پارتی سەربەستیی ڕۆژهەڵاتی کوردستان

لە ئینسایکڵۆپیدیای ئازادی ویکیپیدیاوە
Jump to navigation Jump to search

www.psk2006.org

پارتی سەربەستیی ڕۆژھەڵاتی کوردستان لە سەر دیاگڕامی سیاسی (چەپ / راست)

پارتی سەربەستیی ڕۆژھەڵاتی کوردستان لە ڕۆژی ٢٧ی ڕێبەندانی ساڵی ٢٧٠٥ی کوردی بەرامبەر بە ١٦ی شوباتی ٢٠٠٦ی زایینی دامەزراندنی خۆی بەگشت کوردستانیان ڕاگەیاند.

پارتی سەربەستیی ڕۆژھەڵاتی کوردستان، پارتێکی نەتەوەیی و سەربەخۆییخوازە کە ڕوی خەبات و تێکۆشانی لە ڕۆژھەڵاتی کوردستانی بندەستی ئێرانە.

دامەزراندنی ئەم پارتە بەرھەمی سیاسەتە گڵاو، کۆنەپەرەست، فاشیستی و دواکەوتوانەی نەتەوەی باڵا دەستە، وە ھەروەھا ئەو سیاسەتە چەوت و ھەڵانەیە کە کۆماری ئیسلامی و ڕژیمە یەک لە دوای یەکەکانی زاڵ بە سەر ڕۆژھەڵاتی کوردستانی بندەستی ئێران لە ھەمبەر قڕ کردن و لە نێو بردنی زمان، ڕەسەن، ناسنامە، کولتور و کەلەپوری کوردیە لە پێشیان گرتووە.

پارتی سەربەستیی ڕۆژھەڵاتی کوردستان ھەوڵ دەدات کە بیر و ھزری نەتەوەیی لە کوردستان بڵاو بکاتەوە و گەشە بە ئەو بیرە لە ناو لاوان و تازە پێگەیشتوانی نەتەوەکەمان بدات.

پارتی سەربەستیی ڕۆژھەڵاتی کوردستان، پارتێکی چەپی میانەڕەوە. درووشمی ئیستراتیژیکی ئەم پارتە پێکھێنانی کوردستانێکی ئازاد و سەربەخۆیە لە ڕۆژھەڵاتی کوردستان، ھەروەھا ئامانجی دواڕۆژی پارتی سەربەستیی ڕۆژھەڵاتی کوردستان جێگیرکردنی دادپەروەری کۆمەڵایەتییە لەو بەشەی کوردستان.

بناغە و بنەمای خەبات و تێکۆشانی پارتی سەربەستیی ڕۆژھەڵاتی کوردستان لە سەر پێوەرە مرۆڤایەتیەکانی مافی مرۆڤ و جاڕنامەی گەردوونی مافەکانی مرۆڤ دامەزراوە، ھاوکات لە سەر ئەو پێوەرانە خەبات بۆ پیکھێنانی دەوڵەتی کوردی لە ڕۆژھەڵاتی کوردستان دەکات.