شێرزاد حەسەن

لە ئینسایکڵۆپیدیای ئازادی ویکیپیدیاوە
Jump to navigation Jump to search
شێرزاد حەسەن
Sherzad Hassan.jpg
لەدایکبوونشێرزاد حەسەن
١٩٥١ یان ١٩٥٢
گەڕەکی خانەقا، ھەولێر
پیشەنووسەر، وەرگێڕ
زمانکوردی
نەتەوەکورد
ڕەگەزنێر
خوێندنئەدەبی ئینگلیزی، زانکۆی بەغدا
ماڵپەڕی فەرمی
https://www.sherzadhassan.com

شێرزاد حەسەن (لەدایکبووی ١٩٥١ یان ١٩٥٢ لە ھەولێر) نووسەر، شاعیر و وەرگێڕی کوردە. ھەروەھا لە بواری بەرگریکردن لە مافی منداڵان و ژنان و پەروەردە و پاراستنی ژینگە چالاک بووە.

ژیان[دەستکاری]

شێرزاد حەسەن لە ساڵی ١٩٥١ یان ١٩٥٢ لە گەڕەکی «خانەقا»ی شاری ھەولێر لەدایکبووە.[تێبینیی ١] چوار ساڵی قۆناغی خوێندنی سەرەتایی لە قوتابخانەی «پاشای گەورە» لە ڕەواندز تەواوکردووە، و پاشان پۆلی شەشی سەرەتایی لە قوتابخانەی «ئیبن خەلەکان» —کە گەڕاونەتەوە بۆ ھەولێر— تەواوکردووە. لە ساڵی ١٩٧٥ پلەی زانستیی بەکالۆریۆسی لە زمان و ئەدەبی ئینگلیزی لە زانکۆی بەغدا بەدەستھێناوە.

لە ئابی ١٩٧٧ لە ئامادەیی پیشەسازی کارەبا و ئەلکترۆنی سلێمانی دامەزراوە. پاشان لە کۆتاییی ساڵی ١٩٧٨ گواستراوەتەوە بۆ ئامادەیی بازرگانی سلێمانی. لە ساڵی ١٩٩٤ەوە تا حوزەیرانی ١٩٩٧ لە بەشی پەروەردە و ڕاگەیاندنی ڕێکخراوەی نێودەوڵەتیی MGA سەر بە بەریتانیا کاری کردووە. بۆ ماوەی ٢ ساڵیش سەرنووسەری گۆڤاری «ئاوات» و «ھێڤی» بووە کە ڕێکخراوەکە بە ئامانجی ئاگادارکردنەوە منداڵان و قوتابیان لە بەرامبەر ترس و ھەڕەشەکانی مین دەری کردووە.

لە ھاوینی ساڵی ١٩٩٧ەوە بۆ ماوەی ١٠ مانگ لە شاری تامپێری لە فینلەندا پەنابەر بووە. لە بەھاری ١٩٩٨دا، گەڕاوەتەوە بۆ کوردستان. ھەر ئەوکات لەلایەن «یانەی قەڵەم» (PEN Club)ی جیھانی بانگێشتی دیداری ئەدەبی کراوە و تێیدا بە باسێکی ئەدەبی بەشداری کردووە، کە تەوەری سەرەکی ئەو ساڵە بووە بەناوی «زمان و کەسایەتیی نووسەر».

لە حوزەیرانی ١٩٩٨ەوە تا ساڵی ٢٠٠٣، لە ڕێکخراوی یونیسکۆ کاری کردووە، کە ئەندامی کارای پڕۆگرامەکان بوو و کاری سەرەکی پەیوەندی بە ھاوکاریی نێوان ڕێکخراوەکە لەگەڵ دەزگای پەروەردەی کوردستان و قۆناغی خوێندنی باڵاوە ھەبوو.

لە ھاوینی ساڵی ٢٠٠٣ تا ھاوینی ٢٠٠٧، وەک سەرپەرشتیاری پسپۆڕی کاری دەکرد. لە. مانگی ئەیلوولی ٢٠٠٧ەوە تەکلیف کراوە بە ڕاپەڕاندنی کاروباری ڕاگەیاندن و بەدواداچوونی کێشە و گرفتەکانی پەروەردە لە پارێزگای سلێمانی.

بەرھەمەکان[دەستکاری]

وەرگێڕان[دەستکاری]

پتر لە بیست کتێبی وەرگێڕان لە بواری شیعر، چیرۆک، ڕۆمان، شانۆگەری، دەروونناسی، ھونەر، ڕاگەیاندن، کۆمەڵناسی و سیاسەت ھەیە کە لە ئینگلیزییەوە کراوون بە کوردی:

شیعر[دەستکاری]

  • «قەلەڕەش و زەنگەکان» گوڵبژێرێک لە شیعری بیانی
  • «باڵەکانی فریشتە» کۆمەڵەشیعر
  • «دوو ژن و دوو پیاو» کۆمەڵەشیعر

وتار[دەستکاری]

  • "لە ستایشی ئەدەبدا" کۆمەڵەوتار
  • «جەنگاوەری ڕۆشنایی» لە نووسینی پاولۆ کۆئیلیۆ
  • "حەقتە بزانی؟" کۆمەڵەوتار لە نووسینی ژان پۆل مارتۆز

دەروونناسی[دەستکاری]

چیرۆک[دەستکاری]

  • «گەنجە ئازاکەی سەر جۆلانەکە» ھەڵبژاردەیەک لە چیرۆکی بیانی
  • «یادگارەکانی قەڵەڕەشێک» کۆمەڵەچیرۆک
  • «فرمێسکەکانی کوکوختی» کۆمەڵەچیرۆک

شانۆنامە[دەستکاری]

  • شانۆنامەی «مارا سات» لە نووسینی پیتەر ڤایس
  • شانۆنامەی «فریشتەیەک لە بابل دادەبەزێت» لە نووسینی فریدریش دێرنمات
  • شانۆنامەی «مەرگەساتی شا لیر» لە نووسینی ویلیام شێکسپیر
  • شانۆنامەی یەک پەردەیی «کاثلین نی ھولیھان یان پیرەژنە ھەژارەکە» لە نووسینی ولیەم بەتلەر بیتس
  • شانۆنامەی یەک پەردەیی «ڕمان» لە نووسینی سۆل بێلۆ
  • شانۆنامەی «فریشتەیەک لە بابل دادەبەزێت» لە نووسینی فریدریش دێرنمات
  • شانۆنامەی گوندەکانی بەرەو مانگ ھەڵدەکشن (لە عەرەبییەوە) فرحان بلبل
  • شانۆنامەی بە تووڕەیی ئاوڕێک لە ڕابردوو بدەرەوە لە نووسینی جۆن ئۆزبۆرن

ڕۆمان[دەستکاری]

  • «ژیان وا لە شوێنێکی دیکە» لە نووسینی میلان کوندێرا

کتێبەکانی زانکۆی ئۆکسفۆرد[دەستکاری]

  • «ڕامیاری» لە نووسینی کێنت مێنوک

شیعر[دەستکاری]

  • دیوانی «دارشەقەکانی نیشتمان و دوا ورتەورتی من» کۆی شیعرەکانی شێرزاد حەسەن لە ١٩٧٩ەوە ھەتا ٢٠١١، چاپی یەکەم: سلێمانی: چاپخانەی ڕەنج، ٢٠١٢

ڕۆمان[دەستکاری]

کورتەڕۆمان (نۆڤلێت)[دەستکاری]

کۆمەڵەچیرۆک[دەستکاری]

چیرۆک[دەستکاری]

  • گوناحی سپی
  • میم
  • من و قالە و سەگەکەی باڤلۆڤ
  • ڕەنگاڵە
  • زەلکاو
  • گەمەی گۆڕینەوەی قەڕەوێڵەکان
  • کوودەتای کەروێشکەکان
  • ماڵێک لە ئاو
  • مارلین
  • تابلۆیەکی ناتەواو

کۆمەڵەوتار[دەستکاری]

  • بێ کتێب ھەڵناکەم
  • دوژمنی گەل و مێگەلیزم
  • دەرۆزەکەرەکانی سەربەستی
  • کارگەکانی تابووت

نامیلکە[دەستکاری]

  • «منداڵێکی نوێ» لە نووسینی ئۆشۆ و شێرزاد حەسەن

تێبینییەکان[دەستکاری]

  1. ^ ساڵی لەدایکبوون نادیارە چونکە دایک و باوکی ناکۆک بوون لەسەر ساڵی لەدایکبوونی. ھەموو جارێک شەڕیان دەبوو لەسەر ڕێکەوتی لەدایکبوون. یەکێکیان دەیوت کە « «شێرۆ» ئەوکات لەدایکبوو جوولەکە لە ھەولێر ڕۆشتبوو. ئەوی دیکەیان بەرپەرچی دەدایەوە کە «نەخێر، جوولەکەکان نەڕۆیشتبوون». ھەر لەبەر ئەوە ساڵی لەدایکبوون دەکرێت ١٩٥١ یان ١٩٥٢بێت. ژێدەر:[١]

سەرچاوەکان[دەستکاری]

  1. ^ بورھان, ڕەوا (20ی تشرینی دووەمی 2012). ""یەکێتی و پارتی حیزب نین، دو خێڵ و دو عەشرەتن"، دیمانە لەگەڵ شێرزاد حەسەن". ئاوێنە. No. ژمارە ٣٥٢. کۆمپانیای ئاوێنە. p. ١٨. Retrieved ١٦ی کانوونی یەکەمی ٢٠٢٠. Check date values in: |access-date=, |date= (help)

بەستەرە دەرەکییەکان[دەستکاری]