بەهائەدین نەورۆزی

بەهائەدین نەورۆزی
لەدایکبوون	١٩٣٣ سنە
مەرگ	٢٠١٤
نەتەوە	کورد
پیشە	هونەرمەند، گۆرانیبێژ، ئاوازدانەر
ئایین	ئیسلام، سوننە

بەهائەدین نەورۆزی یەکێک لە هونەرمەند و گۆرانیبێژ و ئاوازدانەرەی کورد بوو، لە ساڵی ١٩٣٣ لە شاری سنە لە دایکبووە و گۆرانیبێژی گۆرانییەکانی شێوازی ناوچەی ئەردەڵان بووە.

ژیان

بەهائەدین نەورۆزی لە ڕۆژی هەینی ساڵی ١٩٣٣ لە بنەماڵەیکی ئایینی لە کۆڵانی یانەی ئەفسەرانی شاری سنە لەدایکبووە. کاتێک بەهائەدین گەیشتە تەمەنی ١٠ ساڵ، باوکی هانی دەدا بە وتنی بانگەواز بۆ نوێژ، ئەم خاڵە سەرەتایەک بوو کە بەهائەدینی گەیاندە گۆرانی وتن. خوەی دەڵێت: سنە لەو ساڵانەدا کە من لە دە ساڵ زیاتر نەبووم، ڕادیۆ و تەلەڤیزیۆنی نەبوو؛ تەنیا سەنتەرێک بوو کە گواستنەوەی بێ وایەری کورت مەودای ئەرتەش هەبوو کە هەفتانە کاتژمێرێک بەرنامەی ڕادیۆیی پەخش دەکرد و نیو کاتژمێری بۆ مۆسیقا تەرخان دەکرا و ئەو ڕۆژە یەکەم گۆرانیم بە ناوی باران بارانە سەقزی گوت و دوای ئەوە من وەک گۆرانیبێژێکی تەمەن دە ساڵان ناسرام. نەوڕوزی چەند جارێکی تر ئەم گۆرانییە وتەوە، کە لەلایەن ڕادیۆکانی سنە زۆر بەناوبانگ بوو. بەهائەدین نەوروزی یەکەمین گۆرانیبێژی کوردی ڕادیۆی سنە بوو.

فەرمانبەری خانەنشینکراوی زانستە پزیشکییەکان بووە و ساڵانی دواتری ژیانی لە شاری تاران بەسەر بردووە و لە ماوەیەکدا لەگەڵ حەسەن کامکار خەریکی چالاکیی هونەری بووە و لە کۆتاییدا ئێوارەی ڕۆژی هەینی ١٥ی شوباتی ساڵی ٢٠١٤ بەهائەدین نەورۆزی، هونەرمەندی شاری سنە، دوای چەندین ساڵ خزمەتکردن بە فەرهەنگ و هونەری کوردی بەهۆی پیری لە تەمەنی ٨٠ ساڵیدا کۆچی دوایی کرد.