یەڵدا عەباسی

یەڵدا عەباسی
زانیارییەکان
لەدایکبووی	(١٩٨٧-١٢-٠٢) ٢ی کانوونی یەکەمی ١٩٨٧ شیرڤان، خوراسان
پیشە(کان)	گۆرانیبێژ، ژەنیار
وێبگە	www.yaldaabbasi.com

یەڵدا عەباسی (لەدایکبووی ٢ی کانوونی یەکەمی ١٩٨٧ لە شاری شیرڤانی خۆراسانی باکوور) گۆرانیبێژ و مۆسیقاژەنێکی کوردی لەدایکبووی خۆراسانە.

ژیاننامە

یەڵدا عەبباسی لە ٢ی کانوونی یەکەمی ١٩٨٧ لە شاری شیرڤانی خوراسانی باکوور لەدایک بووە. لە تەمەنی یازدە ساڵیدا دووتارژەنی دەست پێکرد. فاتمە ئیسمائیلیان، دایکی یەڵدا، ناسراو بە گوڵچیھرە لە ھونەرمەندانی ڕادیۆ تەلەڤیزیۆنی پێش شۆڕشی ئیسلامی ئێران بوو. دایکی ڕۆڵێکی گرینگی ھەبووە لە سەرکەوتنیدا و بەردەوام پشتگیری لێ کردووە و لە ساڵی ١٩٩١ یەکەم ئەزموونی مۆسیقای یەڵداش ھەر لە تەمەنی چوارساڵیدا لە شانۆیەکی موزیکاڵ لە گرووپەکەی دایکیدا بوو و لەوێدا لە ڕۆڵی پوورە بەرسوورکە بە فارسی «خالە سوسکە» گۆرانی دەوت.

یەکەم ئەلبومی خۆی بەناوی «کووات» واتە «با» لە ساڵی ٢٠١٠ لەگەڵ ھونەرمەند موحسێن میرزادە بڵاو کردەوە و دەنگی خۆی بە جیھان ناساند. ئامانجی یەڵدا ناساندنی چاند و ھونەری خوراسان بە جیھانە.

ئەلبومەکان

• کووات لەگەڵ موحسێن میرزادە (٢٠١٠)
• حەسرەتی دیدار لەگەڵ ھۆمای مەستان
• بزن و شوان لەگەڵ پەرواز ھۆمای

سەرچاوەکان

• بەشداربووانی ویکیپیدیا، «Yelda Ebasî»، ویکیپیدیای کورمانجی. سەردان لە ١١ی ئایاری ٢٠٢٠.

بەستەرە دەرەکییەکان

• بیوگرافی یلدا عباسی