ویکیپیدیای کوردی

ویکیپیدیا کوردییەکان
چەشنی وێبگە	ئینسایکڵۆپیدیای ئازاد
بەردەستە بە	کوردی (کورمانجی، سۆرانی)
خاوەن	دامەزراوەی ویکیمیدیا
دروستکراو لەلایەن	کومەڵگای ویکیی کوردی
وێبگە	ku.wikipedia.org (کورمانجی); ckb.wikipedia.org (سۆرانی)
بازرگانی	نەخێر
تۆمارکردن	ھەڵبژاردن
خستنەکار	٧ی کانوونی دووەمی ٢٠٠٤؛ ١٧ ساڵ لەمەوبەر
مۆڵەتنامەی ناوەڕۆک	Creative Commons Attribution/; Share-Alike 3.0

ویکیپیدیای کوردی (بە کوردیی باکووری: Wîkîpediya Kurdî) ئاماژەیە بۆ دوو وەشانی ویکیپیدیا کە بە ھەردوو شێوەی ستانداردی زمانی کوردی؛ کورمانجی و سۆرانی دەنووسرێن. ویکیپیدیا کوردییەکان وەک ھەموو ویکیپیدیایەکانی دیکە ھەمووان دەتوانن دەستکاری و بەشداریی پەڕەکان بکەن. ھەندێک جار بە نافەرمی ویکیپیدیای زازاکی لەگەڵ ڕیزی ویکییە کوردییەکان دادەنرێت. ھەروەھا ئێستا ویکیپیدیای کوردیی باشووری، یەکێک لە ئینسایکڵۆپیدیا کوردییەکان بە فەرمی دانەمەزراوە.^[١]

مێژوو[دەستکاری]

ویکیپیدیای کوردی لە ٧ی کانوونی دووەمی ٢٠٠٤ سازکرا،^[٢] ویکیپیدیاکە وا ڕێک خرابوو کە بە کورمانجی و سۆرانی وتاری تێدا بڵاوبکرێتەوە. بەڵام بەھۆی ھەبوونی ئاستەنگی تەکنیکی و زمانەوانی، ئەو شێوازە سەری نەگرت کە هەردوو شێوەزارەکە لە ژێر زمانێکدا بەردەوام بن، ئەمە بووە ھۆی ئەوەی لە ١٢ی ئابی ٢٠٠٩ وەشانێکی نوێ بۆ کوردیی ناوەندی (بە کۆدی زمانیی ckb) سازبکرێت. ویکیپیدیا بنەڕەتییەکەش (بە کۆدی زمانیی ku) بۆ نووسینی وتارەکان بە کوردیی باکووری تەرخان کرا، چونکە یەکەم شێوەزاری کوردی ویکیپیدیا بوو. لە ڕێکەوتی ٢٨ی کانوونی یەکەمی ٢٠٠٧دا ویکیپیدیای کوردیی سۆرانی بۆ بەڕێوەبردنی سیستەمەکە لە ویکیپدیا زۆرکرا و چالاک بوو.