
Jump to navigation Jump to search
جەمال موفتی.png

جەمال موفتی (لەدایکبووی ١٩٥٦ لە مەھاباد - مردووی ١٩٨١ لە مەھاباد) گۆرانیبێژێکی کورد بوو.

سەرەتای ژیان[دەستکاری]

جەمال موفتی کوڕی میرزا حوسەین ساڵی ١٩٥٦ لە شاری مەھاباد لە دایک بووە. تا قۆناغی دواناوەندی ھەر لەو شارە خوێندوویەتی. لە سەرەتای لاوێتییەوە خولای ھونەری بووە و گۆرانی چڕیوە.

ژیانی ھونەری[دەستکاری]

جەمال قوتابی مەکتەبی تایەر تۆفیق و عەلی مەردان بووە و لە پەنا ئەوەشدا حەسەن زیرەک و محەممەد ماملێ زۆر لەسەری کاریگەر بوون. لەگەڵ ھاوڕێ ھونەرمەندەکانی عەبدوڵڵا وەیسی و کەریم بلووری دەستی بە کاری ھونەری کردووە، ساڵی ١٩٧٦–١٩٧٧ لە (خانەی جەوانانی مەھاباد) لە بەرنامەیەکی تەلەڤیزیۆنی چەن گۆرانییەکی پێشکەش کرد. زۆربەی بەرھەمەکانی لە دەنگ و ڕەنگی ناوەندی مەھاباد و بە یارمەتی قادر سەیاحی تۆمار کراون. ماموستا تایەر تۆفیق بە نامەیەک تاریفی دەنگی جەمالی کردووە و ئیزنی پێ داوە مەقام و گۆرانییەکانی بڵێتەوە، لەگەڵ ئەوەشدا جەمال موفتی خۆی زۆر دەنگی نوێی ئەوکاتی وەکوو مکایل پێ گەیاندووە. بەرھەمەکانی ئەم ھونەرمەندە دوو بەشی (شۆڕشگێڕانە) و (ئەویندارانە) لەخۆ دەگرن؛ کە یان بە شێوەی دەنگ یان بە شێوەی کلیپی ڕەش و سپی لەبەر دەستن. موفتی کاریگەرییەکی زۆری لەسەر ھونەر و موزیکی کوردی دانا و جگە لە وتنەوەی گۆرانی باقی گۆرانیبێژان شێوازی تایبەت بە خۆیشی ھەبوو.

ژیانی پێشمەرگایەتی[دەستکاری]

جەمال موفتی ھونەرمەندێکی پێشمەرگە و ئەندامی کۆمەڵەی شۆڕشگێڕی زەحمەتکێشانی کوردستانی ئێران بوو. دوای ئەوەی کوردستان کەوتەوە ژێر دەستی پێشمەرگە لە بۆکان بوو بە مامۆستا و دواتر لەگەڵ داخرانی قوتابخانەکان ڕووی لە چیا کردەوە. ساڵی ١٩٨١ لە نزیک چوارچرا بە دەستی ڕژیمی ئێران شەھید کرا و لە گۆڕستانی شاری بۆکان بە خاک ئەسپێردرا.

بەرھەمەکان[دەستکاری]

بەشێک لە بەرھەمەکان:

  1. کیژەکەی کافرۆش
  2. گوڵاڵە سوورە
  3. تۆ نامری چاوەکانم
  4. مەڕێژن بۆم فرمێسکی خەم
  5. کوڕە مەکە
  6. غەریبم
  7. من جوتیارم
  8. دەست گرن
  9. ئەی موتریبی حەریفان
  10. نەمام نەمامە
  11. کراس زەدرێ
  12. ئەی وەی زارا
  13. سەیری زەمان
  14. بارانە
  15. خاڵۆ ڕێبوار
  16. بیرەوەری دووی ڕێبەندان
  17. کارگەرین جەنگاوەرین
  18. سەدەی بیستەمە
  19. کوورەی یادگار
  20. دەخیلم
  21. لیمۆ ھەی لیمۆ
  22. تۆی نازەنینم
  23. بەھار ھاتەوە
  24. شلێ یار
  25. کۆڵان بە کۆڵان
  26. ھەی ھەرمێ
  27. داماوم
  28. بە ناڵەی بێدەنگ
  29. من گرفتارم
  30. بای نەسیم

سەرچاوەکان[دەستکاری]

  • ژیان و ھونەری جەمال موفتی، بەرنامەی کێلەشین، نەورۆز تیڤی، ١٩ی ئایاری ٢٠١٤ بڵاو کراوەتەوە.