ھەرمان

لە ئینسایکڵۆپیدیای ئازادی ویکیپیدیاوە
ھەرمان
دەرھێنەرحوسێن حەسەن
بەرھەمھێنەرشاخەوان ئیدریس
نووسینحوسێن حەسەن
چەشنی فیلمدراما
مۆسیقاھاروون ئاتامان
وێنەگری سینەماییعەلی شوکری
دەستکاریڕەجەب ئەحمەد
ڕێکەوتی دەرچوون٢٠٠٩
ماوەی فیلم٨٤ خولەک
وڵاتکوردستان
زمانکوردیی باکووری (بادینی)

ھەرمان فیلمێکی کوردییە لە دەرھێنانی حوسێن حەسەن، ساڵی ٢٠٠٩ بەرھەم ھاتووە و بەرھەمی بەڕێوبەرایەتیی سینەمای ھەولێر و وەزارەتی ڕۆشنبیریی و لاوانی حکوومەتی ھەرێمی کوردستانە.[١]

چیرۆک[دەستکاری]

ھەرمان و ئادار کە ئامۆزا و خۆشەویستی یەکترن، بەر لە ئۆپەراسیۆنی ئەنفالی حکوومەتی عێراق بۆ سەرکوتکردنی بزووتنەوەی ڕزگاریخوازیی کورد لە باشووری کوردستان، ناچار بۆ ماوەیەکی کورت لە یەکتر دادەبڕن و ھەرمان گوند بەجێ دێلێت و دەگەڕێتەوە بۆ شار. دواتر گوندەکە لەلایەن سەربازە عێراقییەکانەوە دەسووتێنرێت و خەڵکی گوند ئاوارە و ئاداریش کە لە سەربازە عێراقییەکان ھەڵاتووە، وێڕای ئەوان لە کەمپێکی ئاوارەکان نیشتەجێ دەبێت. ئێستا، شەڕی درێژخایەن و بێھیوای ھەرمان بۆ دۆزینەوەی خۆشەویستەکەی دەست پێ دەکات. دواتر دەردەکەوێت کە ئادار دووگیانە و کۆرپەی ھەرمانی لە زگدایە. باوکی ئادار بەھۆی ئەوەی لە دەرەوەی ھاوسەرگیری دووگیان بووە و بۆ ئەوەی شەرەفی خێزانەکەی بگەڕێنێتەوە، ھەوڵی کوشتنی دەدات. ئازاری جیابوونەوە لە کەسێکی ئازیز؛ دۆخی سیاسی، کە ھەڕەشە لە خەباتی سەربەخۆیی گرووپێکی نەتەوەیی دەکات و ھەروەھا ئەو بنەما سەرکوتکەرانەی کە پێیان وایە پاکیزەیی ژنێک شەرەفی بنەماڵەیە، ھەموویان فشار دەخەنە سەر ژیانی ئادار.

تراژێدیای ئەنفال و کێشە کۆمەڵایەتییەکان وەکوو ڕوانگەی کۆمەڵگای کوردەواری سەبارەت بە نامووس و شەرەف ناوەرۆکی فیلمەکە لەخۆ دەگرن.[٢]

کەسایەتییەکان[دەستکاری]

  • ھەرمان: ھەرمان محەممەد تاھیر
  • ئادار: گوڵبەھار کاڤجۆ (کاڤچۆ)

بڵاوبوونەوە[دەستکاری]

فیلمەکە خۆی بەرھەمی ساڵی ٢٠٠٩یە و ١٠ی تشرینی یەکەمی ھەمان ساڵیش لە فێستیڤاڵی نێودەوڵەتیی فیلمی پوسان لە کۆریای باشوور نمایش کرا و ٥ی شوباتی ٢٠١٠یش لە فێستیڤاڵی نێودەوڵەتیی فیلمی سانتا باربارا لە ئەمریکا پیشان درا. ھەروەھا لە ڕۆژانی ٢٩ و ٣٠ی مانگی حوزەیرانی ٢٠١٠یش لە حەوتەمین فێستیڤاڵی بەدرخان لە واشینگتن دی سی نمایش درا.[٣] ساڵی ٢٠١١یش لە شەشەمین خولی فێستیڤاڵی فیلمی کوردیی بێرلین لە دھۆک نمایش کرا.[٤]

سەرچاوەکان[دەستکاری]

  1. ^ "Busan International Film Festival 5-14 October, 2022". www.biff.kr.{{cite web}}: CS1 maint: url-status (link) ٢٦ی تەممووزی ٢٠٢٢ لە وەیبەک مەشین، ئەرشیڤ کراوە.
  2. ^ مێدیا, گوڵان. "ئایا سینەمای کوردی تەنیا باس لە تراژێدییاکان دەکات و کێشەکانی کۆمەڵگای فەرامۆش کردووە؟". گوڵان مێدیا.{{cite web}}: CS1 maint: url-status (link)
  3. ^ "فیلمی ھەرمان لە واشنتۆن نمایش کرا". CHRA.TV.{{cite web}}: CS1 maint: url-status (link)[بەستەری مردوو]
  4. ^ "شەشەمین فێستیڤاڵی فیلمی کوردیی بێرلین دھۆک بەڕێوە دەچێت". kurdpa.net.{{cite web}}: CS1 maint: url-status (link)[بەستەری مردوو]

بەستەرە دەرەکییەکان[دەستکاری]