ڤلادیمیر مینۆرسکی

لە ئینسایکڵۆپیدیای ئازادی ویکیپیدیاوە
باز بدە بۆ: ڕێدۆزی، گەڕان
Minorski Vladimir.jpg

ڤلادیمیر مینۆرسکی (٥ی شوباتی ١٨٧٧ - ٢٥ی ئاداری ١٩٦٦)، ڕۆژهەڵاتناسێکی ڕووسی بوو و لێکۆڵینەوەکانی ئەو لەسەر کورد و فارس بوون بەتایبەت دەربارەی مێژوو و جوگرافیا و چاند و وێژەیان. پڕۆفیسۆر "مینۆرسکی" لەساڵی (۱۸۹٦ تاکو۱۹۰۰) لەزانکۆی مۆسکۆ خەریکی خوێندنی یاسا بوو و پاشانین لە ئەنستۆتی (لازارۆف) ختریکی فێربوونی زمانە خۆرهەڵاتیەکان بوو. ناوبراو لەساڵی (۱۹۰۳) لە وەزارەتی "کاروباری دەرەوەی ڕوسیا"دا دامەزرا و لەساڵی (۱۹۰٤) تاکو (۱۹۰۸) لە ئێران و شاری تەورێز خزمەتی دەکرد بۆ ماوەیەک . "میۆرسکی" لەسەردەمی ڕاپەڕینی ساڵی (۱۹۱۷) رووسیای بەجێهێشت و لەساڵی (۱۹۲۳) وردە وردە زمانی فارسی و دواتریش لە خوێندنگەی زمانە خۆرهەڵاتییەکانی پاریسدا خەریکی وتنەوەی زمانی تورکی بوو. دوای ئەوەش لەساڵی (۱۹۲۳) بەدواوە خەریکی وتنەوەی زمان و ئەدەبیات و مێژووی ئێران بوو لە خوێندنگەی زمانە خۆرهەڵاتییەکان لە لەندەندا. مینۆرسکی لەساڵی (۱۹۳۷) بوو بە پڕۆفیسۆری زمانی فارسی لە زاکۆی لەندەن و ساڵی (۱۹٤٤) خانەنشین کرا و دوای ئەوە هەر لە کامبریج دەژیا. ناوبراو چەند توێژینەوەیەکی لەسەر مێژوو و کەسایەتییانی کورد کردووە وەکو چۆن خۆی لەبارەی شاعیری کورد (مەلای جزیری) دەڵێت:-

  " ئەگەر ڕۆژهەڵاتناسانی ئەوروپا کەسێکی چنگ نەکەوێت دیوانی مەلای جزیری بگۆڕێتە سەر زمانەکانی ئەوروپی، ئەوا بەڕاستی لەنرخی ئەدەبیاتی کوردی و بەرزی زمانی کوردی ناگەن".