عەتا نەھایی

عەتا نەھایی
لەدایکبوون	عەتائوڵڵا نەھایی ١٩٦٠ (تەمەن ٦٢–٦٣) بانە ڕۆژھەڵاتی کوردستان
پیشە	ڕۆماننووس وەرگێڕ چیرۆکنووس
نەتەوە	کورد
ڕەگەز	نێر
خوێندن	پەیمانگای مامۆستایان، تاران
کارە دیارەکان	گرەوی بەختی ھەڵاڵە
چالاکی ساڵانی	نەزانراو - ئێستا

عەتا نەھایی (لەدایکبووی ١٩٦٠ لە بانە، ڕۆژھەڵاتی کوردستان) نووسەر، وەرگێڕ و چیرۆکنووسێکی کورد و ئەندامی چالاکی کۆڕی زانستی زمانی کوردییە. ناودارترین ڕۆمانی گرەوی بەختی ھەڵاڵەیە.

ژیانی سەرەتایی

ساڵی ١٩٦٠ لە شاری بانە لەدایک بووە. ١٩٧٨ بە وەرگرتنی دیپلۆمی وێژە، دواناوەندی تەواو کردووە. بەھۆی ڕاپەڕینەکانی ئەوسای ئێران لە ١٩٧٩ زانکۆکان داخراون و نەیتوانیوە چیتر درێژە بە خوێندنەکەی بدات.

ژیانی ئەدەبی

نەھایی بە نووسینی کورتەچیرۆک و وتارنووسین بە کوردیی سۆرانی دەستی کردووە بە کاری ئەدەبی. ناوبراو سێ کۆمەڵەچیرۆک و سێ ڕۆمانی بڵاو کردووەتەوە، لەگەڵ وەرگێڕانی چەندان کورتەچیرۆک و وتاری بیانی. لە یەکەم کۆنفرانسی وتنەوەی زمانی کوردی، لە تاران لە ساڵی ٢٠٠٢، یەکەم دەنگی بردەوە و دواتر بووە ئەندامی باڵای کۆڕی زانستی زمانی کوردی. لە ٢٠٠٥، نەھایی خەڵاتی ئاراسی وێژەی کوردی وەرگرتووە. ھەروەھا لە ساڵی ٢٠٠٨دا خەڵاتی ئەحمەد ھەردی بۆ چێژ و سەلیقەی جوانی نووسین وەرگرتووە.

ڕۆمانی «گرەوی بەختی ھەڵاڵە» دوایین ڕۆمانییەتی کە لە ساڵی ٢٠٠٨ لە سلێمانی بڵاوی کردەوە.

بەرھەمەکان

کتێب

• زریکە، بانە، ناجی
• تەنگانە، بانە، نووسەر
• گوڵی شۆڕان (ڕۆمان)، سەقز، محەممەدی، ١٩٩٧
• باڵندەکانی دەم با (ڕۆمان)، سنە، ژیار، ٢٠٠٢
• ئەو باڵندە بریندارە کە منم
• گرەوی بەختی ھەڵاڵە
• سەرجەمی چیرۆکەکان (زریکە، تەنگانە، ئەو باڵندە بریندارە کە منم) چاپەمەنیی ئاراس، هەولێر، ٢٠٠٦
• سەرجەمی ڕۆمانەکان (گوڵی شۆڕان، باڵندەکانی دەم با) چاپەمەنیی ئاراس، هەولێر، ٢٠٠٦

وتار

• "ئاوڕدانەوەیەک لە حەوت ساڵ چیرۆکی کوردی (١)". گۆڤاری سروە، ساڵی ٨، ژ ٧٢، ل ٥٣–٥٦
• "ئاوڕدانەوەیەک لە حەوت ساڵ چیرۆکی کوردی (٢)". سروە، ساڵی ٨، ژ ٧٣، ل ٤٩–٥١
• "مەحزوون". سروە، ساڵی ٩، ژ ٨٩، ل ١٥–١٦و ٦٦
• "ئاوڕێک لە کەسایەتی خەزاڵ و لاس". سروە، ساڵی ١٠، ژ ٩٤–٩٣، ل ٣٢–٣٣و ٤١
• "گەڵاڵەیەک بۆ مێژووی چیڕۆکی کوردی". سروە، ساڵی ١٠، ژ ٩٨–٩٧، ل ٤٠–٤٤
• "جیلوەی شانۆ، جیلوەی شێعری سەرکەوتوو". سروە، ساڵی ١٢، ژ ١١٩، ل٤١–٤٤
• "چیرۆک ڕۆچنەیەکی متمانە پێکراو". سروە، ساڵی ١٢، ژ ١٢٢، ل ٢٩–٣٢
• "ئیماژ لە شیعری مەولەویدا". سروە، ساڵی ١٢، ژ ١٢٦–١٢٥، ل ٣١–٣٥
• "(تنوّع)یان ھەمەجۆری لە مەیدانی داھێناندا". سروە، ساڵی ١٤، ژ ١٥٠، ل ١٤–١٦

وەرگێڕان

• میلان کوندێرا، «جیھانی کافکایی». سروە، ساڵی ١١، ژ ١٠٧–١٠٨، ل ٥٠–٥٥
• شازادە ئیحتجاب (ڕۆمان)، ھووشەنگ گوڵشیری، سلێمانی: دەزگای سەردەم، ٢٠٠١
• جەیمس جۆیس (ژیان و بەرهەمەکان)، ج.م. ستوارت، سلێمانی: دەزگای سەردەم، ٢٠٠٤
• ماڵی ڕووناکان (کۆچیرۆکی نووسەرانی ئێرانی)، ھەولێر: دەزگای ئاراس، ٢٠٠٤
• بارۆنی سەر دارەکان (ڕۆمان)، ئیتالۆ کالڤینۆ، سلێمانی: دەزگای سەردەم، ٢٠٠٧
• قەسابخانەی ژمارە ٥ (ڕۆمان)، کوورت ڤۆنێ گات، سلێمانی: دەزگای سەردەم، ٢٠٠٨
• سووکی لە تاقەت بەدەری بوون (ڕۆمان)، میلان کۆندێرا، سلێمانی: دەزگای سەردەم، ٢٠٠٩
• دادگایی (ڕۆمان)، فرانتس کافکا، ٢٠١٠
• کۆشک (ڕۆمان)، فرانتس کافکا، ناوەندی ئەندێشە ٢٠١٣
• ژنان بەرامبەر بە دیمەنی ڕووبار (ڕۆمان) ھاینریش بۆل، ٢٠١٣
• ژیانی ڕاستەقینەی ئالیخاندرۆ مایتا (ڕۆمان، لە فارسییەوە)، ماریۆ بارگاس یۆسا، ٢٠١٤
• نەمری (ڕۆمان) میلان کوندێرا، دەزگای سەردەم

بەستەرە دەرەکییەکان

• ماڵپەڕی فەرمیی عەتا نەھایی