کۆبانی (فیلم)

کۆبانی
دەرھێنەر	ئۆزلەم یاشار
بەرھەمھێنەر	دیار حەسۆ
نووسەر	ئۆزلەم ئارزێبا مەدیا دۆز
ئەکتەران	عاسیف ئەحمەد شیار شێخ نەبی مادلێن شێخ خدر ئاوار عەلی
مۆسیقا	مەحموود بەرازی
وێنەگری سینەمایی	جەمیل کیزیلداغ
مۆنتاژ	ئمیلی ئۆرسینی
دەرچوون	٢٠ی ئەیلوولی ٢٠٢٢، کۆبانی
ماوەی فیلم	١٥٨ خولەک
وڵات	ڕۆژاوای کوردستان، سووریا
زمان	کوردی (کرمانجی)

کۆبانی فیلمێکی کوردییە کە سەبارەت بە گەمارۆی کۆبانی کە لە تشرینی یەکەمی ٢٠١٤ ھەتا کانوونی دووەمی ساڵی ٢٠١٥ -کە شەڕێک لەنێوان یەکەکانی پاراستنی گەل (یەپەگە) و یەکەکانی پاراستنی ژنان (یەپەژە) دژی دەوڵەتی ئیسلامی (داعش) بووە- بەرھەم ھێنراوە. دەرھێنەری فیلمەکە ئۆزلەم یاشار و بەرھەمھێنەرەکەی کۆمۆنی فیلمی ڕۆژئاوایە. فیلمی کۆبانی لە ئەلتەورە و تەبقە لە سووریا وێنە گیراوە. فیلمەکە تیشک دەخاتە سەر ڕۆڵی ژنانی کورد لە شەڕەکەدا.

فیلمەکە بۆ یەکەمجار لە ٢٠ی ئەیلوولی ٢٠٢٢ لە ناوەندی ڕۆشنبیری لە شاری کۆبانی نمایشکرا.

کورتە

فیلمەکە باس لە ژیانی زۆھرە دەکات کە شەڕڤانێکی یەپەژە تەمەنی ٣٢ ساڵە و کاتێک فەرماندەی بەرپرس لە مەیدانی شەڕ ھەڵدێت، دەبێتە فەرماندەی یەکەکەی. ئەو سەرەڕای ئەوەیکە داعش ژمارەیەکی بەھێزتر و چەکی قورستری ھەیە، بۆ شکاندنی گەمارۆی کۆبانێ و ڕزگارکردنی شارەکە سەرکردایەتی ھێزە کوردییەکان دەکات.

ئەمانەش ببینە

• کۆمۆنی فیلمی ڕۆژئاوا
• ١٤ی تەممووز
• لە پێناو ئازادیدا

بەستەری دەرەکی

• ماڵپەڕی فیلمی کۆبانی
• پەڕەی فیلمی کۆبانی لە ئای.ئم.دی.بی