ھەورەکانی دانیال

ھەورەکانی دانیال

نووسەر	بەختیار عەلی
سەردێڕی سەرەکی	ھەورەکانی دانیال
وڵات	کوردستان، عێراق
زمان	کوردی
بابەت	ڕۆمان
چەشن	خەیاڵی
بڵاوبوونەوە	٢٠/٣/٢٠١٥
جۆری کتێب	ھاردباک

ھەورەکانی دانیال ڕۆمانێکی بەختیار عەلییە. لە ساڵی ٢٠١٥داایەن ناوەندی ئەندێشەوە بڵاوکرایەوە.

کورتەیەک لە ڕۆمانەکە

کاتێک تاقانە دەروونناسەکەی دێلاوار «سیامەندی زەریاواری» دەزانێت کە نەخۆشییەکی سەیر بڵاوبۆتەوە کە ھەموویان خەون بە جەللادێکی نادیارەوە دەبینن کە سەریان دەبڕێت و دوای بەئاگا ھاتنەوەیان تووشی شێتبوون و ھەڵچوونێکی کتوپڕ دەبن و یەکەم کەس لە «میرئەوداڵ» ەوە دەست پێ دەکات.

بەھۆی ئەوەوە یەکەمین سەنتەری دەروونی لە دێلاواردا دادەنرێت و بێ ئیشترین کەسی تایەفەی زەریاواری بەناوی «ڕێنوار» ەوە کە برازای سیامەندە لەوێدا دادەمەزرێت بۆئەوەی داوای لێبووردن لەو نەخۆشانە بکات کە لەلایەن کارمەندانی سەنتەرەکەوە لێیان دەدرێت بۆیە ھەموویان نازناوی «مستەر گرینۆک» ی لێدەنێن.

دوای ماوەیەکی زۆر لە بینینی خەونەکە مامی ڕێنوار ناچاریدەکات سێ نیگارکێش بێنێت و جەللادی ناو خەونەکان بکێشنەوە. بەڵام ھەر زوو دوای بینینی نیگارەکان ھەرکەسێک لەوان بچێت دەستوبرد یەکسەر سەری دەبڕن.

ھەندێکیان ھۆیەکە دەگەڕێننەوە بۆئەوەی کە «دانیال» گەڕاوەتە و لە شێوەی جەللاددا خۆی پیشاندەدات. دانیال ئەو کەسە بووە کە تاوانبارکراوە بە تێکدانی ئاسایشی دێلاوار کە زەمینێک بووە ھیچ کەسێک خەونی تێدا نەبینیوە بەڵام دوای ھاتنی دانیال ڕۆژێک خەونێک دەبینێت کە ھەندێک ھەوری سوور باران دەبارێنن و دوای ئەوە ھەموو خەڵک دەردەکە دەگرن و ناوی لێدەنێن «ھەورەکانی دانیال».

وەرگێڕانەکان

فارسی (ابرھای دانیال)، ٢٠١٦

دوای ساڵێک بڵاوبوونەوەی ڕۆمانەکە، چاپە فارسییەکەی لەلایەن «نشر افراز» ەوە بڵاوکرایەوە و کاری وەرگێڕانیش لەلایەن وەرگێڕی فارس «مەھری بەرون» ەوە کراوە.