ماندوو
| ماندوو | |
|---|---|
 پۆستەری فیلم | |
| دەرھێنەر | ئیبراھیم سەعیدی |
| نووسەر | ئیبراھیم سەعیدی حوسێن مورتەزائیان ئابکنار |
| مۆسیقا | عەلی سەمەدپور |
| وێنەگری سینەمایی | بایرم فەزلی |
| مۆنتاژ | ئیبراھیم سەعیدی |
| دەرچوون | ٢٠١٠ |
| ماوەی فیلم | ١٠١ خولەک |
| وڵات |  عێراق ئێران کوردستان |
| زمان | کوردی |
| تێچوون | ٣٥٠٬٠٠٠ دۆلار |
ماندوو فیلمێکی سینەمایی کوردیی ساڵی ٢٠١٠یە کە دەرھێنەری ئیبراھیم سەعیدی و بەرھەمھێنەری دایرەی سینەماییی ھەولێری وەزارەتی ڕۆشنبیری و لاوانە. کاری وێنەگرتن بۆ ئەو فیلمە لە ناوچەکانی چەمچەماڵ، سورداش، سەنگاو، سەرگەڵو و شاری کەرکووک بەڕێوە چووە. تێیدا ژمارەیەک لە ئەکتەرانی کورد و ئێرانی ڕۆڵیان گێراوە. فیلمی ماندوو بە دوو زمانی کوردی و عەرەبییە.[١][٢]
چیرۆک
[دەستکاری]ماندوو چیرۆکی ژیانی دوو بنەماڵەی ئاوارەی کورد لە سەرەتاکانی دەیەی ١٩٨٠ دەگێرێتەوە کە لە سەردەمی شەڕی ئێران و عێراق لە ڕۆژھەڵاتی کوردستانەوە بەرەو باشووری کوردستان کۆچ دەکەن و لە ڕێگای ڕژێمی بەعسییەوە لە باشووری عێراق نیشتەجێ دەکرێن. یەکیان لە ساڵی ٢٠٠٥ دوای ڕووخانی حکوومەتی سەددام حوسێن بە یارمەتیی حکوومەتی ھەرێمی کوردستان بۆ ناوچە سەقامگیرەکانی ھەرێم گوێزرانەوە و ئەو بنەماڵەیەی دیکەش بە یارمەتیی نەتەوە یەکگرتووەکان بەرەو ئەورووپا کۆچیان کرد. ئەو بنەماڵەیەی کە لە ھەرێمی کوردستاندا ماونەتەوە، دوای تێپەڕبوونی ٣٠ ساڵ ژیان لە دوور وڵات و بارودۆخی سەختی پەنابەریدا کە بە سەریاندا ھاتووە و ھەروەھا باروودۆخی نالەبار و نەخۆشی باوکی بنەماڵەکە، بڕیار دەدەن کە بۆ تێپەڕکردنی دوایین کاتەکانی ژیانی باوکەکە بەرەو زێدی خۆیان لە ڕۆژھەڵاتی کوردستان بگەڕێنەوە.
کاست
[دەستکاری]- تیما ئەمیری
- ڕۆژان محەممەد جەزا
- شەھاب فەزلی
- وەستا خالید
- سەلاح شێخ محەممەدی
- عەبداڵ شەوکەت عەبداڵ
- مەحموود گلی
- خاتوون غەدیر شەمران
- ئیسماعیل کەریم
- سۆران ئیبراھیم
- زەمان حەمید شەفیق
- زەمەن شەفیق شەمران
سەرچاوەکان
[دەستکاری]- ^ ھونەری - فیلمی سینەمایی ماندوو لە بەشی کێبڕکێی فیستیڤاڵی نێونەتەوەیی لۆکارنۆ وەرگیرا، ماڵپەڕی ئاژانسی پەیامنێر، ٢٤ی تەممووزی ٢٠١٠ بڵاوکراوەتەوە.
- ^ فیلمی «ماندوو» لە سینەماکانی ئێرانیش نمایش دەکرێ ٢١ی تشرینی دووەمی ٢٠١٧ لە وەیبەک مەشین، ئەرشیڤ کراوە.، ماڵپەڕی ڕۆژ کورد، ١٧ی نیسانی ٢٠١٧ بڵاوکراوەتەوە.
بەستەرە دەرەکییەکان
[دەستکاری]- Mandoo (2010) ماندوو لە IMDBدا
- ماندوو لە فیستیڤاڵی فیلمی لۆکارنۆ[بەستەری مردوو][بەستەری مردووی ھەمیشەیی]
 | ئەم فیلم وتارە کۆلکەیەکە. دەتوانیت بە فراوانکردنی یارمەتیی ویکیپیدیا بدەیت. |
