نان و ئازادی

نان و ئازادی
دەرھێنەر	تەیفوور بەتحایی
بەرھەمھێنەر	بەشی ھونەریی حیزبی دێموکراتی کوردستانی ئێران
چەشنی فیلم	بەڵگەفیلم
مۆسیقا	عەلی مەردان شوان پەروەر عەزیز شاھڕۆخ
وێنەگری سینەمایی	تەیفوور بەتحایی عەبدوڵڵا ڕەسووڵپوور
ماوەی فیلم	٦٣ خولەک
وڵات	کوردستان
زمان	کوردیی ناوەندی

نان و ئازادی (بە ئینگلیزی: Bread and freedom، بە فەرەنسی: Pain et Liberté، بە بەدرخانی: Nan û azadî) یەکەم بەڵگەفیلمی کوردییە، لە دەرھێنانی تەیفوور بەتحایی کە ساڵی ١٩٨٤ کارکردن لەسەری تەواو بووە.

سەرکردایەتیی حیزبی دێموکرات بڕیاری داوە بە لەبەرچاو گرتنی پێشینەی تەیفوور بەتحایی لە بوارەکانی فیلمھەڵگرتنەوە و کارکردن لە ڕادیۆ و تەلەڤیزیۆندا، بینێرێتە وڵاتی فەڕانسە تاوەکوو بەڵگەفیلمێک لەسەر ڕۆژھەڵاتی کوردستان دروست بکات؛ ناوەرۆکی فیلمەکە ژیان و کار و شەڕ و بەرگرییە و تەیفوور بەتحایی ھەوڵی داوە لە ڕێگەی نان و ئازادییەوە بەشێکی بەرفراوانی ڕەوشی ژیانی ڕۆژانەی ئەو شوێنانە پیشان بدات کە لەبەر دەستی پێشمەرگەدا بوون.