بریا کاکەسووری
| بریا کاکەسووری | |
|---|---|
 بریا کاکەسووری | |
| لەدایکبوون | ١٩٦٩ بۆکان |
| پیشە | نووسەر، ڕۆماننووس |
| زمان | کوردی |
| نەتەوە | کورد |
| کارە دیارەکان | چریکە و تاریکستانی ساڵە سپییەکان |
بریا کاکەسووری (١٩٦٩ لە بۆکان، ڕۆژھەڵاتی کوردستان - )، چیڕۆکنووس و ڕۆماننووسێکی کوردە. جگە لە بڵاوکردنەوەی وتاری ئەدەبیی لە بڵاڤۆکەکانی ڕۆژھەڵات و باشووری کوردستاندا، خاوەنی چەندین بەرھەمی چاپکراوی بەپێزیشە.
بریا یەکێک لەو نووسەرە چالاکانەیە کە ساڵی ١٩٩٦ی زایینی لە شاری بۆکان، لە ناو دەستەیەکی پێنج کەسی لە چیرۆکنووسانی گەنجدا، کە ئەزموونی خوێندنەوەی چیرۆکی مۆدێرنیستییان ھەبوو و لەگەڵ شێوازی چیرۆکنووسی جیھانی تاڕادەیەک ئاشنا بوون، کۆرێک پێکدێنن بەناوی "کۆڕی خۆر"، ئەم پێنج کەسە لە ھەوڵی نوێکردنەوەی چیرۆک و دەربازبوون لە شێوە گێڕانەوەکانی پێشوودان. بریا کاکەسووری یەکێک لە ئەندامانی سەرەکیی ئەم کۆڕە ساڵی ١٣٧٧ی ھەتاوی (١٩٩٨ی زایینی) کۆمەڵە چیرۆکی "سیاسووت" بڵاودەکاتەوە.[١] وێڕای مامۆستایەتی لە خوێندنگەکان ماوەی بیست ساڵە لە شاری سەقز و دێھاتەکانی بەردەوام کارگای چیرۆک بەڕێوە دەبات و ھانی خاوەن زەوقان دەدات. داھاتی ئەم کارگایانە ھاتنە کایەی دەیان نووسەر و خاوەن قەڵەمن کە ئاشقانە دەنووسن و بێ‌وچان کار دەکەن، لە ناویاندا نووسەری زۆر جیددیش ھەیە، کە ئەم لایەنە بەشێکی گەورەی ژیانی ئەدەبی و فەرھەنگی بریا بووە.
بەرھەمەکانی نووسەر[دەستکاری]
- سیاسووت،[٢] کۆمەڵە چیرۆک، ١٩٩٨
- سەفەرنامەی دۆزەخ،[٣] کۆمەڵە چیرۆک، ٢٠١١
- تابووتی تەمەن،[٤] کۆمەڵە چیرۆک، ٢٠١٢
- دەنگدانەوە،[٥] کۆمەڵە چیرۆک، ٢٠١٢
- مەرگەژین،[٦] کۆمەڵە چیرۆک، ٢٠١٥
- چریکە و تاریکستانی ساڵە سپییەکان،[٧] ڕۆمان، ٢٠١٧
سەرچاوەکان[دەستکاری]
- ^ کاوان محەمەدپوور، ڕەوت و قۆناغەکانی چیرۆکی کوردی لە ڕۆژھەڵاتی کوردستان، سایتی دەنگەکان (سەردان 2018/6/1)؛ http://dengekan.ca/archives/6918 ١٧ی حوزەیرانی ٢٠١٨ لە وەیبەک مەشین، ئەرشیڤ کراوە.
- ^ کاکەسووری، بریا، سیاسووت، بڵاوکەرەوە نووسەر (چاپی جەماڵی)، بۆکان ١٩٩٨
- ^ کاکەسووری، بریا، سەفەرنامەی دۆزەخ، بڵاوکەرەوە نووسەر (چاپی ئاکار/ ھەولێر)، ٢٠١١
- ^ کاکەسووری، بریا، تابووتی تەمەن، بڵاوکەرەوە نووسەر، بۆکان ٢٠١٢
- ^ کاکەسووری، بریا، دەنگدانەوە، بڵاوکەرەوە نووسەر، بۆکان ٢٠١٢
- ^ کاکەسووری، بریا، مەرگەژین، پەخشانکاری بیریار، سەقز ٢٠١٥
- ^ کاکەسووری، بریا، چریکە و تاریکستانی ساڵە سپییەکان، پەخشانکاری بیریار، سەقز ٢٠١٧
 | ئەم ژیاننامە وتارە کۆلکەیەکە. دەتوانیت بە فراوانکردنی یارمەتیی ویکیپیدیا بدەیت. |