ڕەئووف حەسەن
ڕەئووف حەسەن | |
|---|---|
 | |
| لەدایکبوون | ١٩٤٥ |
| مەرگ | ٢١ی کانوونی یەکەمی ٢٠١٨ سلێمانی |
| نەتەوە | کورد |
| پیشە | نووسەر وەرگێڕ ڕۆژنامەوان ڕووناکبیر |
| ھاوسەر | لەیلا حەمەعەلی |
| مناڵ(ەکان) | زانا شێرۆ |
ڕەئووف حەسەن (١٩٤٥ لە سلێمانی، باشووری کوردستان - ٢٠١٨ لە سلێمانی) چیرۆکنووس و نووسەرێکی کورد بوو. لە سەردەمی ڕژێمی بەعس لەبەر ئەوەی چەند وتارێکی دژی بەعس نووسیوە، گیراوە. ڕەئووف حەسەن لە نووسەرانی سەرەتای شۆڕشی کوردستان بووە و دوو کوڕی ھەبووە بە ناوەکانی: زانا کە بێژەری تیڤی و نووسەرە و شێرۆش کە ئەکتەرە.
ژیان
[دەستکاری]ڕەئووف حەسەن لە گەڕەکی گوێژە لەدایک بووە. خوێندنی سەرەتایی و ناوەندی و خانەی مامۆستایانی (١٩٦٤) ھەر لە سلێمانی و چەندین خولیشی لە پەیمانگای بەریتانی لە بەغدا تەواو کردووە. بۆ ماوەی دە ساڵ مامۆستای سەرەتایی و ناوەندی بووە و وانەی ئینگلیزی وتووەتەوە.
ڕەئووف حەسەن ساڵی ١٩٦٠ حەفتەنامەی تریفەی دەرکردووە، کە دواتر ناوەکەی بووە بە ھەفتەنامەی کەش. ١٩٦١ لەگەڵ چەند نووسەرێکی تر، کۆمەڵەی ئەدیبانی پڕشنگی دامەزراندووە و گۆڤارێکیشی بەناوی پڕشنگ بڵاو کردووەتەوە. لە ساڵی ١٩٦٣وە ھەتاوکوو ١٩٦٧ بووە بە ئەندامی حیزبی شیووعیی عێراقی و دوای ئەوە لە وێژەدا درێژەی بە چالاکییەکانی داوە. ئەندامی دەستەی بەڕێوەبەری کۆمەڵی ھونەر و وێژەی کوردی بووە. ساڵی ١٩٧٣ تیپی پێشرەوی شانۆی کوردی دامەزراندووە؛ وەرگێڕانی درامای «جەنابی موفەتیش» و کاری بەڕێوەبردنی درامای «لانەوازان»ی لە ئەستۆ بووە. ئەندامی یەکیەتیی نووسەرانی کورد و سەندیکای ڕۆژنامەنووسانی کوردستان بووە. لە نێوان ساڵەکانی ٩٧٤–١٩٨٢ لە بەغدا، بە کاری ڕادیۆ و تەلەڤیزیۆنی کوردی و ڕۆژنامەوانییەوە خەریک بووە و لە ڕۆژنامەکانی: ھاوکاری، بەیان، بیری نوێ، ئەستێرە، ڕۆژی کوردستان و ڕۆشنبیری نوێ ھاوکار بووە. ساڵی ١٩٧٧ لە ئەمنی عامەی بەغدا گیراوە و لە زیندانی تاکەکەسیدا ئەشکەنجە دراوە. ساڵی ١٩٩٢ کراوە بە بەڕێوەبەری تەلەڤیزیۆنی ھەرێم. لە دوای ڕاپەڕێن، ساڵی ١٩٩٣، ڕۆژنامەکانی: ئاڵای ئازادی و وڵاتی دەرکردووە. سەرنووسەری گۆڤاری دیالۆگ و دامەزرێنەری «سەنتەری دیالۆگی ڕۆشنبیریی کورد» بووە و لە ساڵی ١٩٩٦ تا ٢٠٠٠ کاری تێدا کردووە. ساڵی ٢٠٠٢ تا ٢٠٠٤ یانەی سەرای منداڵانی دامەزراندووە و خۆی بووە بە بەڕێوەبەری. ساڵی ٢٠٠٥ تا ٢٠٠٩ ڕاوێژکاری بزافی ڕۆشنبیریی سلێمانی بووە. خاوەنی زیاتر لە ٣٧٠٠ وتار و ٢٦ کتێبە لە بوارە جۆراوجۆرەکاندا[١][٢]
ڕەئووف حەسەن سەر لە بەیانی ٢١ی مانگی ١٢ی ٢٠١٨ لە سلێمانی کۆچی دوایی کردووە.[٣]
بەرھەمەکان
[دەستکاری]- سەرجەم چیرۆکەکانی ڕەوف حەسەن، چاپخانەی ڕۆشنبیری، ھەولێر ٢٠١٨[٤]
گەردوونناسی
[دەستکاری]- گەردوون (باسێکی زانستیانە) ١٩٦٧ (یەکەمین بەرھەمی نووسەر)
کورتەچیڕۆک
[دەستکاری]- سبەینێ باوکت دێتەوە (کۆمەڵەچیرۆک) ١٩٧١
- چەکەرە (کۆمەڵەچیرۆک لەگەڵ دوو نووسەری دیکەدا) ١٩٧٣
- دەرزی ئەژنی خەمەکان (١٩٨٨)
- وێنەکەی خوشکت (کۆمەڵەچیرۆک) ١٩٩٩
ڕۆمان
[دەستکاری]ڕۆژنامەوانی
[دەستکاری]- ھەواڵنێری تەلەڤیزیۆنی (٢٠١١)
- گۆڤاری ڕۆژنامەوانی و ھەڵسەنگاندنێک (٢٠٠٦)
- لە بەینمان دەرناچێت
- ئەلفاو بێتای ڕۆژنامەگەری (١٩٩٩)
وەرگێڕان
[دەستکاری]- تیۆری نیسبی (بابەتێکی زانستیانە) ١٩٨٤
- ھونەری جەنگ (٢٠٠٤)
- سۆفیگەری (٢٠٠٥)
- کوردناسی (٢٠٠٦)
ڕەخنەی ئەدەبی
[دەستکاری]- کرێکار و چیڕۆکی کوردی (١٩٨٢)
- ئەندێشە جوانەکانی ڕۆح لە چیرۆکی کوردیدا (٢٠٠٧)
- خولیای مەیموونە سپییەکان (٢٠٠٧)
سەرچاوەکان
[دەستکاری]- ^ داھێنان و ھەڵوێستی ڕەووف حەسەن لە دیکۆمێنتارییەکدا، سلێمانی تیڤی
- ^ ڕۆمانی خۆری تار، ڕەئووف حەسەن، ١٩٩٩
- ^ «ڕەئوف حەسەن کۆچی دوایی کرد». speemedia.com.
{{cite web}}: ڕاگرتنی شێوازی سەرچاوەی ١: ڕەوشی ناونیشان (بەستەر) - ^ کوردیپێدیا، Kurdipedia-. «سەرجەم چیرۆکەکانی ڕەوف حەسەن». Kurdipedia.org (بە Chinese (China)).
{{cite web}}: ڕاگرتنی شێوازی سەرچاوەی ١: ڕەوشی ناونیشان (بەستەر)
