بەپێی دەستوور

لە ئینسایکڵۆپیدیای ئازادی ویکیپیدیاوە
Jump to navigation Jump to search

بەپێی دەستوور فیلمێکی کۆمێدی و سیاسیی کوردییە. لەدەرهێنانی ڕەحیزم زەبیحییە کە هەریەکە لە ماهیر حەسەن، عەلی عەبدولباقی (عەبۆ) وە کەژان ئەسەدی ڕۆڵی سەرەکی دەبینن. فیلمەکە لەساڵی ٢٠١٣ لە سلێمانی نمایشکراوە. هەروەها دواتر لە ٢٠١٦ لە هەولێر نمایشی هەبووە. فیلمەکە لەباشووری کوردستان لە سلێمانی وێنەگیراوە لەلایەن ستافێکی ڕۆژهەڵاتی کوردستان.

چیڕۆک[دەستکاری]

وریا (ماهیر حەسەن) لەماڵێکدا لەگەڵ دایک و براکەی دەژی کە براکەی خێزاندارە، وە وریا دەستگیراندارە لەگەڵ دڵخواز (کەژان ئەسەدی) بەڵام بەهۆی خراپی ڕەوشی ئابووری خۆیەوە نەیتوانیوە ماڵی جیا بۆ دەستگیرانەکەی پێکبهێنێت کەمەرجی سەرەکی ماڵی خەزوورییەتی. وریا هاوڕێیەکی هەیە بەناوی هاوڕێ (عەلی عەبدولباقی) کەبەیەکەوە کتێب دەفرۆشن. وریا ماوەی ٤ ساڵ بەسەر دەستگیرانداری خۆی و دڵخواز تێپەڕدەبێت بەمەش ماڵی دڵخواز فشاری زۆر لەسەر وریا درووستدەکەن کە شتێک بکات بەڵام وریا دەستەوەستان دەوەستێت تاکوو ڕؤژێک دۆستەکەی کە هاوڕێیە دەقێكی دەستووری وڵاتی بۆ دەخوێنێتەوە کەبەپێی دەستووربێت هەموو هاوڵاتییەک بەشی خۆی هەیە لە داهاتی گشتی ئەم دەقەی دەستوور وادەکات کە وریا هەوڵبدات ڕەزامەندی خەڵکی شارەکەی وەربگرێت تاکوو ئەو داهاتە لە حکوومەت وەربگرێت. دواتر حکوومەت کە دەسەلاتێکی گەندەڵە بەمە دەزانێت دەچێت وریا و هاوڕێ و برادەرانی دیکەشی دەگرێت و لێکۆڵینەوە لەسەر بابەتەکە دەکات کە بۆچی وریا دەیەوێت ئەوکارە بکات و چ دەستێکی دەرەکی لەپشت ئەوەوەیە. لەکۆتاییدا حکوومەتە گەندەڵەکە پێشنیار بۆ وریا دەکات کە لەبەرامبەر بڕێکی زۆر پارە واز لەو کەیسە بهێنێت، کەبەمەش وریا دەیتوانی ئەو ژیانەی خەونی پێوەدەبینی درووستی بکات بەڵام وریا کە هەڵگری فەلسەفەی سەبر و ئارامگرتبوون لەفیلمەکە ئەو بڕە پارەیەی ڕەتکردەوە و پاشان ئەڵقەی دەستگیرانداری گەڕاندەوە بۆ دڵخواز. دواتر فیلمەکە بەوە کۆتایی دێت کە ئارامگرتنی وریا بەخەونەکەی گەیاند و حکوومەت پارەی هاوڵاتییانی گەڕاندەوە و وریا و دڵخوازیش بەیەکگەیشتن.

ئەکتەرەکان[دەستکاری]

  • ماهیر حەسەن بەڕۆڵی وریا
  • عەلی عەبدولباقی بەڕۆڵێ هاوڕێ
  • کەژان ئەسەدی بەڕۆلێ دڵخواز
  • بەیان زەریفی
  • میرحاج بەڕۆڵی باوکی دڵخواز
  • قادرۆک
  • هاوڕێ ڕەشید

سەرچاوەکان[دەستکاری]