ڕەوتی ھەڵوێستی نیشتیمانی

ڕەوتی ھەڵوێستی نیشتیمانی
سەرۆک	عەلی حەمە ساڵح
دامەزرێنەر	عەلی حەمە ساڵح
دامەزراندن	١٩ی ئازاری ٢٠٢٤
شوێنگەی سەرەکی	سلێمانی، ھەرێمی کوردستان
ئایدۆلۆژیا	ناسیۆنالیزمی کوردی دژە گەندەڵی
ڕەنگەکان	مۆر
کورسییەکان لە ئەنجومەنی نوێنەرانی عێراق	٥ / ٣٢٩
کورسییەکان لە پەرلەمانی کوردستان	٤ / ١٠٠
کورسییەکان لە ئەنجومەنی پارێزگاکانی عێراق	٠ / ٤٤٠

ڕەوتی ھەڵوێستی نیشتیمانی پارتێکی سیاسییە لە ١٩ ی ئازاری ٢٠٢٤دا بە کۆنگرەیەک کە لە سلێمانی بەسترا دامەزرا. ئەم حیزبە ئەندامانی بزووتنەوەی گۆڕان لە خۆدەگرێت کە لە نێوانیاندا عەلی حەمەساڵح سەرۆکی حیزبە.

لە کۆنگرەی دامەزراندنیدا؛ عەلی حەمەساڵح وەک سەرۆکی حیزبی نوێ ھەڵبژێردرا. جگە لە عەلی حەمەساڵح، دەستەی کارگێڕی حیزب لە: بەدەل بەرواری، ڕێبوار کەریم مەحموود، غالیب میحمەد، کاروان حەمەساڵح، خانزاد محەممەد، سەردار قادر، سەلیم کۆیی و مامۆستا فوئاد پێکدێت. دوای کۆنفرانسەکە، عەلی حەمە ساڵح ئاماژەی بەوەدا کە ئامانجەکانی ئەو حیزبە تەنیا بەشداریکردن لە ھەڵبژاردنەکاندا نییە و ھەوڵەکان بۆ ڕێگریکردنە لە ئەنجامنەدانی ھەڵبژاردنی ھەرێمی کوردستان دەتوانێ ھەرێم بەرەو «تونێلێکی زۆر تاریک» ببات.