دوا شەوی دابەزینی عیسا

لە ئینسایکڵۆپیدیای ئازادی ویکیپیدیاوە
Jump to navigation Jump to search
دوا شەوی دابەزینی عیسا
دوا شەوی دابەزینی عیسا.jpg
نووسەرشێرزاد حەسەن
وڵاتکوردستان
زمانکوردی
بابەتڕۆمان
جۆری کتێبچاپ
دەنگی

دوا شەوی دابەزینی عیسا ڕۆمانێکە لە نووسینی شێرزاد حەسەن؛[١] ئەم ڕۆمانە ڕەھەندێکی مێژوویی ھەیە و باسگەلێکی گرینگ وەکوو: نەتەوەی کورد، تووندوتیژی، ژن و مەرگدۆستی دەورووژێنێت. نووسینی ڕۆمانەکە ١٥ ساڵی خایاندووە و ١٧ ساڵ دواتریش بڵاو بووەتەوە.

چیرۆک[دەستکاری]

پەنابەرێکی کورد ساڵی ١٩٩٧، لە جەمسەری باکوور، لە شەوی کریسمسدا شایەتی دابەزینی مەسیحە بۆ سەر زەوی؛ بڕیار وا بووە عیسا ساڵی ٢٠٠٠ بێتە خوارەوە تاوەکوو بانگەشە بۆ خۆشەویستی بکاتەوە و مرۆڤ وەئاگا بێنێتەوە بەڵام لەبەر شێواوی دۆخی ئەستێرەکە، تاقەتی نەھێناوە و داوای کردووە سێ ساڵ زووتر دابەزێت؛ یەسوع دەبێتە میوانی ئەو پەنابەرە کوردە کە لە کەمپێکدا نیشتەجێیە و ناھومێدانە چاوەڕوانی کوتەکاغەزێکە بەناوی مۆڵەت و ئەوێ شەوێش بە پێچەوانەی ھەموو خەڵکی شار و کەمپەکە نەچووەتە ھیچکوێ و بەشداریی ھیچ جێژنێکیشی نەکردووە، عیسا بۆی باس دەکات کە بە درێژایی ھەموو ئەو ساڵانەی لە ئاسمان بووە، دڵەڕاوکێی وێرانبوونی ئەم ھەسارەیەی ھەبووە و تەنیا ئەو شەوی موعجیزەیەیشی لەبەر دەستدایە.[٢]

تایبەتمەندییەکان[دەستکاری]

لە دوا شەوی دابەزینی عیسادا ھەوڵی ئەوە دراوە کە کاراکتەرێکی ئاسمانی و پیرۆز وەکوو مەسیح ببێت بە کەسایەتییەکی خەیاڵی و وەکوو مروڤێکی ئاسایی سەیری بکردرێت و ئەو پیرۆزییەی لێ دابماڵدرێت؛ ھەوەھا دەیھەوێت لە لە خاچدانی مەسیح کەڵک وەربگرێت تاوەکوو باس لە تراژێدیی کوردبوون بکات و بڵێت کورد نەتەوەیەکە کە بە درێژایی مێژوو لە خاچ دراوە و دەدرێت. ڕۆمانەکە قارەمانێکی تایبەت و تاکی نییە و لە میللەتێک دەدوێت[٣] جیاوازیی ئەم ڕۆمانە لەگەڵ باقی بەرھەمەکانی دیکەی نووسەر ئەوەیە کە باس لە گەردوونگەرایی دەکات، واتە لەسەر ئاستی عالەمییە و پەیوەندیی ئێمە لەگەڵ دونیا ڕوون دەکاتەوە.[٤] ئەوەیکە ئاخۆ کورد فریادڕەسێکی ھەیە و ئەگەر ھەیە کەی دێت، نھێنی چیرۆکەکەیە و بڕیارەکەی سپێردراوەتە دەست خوێنەر.

چاپەکان[دەستکاری]

سەرچاوەکان[دەستکاری]

  1. ^ "دوا شەوی دابەزینی عیسا". www.goodreads.com.
  2. ^ شێرزاد حەسەن، ڕۆمانی دوا شەوی دابەزینی عیسا، بەرنامەی وانەر، ٢٧ی ئابی ٢٠١٥
  3. ^ شێرزاد حەسەن، دەربارەی ڕۆمانی دوا شەوی دابەزینی عیسا، کتێبخوانی سێیەم، ٢٠ی ئایاری ٢٠١٥
  4. ^ "شێرزاد حەسەن لە ھەولێرەوە چیرۆکی دوا شەوی دابەزینی عیسا دەگێڕێتەوە". xelk.org.[بەستەری مردوو]