گرەوی بەختی ھەڵاڵە
 | |
| نووسەر | عەتا نەھایی |
|---|---|
| وڵات | کوردستان |
| زمان | کوردیی ناوەندی |
| بابەت | ڕۆمان |
| جۆری کتێب | چاپ ئەلکترۆنی دەنگی |
گرەوی بەختی ھەڵاڵە سێھەمین ڕۆمانی عەتا نەھاییە؛ ساڵی ٢٠٠٤ دەستی بە نووسینی کردووە و ساڵی ٢٠٠٦ پێیدا چووەتەوە. گرەوی بەختی ھەڵاڵە یەک لە باشترین ڕۆمانە کوردییەکانە،[١] ساڵی ٢٠٢٠ لە نۆزدەھەمین و بیستەمین خولی خەڵاتی مێھرەگان لە بەشی زمانی دایکیدا وەک باشترین ڕۆمانی تایبەت ھەڵبژێردرا و بوو بە براوەی خەڵاتی «مێھرەگانی ئەدەبی»؛[٢] ھەروەھا یەکێک بوو لە پڕفرۆشترین کتێبە کوردییەکانی نۆھەمین پێشانگای نێونەتەوەیی کتێبی سنە.[٣]
چیرۆک
[دەستکاری]ڕۆمانەکە باس لە ژنێکی پەنابەری کورد لە سوید دەکات کە ماوەیەک لەگەڵ بنەماڵەکەی لە شاخ بووە و دواتر لەگەڵ خزمەکانی ڕووی کردووەتە ھەندەران و لەوێ ژیانێکی نوێ دەست پێ کردووە؛ داوی ماوەیەک بە نابەدڵی لەگەڵ کوڕەکوردێک بەناوی شێرزاد، کە تازە و بە بۆنەی ھەڵاڵە خۆیەوە گەیشتووەتە ئەورووپا، ھاوسەرگیری کردووە و دواتریش ھەر لەلایەن مێردەکەیەوە دراوەتە بەر پەلامار.
ناوەرۆک
[دەستکاری]گرەوی بەختی ھەڵاڵە گرفتی نێوان مۆدێڕنیتە و ژیانی مۆدێڕن لەگەڵ شێوەی بیرکردنەوە و ژیانی کۆن و نەریتییە. قارەمانی ڕۆمانەکە (ھەڵاڵە) دەیەوێت بە ڕۆیشتن لە کوردستان، کولتوورە نابەجێیییەکان جێ بھێڵێت، بەڵام لە جەرگەی ڕۆژاواش لە چنگی پیاوسالاری ڕزگاری نابێت؛[٤] گرینگترین تایبەتمەندیی ڕۆمانەکە ئەوەیە کە لە نێوان ڕووداوەکاندا ھاوتەریبییەک دەبیندرێت.[٥]
ڕەگەز و قسەپێبڕین لە ڕۆمانەکەدا
[دەستکاری]بەپێی تۆێژینەوەیەکی شێرزاد سەعید سەدیق کە ساڵی ٢٠١٩ لە ژمارە سێی گۆڤاری توێژەردا بڵاوی کردووەتەوە: بە پێجەوانەی ناوەڕۆک و پەیامی ڕۆمانەکە ھەردوو ڕەگەزی نێر و مێ بەقەد یەک قسە بە یەکتر دەبڕن؛ ھەروەھا ھەم دیسان بەپێی گوتاری زاڵی فێمینیزم بەسەر ڕۆمانەکەدا، ھەڵاڵە لە پەیوەندی لەگەڵ ژن و پیاواندا، بەشێوەیەک دەپەڕێتە نێو قسەکانیان کە گەرەکییەتی قسەی خۆی بەرێتە سەرێ و باڵادەستیی خۆی پیشان بدات؛ کە پێی دەوترێت: قسەپێبڕینی کۆنترۆڵکارانە.[٦]
کەسایەتییەکان
[دەستکاری]- ھەڵاڵە
- شێڕزاد
- برایمۆک
- میرخوناوک
- خاتوو کڵاوزێڕ
- حەمەڕەشید ئاغا
- ڕەعنا
- سەعید
- گوڵاڵە
- سەعادەت
- کاروان
- مامە فەتاح
- نەسرین
- مەجید
- میرزا حەسەن
- ئارەزوو
- فەرزانە
- مامۆستا کڵۆڵ
- کاک ناسر
- خاتوو ئامین
- ئیرەج
- سەلاح
چاپەکان
[دەستکاری]- چاپەمەنیی مانگ
- ناوەندی ڕۆشنبیری و ھونەریی ئەندێشە
- ناوەندی ڕەنج، ساڵی ٢٠٠٨، سلێمانی
وەرگێڕانەکان
[دەستکاری]
- گرەوی بەختی ھەڵاڵە بەناوی "Helale" لەلایەن بەسام مستەفاوە کراوەتە کورمانجی و وەشانخانەی ئاڤێستا لە ئەستەمبوڵ بڵاوی کردووەتەوە.
- ڕەزا کەریم موجاور ڕۆمانەکەی بە ناوی «آخرین روزھای زندگی ھلالە» وەرگێڕاوەتە سەر فارسی و چاپەمەنیی ئەفراز لە تاران بڵاوی کردووەتەوە.
کورتە
[دەستکاری]ئەوە چارەنووسی تۆیە ھەڵاڵە، کە خەنجەرێک شاخەو شاخ، شارەو شار و وڵاتەو وڵات شوێنت بکەوێت، تا لێرە، لە ستۆکھۆڵم، لە گەڕەکی فلەمینسبێرگ، نھۆمی چوارەمی باڵەخانەی ژمارە ھەژدە لە سنگت بچەقێت.[٧]
سەرچاوەکان
[دەستکاری]- ^ ئەندێشە. «لیستی 50 باشترین ڕۆمانە کوردییەکان». ئەندێشە. لە ڕەسەنەکە لە ١٩ی تەممووزی ٢٠٢٠ ئەرشیڤ کراوە.
- ^ «نووسەری بەناوبانگی کورد خەڵاتی باشترین ڕۆمانی مێھرگانی ئەدەبی بردەوە». Mehr News Agency.
{{cite web}}: ڕاگرتنی شێوازی سەرچاوەی ١: ڕەوشی ناونیشان (بەستەر) - ^ «پڕفرۆشترین کتێبە کوردییەکانی نۆھەمین پیشانگای نێودەوڵەتیی کتێبی کوردستان-سنە». hawlati.co (بە ئینگلیزی).
{{cite web}}: ڕاگرتنی شێوازی سەرچاوەی ١: ڕەوشی ناونیشان (بەستەر) - ^ مەحموودی، لەلایەن: ئەیوب. «گرەوی بەختی ھەڵاڵە لە گفتوگۆیەکی ئیدریس عەلی و عەتا نەھاییدا | کوردیبووک».
{{cite web}}: ڕاگرتنی شێوازی سەرچاوەی ١: خاڵبەندیی زیادە (بەستەر) ڕاگرتنی شێوازی سەرچاوەی ١: ڕەوشی ناونیشان (بەستەر)[بەستەری مردوو] - ^ کوردی، ماڵی کتێبی. «گرەوی بەختی ھەڵاڵە و حەکایەتی میر خوناوک و خاتوو کڵاوزێڕ: سەرنجێک لەسەر پێکھاتەی ڕۆمانەکە». ماڵی کتێبی کوردی (بە فارسی).
{{cite web}}: ڕاگرتنی شێوازی سەرچاوەی ١: خاڵبەندیی زیادە (بەستەر) ڕاگرتنی شێوازی سەرچاوەی ١: ڕەوشی ناونیشان (بەستەر) - ^ «19-2-3-4.pdf». docs.google.com.
{{cite web}}: ڕاگرتنی شێوازی سەرچاوەی ١: ڕەوشی ناونیشان (بەستەر) - ^ گرەوی بەختی ھەڵاڵە، عەتا نەھایی، ٢٠١٤
| نووسینەکان |
| ||||||
|---|---|---|---|---|---|---|---|
| وەرگێڕانەکان |
| ||||||
