سوورچی

لە ئینسایکڵۆپیدیای ئازادی ویکیپیدیاوە
(ڕەوانەکراوە لە سورچیەوە)
Jump to navigation Jump to search

سوورچی ھۆزێکی کوردیی نیشتەجێی باشووری کوردستانە. سورچییەکان بەزۆری لە قەزاکانی سۆران، ئاکرێ و شەقڵاوە نیشتەجێن.

جوگرافیا و تیرەکان[دەستکاری]

عەشیرەتی سورچی بەسەر دوو ناوچە دابەشبووە، سورچیی بادینان و سورچیی سۆران . سورچیی بادینان لە ئاکرێ و بجیل و ڕۆڤیان و گوندەکانی دەوروبەریان نیشتەجێن، بەشێکی کەمیش لە بەردەڕەش نیشتەجێن. سورچیی سۆران لە ھەریر، خەلیفان، کەورگۆسک و سۆران و گوندەکانی دەوروبەریان نیشتەجێن.

سورچییەکان زمانێکی تاڕادەیێک جیایان ھەیە لە سۆرانی و بادینی بەڵام زیاتر بادینی بەکار دێنن، بەتایبەتی سورچیی بادینان کە زیاتر دەچێتەوە سەر بادینی، بەڵام شێوازی قسەکردنیان جیایە. زێی گەورە (زێی بادینان) سورچیی بادینی و سۆرانی لەیەکتر جیادەکاتەوە، شوێنی جوگرافیای ئەم عەشیرەتە لە ڕۆژھەڵاتەوە سیده‌كان و قەزای سۆران و ھەریر، لە باکوورەوە چیای پیرس و ئاکرێ لە ڕۆژئاواوە ڕۆڤیان و بەردەڕەش، و لە باشوورەوە ھەولێر و مەخموور.