شێخ نووری شێخ ساڵح

لە ئینسایکڵۆپیدیای ئازادی ویکیپیدیاوە
(ڕەوانەکراوە لە شێخ نوری شێخ ساڵحەوە)
Jump to navigation Jump to search
شێخ نووری

لەدایکبوون١٨٩٦
مەرگ١٩٥٨
نەتەوەکورد
پیشەشاعیر


شێخ نووری شێخ ساڵح بەرزنجی لەدایکبووی ساڵی ١٨٩٦، شێخ نووری سەرنووسەری ڕۆژنامە و شاعیر و چالاکوانی کورد بوو، شێخ نووری دیوانی خۆی ھەیە کە بۆ یەکەمین جار لە ساڵی ١٩٧٠ بڵاوکراوەتەوە لە سەردەمی شانشینی کوردستان و مەلیک مەحموود دا شێخ نووری سەرنووسەری بانگی کوردستان بووە وە خاوەن ئیمتیازی ڕۆژناممەی ڕۆژی کوردستان بووە. لە ڕۆژی ٢٠ی کانوونی یەکەمی ١٩٥٨، شێخ نووری شێخ ساڵح کۆچی دوایی کردووە.[١]

نموونە شیعر[دەستکاری]

نموونە غەزەلێکی شێخ نووری

ئەی فەلەک دیسان لە دەس تۆ، شین و واوەیلا ئەکەم ژەھری قەھری تۆ لەگەڵ دەردی دڵم، ئیفشا ئەکەم
وەختە یەکجاری لە دەس ئاشووبی فیتنەت شەق بەرم من قسەی ڕاست و ڕەوان و خۆش و بێ پەروا ئەکەم
ھێند خراپەم دی لە دەس ئەھلی زەمانە، عاقیبەت لەم وەزیفەی ھاتنە دنیایە، ئیستیعفا ئەکەم
نابەمە بەر دەستی ھەر نامەردێ، عەرزی ئیحتیاج من لە دنیا و لە مافیھاشی، ئیستیغنا ئەکەم
مورغی فەھمی ھەر کەسێ، ناگاتە عەرشی فیکرەتم من بە چەرخی ئاسمانی سفڵە، ئیستیھزا ئەکەم
تەبعی عالی وا دەبێ، سەیری بە کۆڵێ فەقرەوە گاڵتە و سوحبەت، بە تاج و تەختی شاھنشا ئەکەم
ئەو کەسە ڕوو سوورە «نووری»، دوورە لێی نەوعێ بەشەر من لەمەولا ڕوو لە دەشتی وەحشەتی سەحرا ئەکەم[٢]


ئەمەش ببینە[دەستکاری]

سەرچاوەکان[دەستکاری]

  1. ^ "شێخ نوری شێخ ساڵح". خاک. 3/1/2018 01:40 PM. Retrieved ١٩ی کانوونی یەکەمی ٢٠١٨. Check date values in: |access-date=, |date= (help)
  2. ^ "ئەی فەلەک". books.vejin.net. Retrieved 2021-08-21.

بەستەرە دەرەکییەکان[دەستکاری]

شێخ نووری شێخ ساڵح لە ڤەژینبوکس