ھەڵبژاردەی تۆپی پێی ئیسپانیا

لە ئینسایکڵۆپیدیای ئازادی ویکیپیدیاوە
(ڕەوانەکراوە لە هەڵبژاردەی تۆپی پێی ئیسپانیاەوە)
Jump to navigation Jump to search
ھەڵبژاردەی تۆپی پێی ئیسپانیا
Spain National Football Team badge.png
نازناو لارۆخا
وڵات ئیسپانیا
یەکێتی یەکێتی تۆپی پێی ئەوروپی (یوفا)
یاریگای سەرەکی سانتیاگۆ بەرنابیۆ
ھەڵبژاردە و یاریزانان
ڕاھێنەر ڤیسینتی دێل بۆسکی
کاپتن ئیکەر کاسیاس
گۆڵکار داڤید ڤیا (٥١)
ئەنجامەکان
بەرزترین پلە یەکەم (تەممووزی ٢٠٠٨ – حوزەیرانی ٢٠٠٩ – تشرینی یەکەمی ٢٠٠٩ – ئاداری ٢٠١٠ – تەممووزی ٢٠١٠ – تەممووزی ٢٠١١ – تشرینی یەکەمی ٢٠١١ - ئێستا)
نزمترین پلە ٢٥ (ئاداری ١٩٩٨)
گەورەترین بردنەوە ئیسپانیا ١٣ – ٠ بولگاریا (مەدرید، ئیسپانیا، ٢١ی ئایاری ١٩٣٣)
گەورەترین دۆڕاندن ئیتاڵیا ٧ – ١ ئیسپانیا (ئەمستردام، ھۆڵەندا، ٤ی حوزەیرانی ١٩٢٨)
ئینگلتەرا ٧ – ١ ئیسپانیا (لەندەن، ئینگلتەرا، ٩ی کانوونی یەکەمی ١٩٣١)
جامی جیھانی
ژ. بەشداربوون ١٣ (یەکەمجار لە ١٩٣٤)
ژ. بردنەوە بەدەستھێنانی نازناوی ٢٠١٠
جامی کیشوەرەکان
ژ. بەشداربوون ١ (یەکەمجار لە ٢٠٠٩)
ژ. بردنەوە پلەی سێیەم لە ٢٠٠٩
جامی نەتەوەکانی ئەورووپا
ژ. بەشداربوون ٩ (یەکەمجار لە ١٩٦٤)
ژ. بردنەوە بەدەستھێنانی نازناوی ١٩٦٤ و ٢٠٠٨ و ٢٠١٢
ئۆڵۆمپیادی ھاوینە
ژ. بەشداربوون ١٠ (یەکەمجار لە ١٩٢٠)
ژ. بردنەوە بەدەستھێنانی نازناوی ١٩٩٢
جل و بەرگی ڕەسمی
بەرگی ڕەسمی
بەرگی یەدەگ


ھەڵبژاردەی تۆپی پێی ئیسپانیا ھەڵبژاردەی نیشتمانی ئیسپانیایە و لەلایەن یەکێتی تۆپی پێی ئیسپانیاوە سەرپەرشتی دەکرێت و ڕاھێنەری ئێستای ھەڵبژاردەکە دیل بۆسکیە. ئیسپانییەکان بە لارۆخا بەناوبانگن.

ئیسپانیا تاکە ھەڵبژاردەی ئەوروپییە کە توانیویەتی سێ پاڵەوانیەتی یەک لەدوای یەک بباتەوە کە یۆرۆی ٢٠٠٨ و جامی جیھانی فیفای ٢٠١٠ و یۆرۆی ٢٠١٢ن. بۆ یەکەمجار لەمێژوویدا لە تەممووزی ٢٠٠٨ ئیسپانیا پلەی یەکەمی ڕیزبەندی جیھانی فیفای گرت. لەنێوان تشرینی دووەمی ٢٠٠٦ تا حوزەیرانی ٢٠٠٩ ژمارەی پێوانەیی تۆمارکرد بە ھۆی ئەوەی ٣٥ یاری یەک لەدوای یەکی بردەوە و ھەتا لەبەرامبەر ویلایەتە یەکگرتووەکان یارییەکی دانا و بوو بە سێیەمی جامی کیشوەرەکانی فیفای ٢٠٠٩ و پێشتریش بەرازیل لە ١٥ یەک لەدوای یەک تامی دۆڕانی نەکردبوو.

مێژوو[دەستکاری]

ساڵەکانی سەرەتا و کاریگەری جەنگ[دەستکاری]

یەکێتی تۆپی پێی ئیسپانیا لەساڵی ١٩٠٩ دامەزرا و لەساڵی ١٩١٣ بوو بە ئەندام لە یەکێتی تۆپی پێی جیھانی. ھەرچۆنیەک بێت ھەڵبژاردەی ئیسپانیا ھیچ ڕووبەڕووبوونەوەیەکی نێودەوڵەتی ئەنجام نەدا تاوەکو ئەوەی لەساڵی ١٩٢٠ لەیارییەکانی ئۆڵۆمپی یەکەم ڕووبەڕووبوونەوە و سەرکەوتنی نێودەوڵەتی تۆمارکرد دوای ئەوەی بە گۆڵێکی بێبەرامبەر لەدانیمارکی بردەوە. یەکەم دەرکەوتنی لەیارییە کۆتاییەکان بۆ جامی جیھانی فیفای ١٩٣٤ دەگەڕێتەوە دوای سەرکەوتنی بەسەر پورتوگال بە ئەنجامی ٩ – ٠ و ٢ – ١ لەقۆناغی پاڵاوتن. لەگەڕی یەکەمدا لەسەر ھەژماری بەرازیل ٣ – ١ براوە بوو پێش دۆڕانی ١ – ٠ لە کۆتاییەکانی خوولەکە لە فلۆرینسی ئیتاڵیا. لە ٣ی ئایاری ١٩٣٦ لە بێرن ٢ – ٠ سویسرا دۆڕا و ھەتا کۆتایی ھاتنی جەنگی مەدەنی ئیسپانی ١٩٤١ ھەڵبژاردەکە ھیچ یارییەکی نەکرد. تەنھا لەگەڵ وڵاتە ھاوپەیمانەکانی یان سویسرا و ئێرلەندا و پورتوگال، و لەماوەی جەنگی جیھانی دووەمدا ئیسپانیا لە پێشبڕکێی دووبارە چوونە ناوەوەی فیفا لەبەرامبەر بەلجیکا بە گۆڵێک بەرامبەربوو.

لەپەنجاکاندا[دەستکاری]

جەنگی مەدەنی ئیسپانی و جەنگی جیھانی دووەم ڕێگربوون لەبەشداریکردنی لە پێشبڕکێی یارییەکانی نێوان جامی جیھانی ١٩٣٤ و پاڵاوتنی جامی جیھانی ١٩٥٠، دواتر بانگھێشتنامەیەکیان پێگەیشت بۆ بەشداریکردن لە پێشبڕکێیەکانی ئایبیری و لەبەرامبەر پورتوگال ٥ – ١ سەرکەوت و ٢ – ٢ بەرامبەربوو. لە کۆتاییەکانی جامی جیھانی فیفای ١٩٥٠ لەبەرازیل، لەگەڵ ئینگلتەرا و ویلایەتە یەکگرتووەکان و چیلی پێشبڕکێیان بۆ یاری کۆتایی دەکرد. بۆ یەکەمجار لە مێژووی جامی جیھانی فیفای بڕیاردرا کەدەبێت چوار ھەڵبژاردە لەشێوەی کۆمەڵەیەک بەشداربن لەکێبڕکێیەکانی کۆتایی پاڵەوانیەتییەکە. بەرازیل و ئۆرۆگوای و سوید و ئیسپانیا پێکھاتەی کۆمەڵی کۆتایی بوون. ئیسپانیا لەبردنەوەیەکیش سەرنەکەوت بە دەستکەوتی ھیچ بردنەوەیەک و بەرامبەرێک و دوو دۆڕان پلەی چوارەمی گرت. ھەتا ساڵی ٢٠١٠ و ھەڵبژاردەی ئیسپانیا توانی ببێتە پاڵەوان و نازناوی جامی جیھانی ٢٠١٠ بەرز بکاتەوە و نازناوی "ژێر سەرکەوتووان"ی وەرگرت.
لەژێر ڕاھێنەرایەتی ڕاھێنەری فەڕەنسی – ئەرجەنتینی ھێلینیۆ ھێریرا و یاریدەری ئیتاڵی دانیال نیولان ئیسپانیا لەقۆناغی پاڵاوتنی جامی نەتەوەکانی ئەورووپا ١٩٦٠ سەرکەوت. ئیسپانیا ٧ – ٢ لە پۆڵەندای بردەوە و سەرکەوت بۆ قۆناغی چارەکی کۆتایی. ئیسپانیا لەقۆناغی چارەکی کۆتایی ڕووبەڕووی یەکێتی سۆڤیەت بوو بەڵام بەھۆی ناکۆکی لەنێوان دیکتاتۆری ئیسپانیا فرانکۆ و سۆڤیەتییەکانەوە ئیسپانیا ئامادەنەبوو ڕووبەڕووی یەکێتی سۆڤیەت ببێتەوە.

جامی جیھانی ١٩٨٢ لە ئیسپانیا[دەستکاری]

لە ١٩٧٦ ئیسپانیا دیاریکرا بۆ میوانداریکردنی جامی جیھانی فیفای ١٩٨٢. بۆ یەکەمجاریش بوو کە ٢٤ ھەڵبژاردە بەشداری بکەن لە جامی جیھانی. ھەموو پێشبینییەکان لەبەرژەوەندی ئیسپانیا بوون و ئەوکات ھەڵبژاردەی ئیسپانیا لەژێر ڕاھێنەرایەتی خۆزیە سانتاماریا بەشداری لەپاڵەوانیەتیەکە کرد و کەوتە کۆمەڵەی ٥ و بەرامبەر ھیندۆراس و یۆگسلاڤیا و ئێرلەندای باکوور یاری دەکرد لە قۆناغی کۆمەڵەکان و بە ئەنجامی گۆڵێک لەبەرامبەر ھیندۆراس بەرامبەربوون و ٢ – ١ بەسەر یۆگسلاڤیا سەرکەوت و ١ – ٠ لەبەرامبەر ئێرلەندای باکوور دۆڕا. بەم ئەنجامە سەرکەوت بۆ گەڕی دووەم لەبەرامبەر گڕووبی ٢ یاریکرد و لەبەرامبەر ئەڵمانیای ڕۆژاوا دۆڕا و لەگەڵ ئینگلتەرا بەرامبەر بوو، بەم ئەنجامەش ماڵئاوایی لەپاڵەوانیەتیەکە کرد و سانتاماریا وازی ھێنا.

١٩٨٤ بۆ ١٩٨٨[دەستکاری]

ئیسپانیا لەژێر ڕاھێنەری یانەی ریاڵ مەدرید میشێل مونۆز کارەکانی بەڕێوە دەچوو، بەشێوەیەکی کاتی لەساڵی ١٩٦٩ مەشقی بەھەڵبژاردەکە کردبوو. لە پاڵاوتنی یۆرۆی ١٩٨٤ لەگەڵ ھۆڵەندا و ئێرلەندا و ئایسلاند لەکۆمەڵەی ٧ بوون، بۆ دەرکردنی ھۆڵەندا لەیەکەمی گرووپەکەی پێویست بوو کەمتر لە ١١ گۆڵ لەبەرامبەر ماڵتا تۆمار بکات، و گێمی یەکەم ٣ – ١ براوە بوو و لەگێمی دووەمدا توانی ٩ گۆڵ تۆمار بکات و بەمەش گەیشتە خەونەکەی و ١٢ – ١ کۆتایی بەیارییەکە ھات و بوو بەیەکەمی گرووپەکەی. و لەکاتی پاڵەوانیەتیەکە لەگەڵ ڕۆمانیا و پورتوگال و ئەڵمانیای ڕۆژاوا لەکۆمەڵەی ٢ بوون. لە دوو یاری سەرەتادا ١ – ١ بەرامبەربوو و دوای سەرکەوتنی بەسەر ئەڵمانیای ڕۆژاوا بە ئەنجامی ١ – ٠ لەپێشەنگی گرووپەکەی مایەوە. لەیارییەکانی پێش کۆتایی ئیسپانیا دانیمارکی بینی و ١ – ١ بەرامبەربوون لەدوای کاتی زیادکراویش و ئیسپانیا ٥ – ٤ لەلێدانی یەکلاکەرەوە سەرکەوتوو بوو. لەیاری کۆتاییدا فەڕەنسا لەگێمی یەکەمدا ٢ – ٠ ئیسپانیای شکاند.
ھەڵبژاردەی تۆپی پێی ئیسپانیا لە پاڵاوتنەکانی جامی جیھانی فیفای ١٩٨٦ لەگەڵ سکۆتلەندا و وێڵز و ئایسلەندا لەکۆمەڵەی ٧ بوون. لەسەرەتای کۆمەڵەکەدا بە دوو دۆڕان دەستی بەیاریکردن کرد بۆ بەڕازیل ١ – ٠، بەڵام لەبەرامبەر ئێرلەندای باکوور ٢ – ١ و لەبەرامبەر جەزائیر ٣ – ٠ سەرکەوت.
لەگەڕی دووەمدا ئیسپانیا سەرکەوت بەسەر دانیمارک بەئەنجامی ٥ – ١ و ئیملیۆ بوترەیگینۆ چوار گۆڵی تۆمارکرد. بەڵام لەیارییەکانی چارەکی کۆتایی ئیسپانیا لەگەڵ بەلجیکا ١ – ١ بەرامبەربوو و بەلجیکا ٥ – ٤ لەلێدانی یەکلاکەرەوە سەرکەوت.
مونۆز ڕاھێنەرایەتی ھەڵبژاردەکەی کرد بۆ یۆرۆی ١٩٨٨. ئیسپانیا و نەمسا و ڕۆمانیا و ئەلبانیا لەکۆمەڵەیەک بوون. ئیسپانیا ٣ – ٢ بەسەر دانیمارک سەرکەوت و ٢ – ٠ لەبەرامبەر ئیتاڵیا و ١ – ٠ لەبەرامبەر ئەڵمانیای ڕۆژاوا دۆڕا.

١٩٩٠ بۆ ١٩٩٢[دەستکاری]

بۆ جامی جیھانی فیفای ١٩٩٠ی ئیتاڵیا، ھەڵبژاردەی تۆپی پێی ئیسپانیا لەژێر ڕاھێنەرایەتی لویس سوارێز بوو. ئیسپانیا لەکۆمەڵەیەکدا بوو لەگەڵ ئێرلەندا و ھەنگاریا و ئێرلەندای باکوور و ماڵتا لەپاڵاوتندا، لە کۆتاییەکانی پاڵەوانیەتیەکە لەکۆمەڵەی پێنجەم بوو لەگەڵ ئۆرۆگوای و کۆریای باشوور و بەلجیکادا، لەبەرامبەر ئۆرۆگوایدا ٠ – ٠ تووشی بەرامبەربوونێکی نەرێنی بوو، بەڵام لەبەرامبەر کۆریای باشوور ٣ – ١ و بەلجیکا ٢ – ١ سەرکەوت، بەڵام لەگەڕی دووەمدا لەبەرامبەر یۆگسلاڤیا ٢ – ١ دۆڕا.
ڤیسنیتی میرا ڕاھێنەرایەتی ئیسپانیای کرد بۆ یۆرۆی ١٩٩٢، ئیسپانیا بەلێھاتوویی کۆتایی ھێنا بە یۆرۆی ١٩٩٢ بەگرتنی پلەی سێیەم لەداوی فەڕەنسا چیکۆسلۆڤاکیا. میرا مەدالیای ئاڵتوونی بۆ ئیسپانیا بەدەست خست لەیارییەکانی ئۆڵۆمپی ١٩٩٢ی بەرشلۆنە.

سەردەمی کلێمینت لە ١٩٩٢ بۆ ١٩٩٨[دەستکاری]

جاڤیار کلێمینت ڕاھێنەرایەتی ئیسپانیای کرد لەساڵی ١٩٩٢، بەلێھاتوویی بەشداری لەجامی جیھانی فیفای ١٩٩٤ کرد و لەکۆی ١٢ یارییدا ٨ بردنەوەی لەبەرامبەر دۆڕانێک بەدەستھێنا. لەپاڵەوانیەتیەکەدا لەکۆمەڵەی سێیەم بوو، لەبەرامبەر کۆماری کۆریا ٢ – ٢ و ئەڵمانیا ١ – ١ بەرامبەربوو، دواتر ٣ – ١ بەسەر بۆلیڤیا سەرکەوت. ئیسپانیا لەگەڕی دووەمدا بەسەر سویسرا بەئەنجامی ٣ – ٠ سەرکەوت، لەچارەکی کۆتاییدا لەبەرامبەر ئیتاڵیا ٢ – ١ شکستی ھێنا.
ئیسپانیا بۆ پاڵاوتنی یۆرۆی ١٩٩٦ بەشداریکرد و لەگەڵ دانیمارک و بەلجیکا و قوبرس و مەقدۆنیا ئەرمینیا لەکۆمەڵەیەک بوون. لەکاتی پاڵەوانیەتیەکە ئیسپانیا لەگەڵ بولگاریا و فەڕەنسا و ڕۆمانیا لەکۆمەڵەیەک بوون. لە دوو یاری سەرەتادا ١ – ١ بەرامبەربوو، بەڵام ٢ – ١ بەسەر ڕۆمانیا سەرکەوت و جێگای خۆی لەقۆناغی چارەکی کۆتایی جێگیر کرد. لەبەرامبەر ئینگلتەرا شکستی ھێنا بەئەنجامی ٤ – ٢ و ماڵئاوایی کرد.
ھەروەھا لەجامی جیھانی فیفای ١٩٩٨ ڕاھێنەرایەتی ھەڵبژاردەی ئیسپانیای کردووە. ئیسپانیا لەقۆناغی پاڵاوتندا لەبەرامبەر یۆگسلاڤیا و چیک نەدۆڕاوە و سەرکەوت بۆ پاڵەوانیەتیەکە. ئیسپانیا بەھاوشانی ١٦ ھەڵبژاردەی ئەوروپی بەشدارییان لەپاڵەوانیەتیەکە کرد و بۆیەکەمجاریش بوو کە ٣٢ ھەڵبژاردە بەشداری جامی جیھانی بکەن. لەکۆمەڵەیەکدا بوو کە پێکھاتبوو لە نایجیریا و پاراگوای و بولگاریا. لەبەرامبەر نایجیریا دۆڕا و لەبەرامبەر پاراگوای بەرامبەربوو و لەبەرامبەر بولگاریا سەرکەوت.

جامی نەتەوەکانی ئەورووپا ٢٠٠٠[دەستکاری]

دوای دۆڕانی ئیسپانیا لەبەرامبەر قوبرس ٣ – ٢ لەقۆناغی پاڵاوتنی یۆرۆی ٢٠٠٠، کلێمینت دەستی لەکارکێشایەوە، پۆستی ڕاھێنەرایەتی درا بە خۆزیە ئەنتۆنیۆ کەماشۆ. ئیسپانیا لەقۆناغی پاڵاوتن سەرکەوت و لە کۆمەڵەی سێیەمدا یاریدەکرد. لەبەرامبەر نەرویج ١ – ٠ دۆڕا و بەسەر سلۆڤینیا ٢ – ١ و یۆگسلاڤیا ٤ – ٣ سەرکەوت. لەقۆناغی چارەکی کۆتایی ڕووبەڕووی پاڵەوانی جامی جیھانی فیفای ١٩٩٨ بووە و فەڕەنسا ٢ – ١ سەرکەوت.

جامی جیھانی فیفای ٢٠٠٢[دەستکاری]

لەپاڵاوتنی جامی جیھانی فیفای ٢٠٠٢ لەکۆمەڵەیەکدا بوو کەپێکھاتبوو لە نەمسا و ئیسرائیل و بۆسنەو ھەرسک و لێختنشتاین. لەپاڵەوانیەتیەکە ئیسپانیا لەکۆمەڵەی دووەمدا بوو و ھەر سێ یارییەکەی لەبەرژەوەندی خۆی کۆتایی پێھێنا، لەبەرامبەر سلۆڤینیا و پاراگوای ٣ – ١ و لەبەرامبەر ئەفریقای باشوور ٣ – ٢ سەرکەوت. لەگەڕی دووەمدا ئیسپانیا ڕووبەڕووی ئێرلەندا بووە و ئەنجامی یاری ١ – ١ کۆتایی ھات بەکاتی زیادکراویشە و لەلێدانی یەکلاکەرەوەدا ٣ – ٢ لەبەرژەوەندی لاڕۆخا کۆتایی ھات. لەچارەکی کۆتاییدا ئیسپانیا ڕووبەڕووی کۆماری کۆریا بووە و لەلێدانی یەکلاکەرەوە ٣ – ٢ شکستی ھێنا.

جامی نەتەوەکانی ئەورووپا ٢٠٠٤[دەستکاری]

لەیۆرۆی ٢٠٠٤ی پورتوگالدا ئیسپانیا لەکۆمەڵەی یەکەمدا لەگەڵ پورتوگال و ڕووسیا و یۆنان بوو. ڕووسیای شکاند بەئەنجامی ١ – ٠ و لەگەڵ یۆنان بەرامبەربوو بە ئەنجامی ١ – ١ و لەبەرامبەربوون لەگەڵ پورتوگال شکستی ھێنا و دەرچوو لەپاڵەوانیەتیەکە. ئیناکی سایزی ڕاھێنەری وازی لەڕاھێنەرایەتی ھێنا و لویس ئەراگۆنێس جێگای گرتەوە.

جامی جیھانی فیفای ٢٠٠٦[دەستکاری]

ئیسپانیا لەکۆمەڵەی حەوتەمی قۆناغی پاڵاوتنی پاڵەوانیەتیەکە بوو کەپێکھاتبوو لە بۆسنەو ھەرسک و بەلجیکا و لیتوانیا و سان مارینۆ. ئیسپانیا سەرکەوت بۆ پاڵەوانیەتیەکە و لەکۆمەڵەی ھەشتەم لەگەڵ ئۆکرانیا و تونس و سعودیە لەکۆمەڵەیەک بوون، ئیسپانیا لەقۆناغی کۆمەڵەکان ٩ خاڵی بەدەستھێنا و سەرکەوتنی لەبەرامبەر ئۆکرانیا ٤ – ٠ و تونس ٣ – ١ و سعودیە ١ – ٠ و بۆ قۆناغی دواتر سەرکەوت.
لەگەڕی دووەمدا ئیسپانیا ڕووبەڕووی فەڕەنسا بووە و شکستی ھێنا بەئەنجامی ٣ – ١ و خەڵاتی پاکترین یاریکردنی لەجامی جیھانی فیفای ٢٠٠٦ وەرگرت.

جامی نەتەوەکانی ئەوروپا ٢٠٠٨[دەستکاری]

پێکھاتەی ئیسپانیا بۆ یاری کۆتایی یۆرۆی ٢٠٠٨.

لەپاڵاوتنی یۆرۆی ٢٠٠٨دا ئیسپانیا لەکۆمەڵەی شەشەم بوو لەگەڵ سوید و ئیرلەندای باکوور و لاتیڤیا و ئایسلەندا و لیشتنشتاین. ئیسپانیا لەبەرامبەر لیشتنشتاین سەرکەوتنێکی تۆمارکرد و لەبەرامبەر ئێرلەندای باکوور و سوید شکا و بەو ھۆیەوە ئاراگۆنێسی ڕاھێنەر رائولی لەپێکھاتەکە دوور خستەوە و دووبارە بە ئەنجامی ٢ – ١ بەسەر دانیمارک سەرکەوت و چوونە نێو پاڵەوانیەتیەکەی مسۆگەر کرد.
ئیسپانیا کەوتە دواکۆمەڵەی پاڵەوانیەتیەکە لەگەڵ سوید و یۆنان و ڕووسیا بوو.
لەیەکەم یاریدا ڕووبەڕووی ڕووسیا بووە و سەرکەوتنی تۆمارکرد بەئەنجامی ٤ – ١ و داڤید ڤیا باشترین یاریزانی یارییەکە بوو. لەبەرامبەر سویدیش سەرکەوتنی تۆمارکرد بەئەنجامی ٢ – ١ و بۆ دووەمجاریش ڤیا بوو بە باشترین یاریزانی یارییەکە. ئاراگۆنێسی ڕاھێنەر بڕیاریدا بە پێکھاتەی یەدەگ بەشداری یارییەکەی بەرامبەر یۆنان بکات و ٢ – ١ سەرکەوت بەسەر یۆناندا چابی ئالۆنسۆ باشترین یاریزانی یارییەکە بوو.
لەقۆناغی چارەکی کۆتاییدا ئیسپانیا ڕووبەڕووی پاڵەوانی جیھان ئیتاڵیا بووە و لەکاتی ئاسایی و زیادکراودا بەبێ گۆڵ کۆتایی ھات. لەلێدانی یەکلاکەرەوەدا ٤ – ٢ ئیسپانیا سەرکەوتنی تۆمارکرد و ئیکەر کاسیاس باشترین یاریزان بوو.
لەیارییەکانی پێش کۆتاییدا دووبارە ئیسپانیا ڕووبەڕووی ڕووسیا بووە و سەرکەوتنی مسۆگەر کرد بەئەنجامی ٣ گۆڵی بێ بەرامبەر و ئەندرێس ئینێستا باشترین یاریزان بوو.
لە ٢٩ی حوزەیرانی ٢٠٠٨دا ئیسپانیا ڕووبەڕووی ھەڵبژاردەی تۆپی پێی ئەڵمانیا بووە و بەگۆڵەکانی فێرناندۆ تۆرێس لە خوولەکی ٣٣دا ئیسپانیا بوو بە پاڵەوانی ئەورووپا و بۆ دووەمجار جامی نەتەوەکانی ئەوروپای بەرزکردەوە لەدوای ٤٤ ساڵ لەبەدەستھێنانی جامی نەتەوەکانی ئەورووپا ١٩٦٤.
ئیسپانیا ١٢ گۆڵی تۆمارکرد و داڤید ڤیاش بوو بەباشترین یاریزانی پاڵەوانیەتیەکە و ٩ یاریزانی ئیسپانی ناویان لەپێکھاتەی نموونەیی پاڵەوانیەتیەکە ھەبووە.

جامی کیشوەرەکان ٢٠٠٩[دەستکاری]

دوای سەرکەوتنی لەیۆرۆی ٢٠٠٨دا لویس ئاراگۆنێس ڕاھێنەرایەتی ھەڵبژاردەی تۆپی پێی ئیسپانیا جێھێشت و ڤیسینتی دێل بۆسکی جێگای گرتەوە.
ئیسپانیا لە جامی کیشوەرەکان ٢٠٠٩ بەشداریکرد و لەھەر سێ یارییەکەیدا سەرکەوت. لەبەرامبەر نیوزلەندا بە ٥ و عێراق بە ١ و ئەفریقای باشوور بە ٢ گۆڵی بێبەرامبەر سەرکەوت.
لەیارییەکانی پێش کۆتاییدا ئیسپانیا لەبەرمبەر ویلایەتە یەکگرتووەکان بە ٢ گۆڵی بێبەرامبەر شکستی ھێنا و ئەمە یەکەم شکانی ئیسپانیا بوو لە ٢٠٠٦ەوە. بۆ دیاریکردنی پلەی سێیەم ئیسپانیا ئەفریقای باشووری بینیەوە و ٣ – ٢ سەرکەوتنی بەسەریدا تۆمارکرد و پلەی سێیەمی پاڵەوانیەتیەکەی گرتەوە.

جامی جیھانی فیفای ٢٠١٠[دەستکاری]

ئیسپانیا لە کۆمەڵەی ھەشتەمی جامی جیھانی فیفای ٢٠١٠ بوو لەگەڵ سویسرا و ھیندۆڕاس و چیللی بوو. لەبەرامبەر سویسرا شکستی ھێنا بە گۆڵێکی بێبەرامبەر. لەبەرامبەر ھیندۆڕاسدا بە ٢ گۆڵی داڤید ڤیا و بەبێ وەڵام ئیسپانیا سەرکەوت. لەبەرامبەر چیللی ٢ – ١ سەرکەوت.
لەیارییەکانی گەڕی ١٦ھەمدا ئیسپانیا و پورتوگال بەیەکگەیشتن و پورتوگالی بە گۆڵێکی بێبەرامبەر شکاند.
لەچارەکی کۆتاییدا بەپاراگوای گەیشت و بەگۆڵێکی بێبەرامبەر شکاندی.
لەیاری پێش کۆتاییدا بە ئەڵمانیای پاڵێوراوی یەکەم بۆ بەدەستھێنانی جامی جیھانی فیفای ٢٠١٠ بەیەکگەیشتن بە گۆڵێکی پویۆڵ و بەبێ وەڵام گەیشتە یاری کۆتایی.
ھۆڵەندای لەیاری کۆتایی بینی و بەگۆڵێکی ئینێستا و بەبێ وەڵام سەرکەوت و بوو بە پاڵەوانی جیھان.

جامی نەتەوەکانی ئەورووپا ٢٠١٢[دەستکاری]

ئیسپانیا لەکۆمەڵەی سێیەمی یۆرۆی ٢٠١٢دا بوو لەگەڵ ئیتاڵیا و ئێرلەندا و کرواتیا بوو. لەبەرامبەر ئیتاڵیا ١ – ١ بەرامبەر بوو. لەبەرامبەر ئێرلەندا ٤ – ٠ سەرکەوت. لەبەرامبەر کرواتیا ٢ – ٠ سەرکەوت. لەقۆناغی چارەکی کۆتایی لەبەرامبەر فەڕەنسا ١ – ٠ سەرکەوت. لەقۆناغی پێش کۆتایی بە پورتوگال گەیشت و لەکاتی ئاسایی و زیادکراو بەبێ گۆڵ بەرامبەر بوون و لەلێدانی یەکلاکەرەوەدا ئیسپانیا ٤ – ٢ سەرکەوت. لەیاری کۆتاییدا ئیتاڵیای پێگەیشت و بەگۆڵەکانی داڤید سیلڤا و جۆردی ئالبا و فێرناندۆ تۆرێس و خوان ماتا و بەبێ وەڵام بوو بە پاڵەوانی ئەورووپا.
کاسیاس باشترین گۆڵچی بوو و تۆرێس بە ٣ گۆڵ بوو بە گۆڵکار و ئینێستا باشترین یاریزان بووە.

جامی جیھانی ٢٠١٤[دەستکاری]

لەقۆناغی پاڵاوتنی کیشوەری ئەورووپا بۆ جامی جیھانی ٢٠١٤ی بەرازیل، ئیسپانیا لەکۆمەڵەی ٩ دایە و لەگەڵ فەڕەنسا و بیلاڕووس و جۆرجیا و فینلەندا ململانێ دەکات.

پێکھاتەی ھەڵبژاردە[دەستکاری]

پێکھاتەی ئێستای ھەڵبژاردەکە لەژێر ڕاھێنەرایەتی دیل بۆسکی دا.

گۆڵچی ١ ئیکەر کاسیاس (کاپتن)
گۆڵچی ١٢ ڤیکتۆر ڤاڵدیز
گۆڵچی ٢٣ پیپی ڕینا
بەرگریکار ٢ رائول ئەلبیۆل
بەرگریکار ٣ جیراد پیکی
بەرگریکار ٤ خاڤی مارتینێز
بەرگریکار ٥ خوانفران
بەرگریکار ١٥ سێرجیۆ ڕامۆس
بەرگریکار ١٧ ئالڤارۆ ئەربیلوا
بەرگریکار ١٨ جۆردی ئالبا
ناوەڕاست ٦ ئەندرێس ئینێستا
ناوەڕاست ٨ چاڤی ھێرناندێز
ناوەڕاست ١٠ سیسک فابریگاس
ناوەڕاست ١٣ خوان ماتا
ناوەڕاست ١٤ چابی ئالۆنسۆ
ناوەڕاست ١٦ سێرجیۆ بوسکێتس
ناوەڕاست ٢٠ سانتی کازۆرلا
ناوەڕاست ٢١ داڤید سیلڤا
ناوەڕاست ٢٢ خیسۆس ناڤاس
ھێرشبەر ٧ پیدرۆ ڕۆدریگێز
ھێرشبەر ٩ فێرناندۆ تۆرێس
ھێرشبەر ١١ ئەلڤارۆ نیگریدۆ
ھێرشبەر ١٩ فێررناندۆ لیۆرینتی

یاریزانەکان[دەستکاری]

دەستەی ئێستا[دەستکاری]

The following players were called up for the 2018 FIFA World Cup and preceding warm-up matches.[١][٢]
Caps and goals correct as of: 9 June 2018, after the match against Tunisia.

ژ. شوێن یاریزان ڕێکەوتی لەدایکبوون (تەمەن) جامەکان گۆڵەکان یانە
١ 1GK دەیڤد دی خیا (١٩٩٠-١١-0٧) ٧ی تشرینی دووەمی ١٩٩٠ (تەمەن ٢٧) ٢٩ ٠ ئینگلستان مەنچستەر یوونایتد
١٣ 1GK Kepa Arrizabalaga (١٩٩٤-١٠-0٣) ٣ی تشرینی یەکەمی ١٩٩٤ (تەمەن ٢٣) ١ ٠ ئیسپانیا Athletic Bilbao
٢٣ 1GK Pepe Reina (١٩٨٢-0٨-٣١) ٣١ی ئابی ١٩٨٢ (تەمەن ٣٥) ٣٦ ٠ ئیتالیا Napoli

٢ 2DF دانی کارڤاخال (١٩٩٢-0١-١١) ١١ی کانوونی دووەمی ١٩٩٢ (تەمەن ٢٦) ١٥ ٠ ئیسپانیا Real Madrid
٣ 2DF جیرارد پیکێ (١٩٨٧-0٢-0٢) ٢ی شوباتی ١٩٨٧ (تەمەن ٣١) ٩٨ ٥ ئیسپانیا Barcelona
٤ 2DF Nacho (١٩٩٠-0١-١٨) ١٨ی کانوونی دووەمی ١٩٩٠ (تەمەن ٢٨) ١٧ ٠ ئیسپانیا Real Madrid
١٢ 2DF Álvaro Odriozola (١٩٩٥-١٢-١٤) ١٤ی کانوونی یەکەمی ١٩٩٥ (تەمەن ٢٢) ٤ ١ ئیسپانیا Real Sociedad
١٤ 2DF César Azpilicueta (١٩٨٩-0٨-٢٨) ٢٨ی ئابی ١٩٨٩ (تەمەن ٢٨) ٢٢ ٠ ئینگلستان Chelsea
١٥ 2DF سێرجیۆ ڕامۆس (Captain) (١٩٨٦-0٣-٣٠) ٣٠ی ئازاری ١٩٨٦ (تەمەن ٣٢) ١٥٢ ١٣ ئیسپانیا Real Madrid
١٦ 2DF Nacho Monreal (١٩٨٦-0٢-٢٦) ٢٦ی شوباتی ١٩٨٦ (تەمەن ٣٢) ٢٢ ١ ئینگلستان Arsenal
١٨ 2DF Jordi Alba (١٩٨٩-0٣-٢١) ٢١ی ئازاری ١٩٨٩ (تەمەن ٢٩) ٦٢ ٨ ئیسپانیا Barcelona

٥ 3MF Sergio Busquets (١٩٨٨-0٧-١٦) ١٦ی تەممووزی ١٩٨٨ (تەمەن ٢٩) ١٠٣ ٢ ئیسپانیا Barcelona
٦ 3MF ئەندرێس ئینیێستا (Vice-captain) (١٩٨٤-0٥-١١) ١١ی ئایاری ١٩٨٤ (تەمەن ٣٤) ١٢٧ ١٤ ژاپۆن Vissel Kobe
٧ 3MF Saúl (١٩٩٤-١١-٢١) ٢١ی تشرینی دووەمی ١٩٩٤ (تەمەن ٢٣) ١٠ ٠ ئیسپانیا Atlético Madrid
٨ 3MF Koke (١٩٩٢-0١-0٨) ٨ی کانوونی دووەمی ١٩٩٢ (تەمەن ٢٦) ٤٠ ٠ ئیسپانیا Atlético Madrid
١٠ 3MF Thiago (١٩٩١-0٤-١١) ١١ی نیسانی ١٩٩١ (تەمەن ٢٧) ٢٩ ٢ ئاڵمانیا Bayern Munich
١١ 3MF Lucas Vázquez (١٩٩١-0٧-0١) ١ی تەممووزی ١٩٩١ (تەمەن ٢٦) ٧ ٠ ئیسپانیا Real Madrid
٢٠ 3MF ماڕکۆ ئاسینسۆ (١٩٩٦-0١-٢١) ٢١ی کانوونی دووەمی ١٩٩٦ (تەمەن ٢٢) ١٢ ٠ ئیسپانیا Real Madrid
٢١ 3MF داڤید سیلڤا (١٩٨٦-0١-0٨) ٨ی کانوونی دووەمی ١٩٨٦ (تەمەن ٣٢) ١٢١ ٣٥ ئینگلستان Manchester City
٢٢ 3MF ئیسکۆ (١٩٩٢-0٤-٢١) ٢١ی نیسانی ١٩٩٢ (تەمەن ٢٦) ٢٨ ١٠ ئیسپانیا Real Madrid

٩ 4FW Rodrigo (١٩٩١-0٣-0٦) ٦ی ئازاری ١٩٩١ (تەمەن ٢٧) ٦ ٢ ئیسپانیا Valencia
١٧ 4FW Iago Aspas (١٩٨٧-0٨-0١) ١ی ئابی ١٩٨٧ (تەمەن ٣٠) ١٠ ٥ ئیسپانیا Celta
١٩ 4FW Diego Costa (١٩٨٨-١٠-0٧) ٧ی تشرینی یەکەمی ١٩٨٨ (تەمەن ٢٩) ٢٠ ٧ ئیسپانیا Atlético Madrid

Recent call-ups[دەستکاری]

The following players have been called up for the team in the last twelve months.

شوێن یاریزان ڕێکەوتی لەدایکبوون (تەمەن) جامەکان گۆڵەکان یانە Latest call-up
DF Unai Núñez (١٩٩٧-0١-٣٠) ٣٠ی کانوونی دووەمی ١٩٩٧ (تەمەن ٢١) ٠ ٠ ئیسپانیا Athletic Bilbao 2018 FIFA World Cup PRE
DF Jesús Vallejo (١٩٩٧-0١-0٥) ٥ی کانوونی دووەمی ١٩٩٧ (تەمەن ٢١) ٠ ٠ ئیسپانیا Real Madrid 2018 FIFA World Cup PRE
DF Yeray (١٩٩٥-0١-٢٤) ٢٤ی کانوونی دووەمی ١٩٩٥ (تەمەن ٢٣) ٠ ٠ ئیسپانیا Athletic Bilbao 2018 FIFA World Cup PRE
DF Marcos Alonso (١٩٩٠-١٢-٢٨) ٢٨ی کانوونی یەکەمی ١٩٩٠ (تەمەن ٢٧) ١ ٠ ئینگلستان Chelsea v.  ئەرجەنتین, 27 March 2018
DF Marc Bartra (١٩٩١-0١-١٥) ١٥ی کانوونی دووەمی ١٩٩١ (تەمەن ٢٧) ١٣ ٠ ئیسپانیا Betis v.  ڕووسیا, 14 November 2017
DF Alberto Moreno (١٩٩٢-0٧-0٥) ٥ی تەممووزی ١٩٩٢ (تەمەن ٢٥) ٤ ٠ ئینگلستان Liverpool v.  ڕووسیا, 14 November 2017

MF Mikel Oyarzabal (١٩٩٧-0٤-٢١) ٢١ی نیسانی ١٩٩٧ (تەمەن ٢١) ١ ٠ ئیسپانیا Real Sociedad 2018 FIFA World Cup PRE
MF Rodri (١٩٩٦-0٦-٢٢) ٢٢ی حوزەیرانی ١٩٩٦ (تەمەن ٢١) ١ ٠ ئیسپانیا Villarreal 2018 FIFA World Cup PRE
MF Carlos Soler (١٩٩٧-0١-0٢) ٢ی کانوونی دووەمی ١٩٩٧ (تەمەن ٢١) ٠ ٠ ئیسپانیا Valencia 2018 FIFA World Cup PRE
MF Dani Parejo (١٩٨٩-0٤-١٦) ١٦ی نیسانی ١٩٨٩ (تەمەن ٢٩) ١ ٠ ئیسپانیا Valencia v.  ئەرجەنتین, 27 March 2018
MF Asier Illarramendi (١٩٩٠-0٣-0٨) ٨ی ئازاری ١٩٩٠ (تەمەن ٢٨) ٣ ١ ئیسپانیا Real Sociedad v.  ڕووسیا, 14 November 2017
MF Suso (١٩٩٣-١١-١٩) ١٩ی تشرینی دووەمی ١٩٩٣ (تەمەن ٢٤) ١ ٠ ئیتالیا Milan v.  ڕووسیا, 14 November 2017
MF Luis Alberto (١٩٩٢-0٩-٢٨) ٢٨ی ئەیلوولی ١٩٩٢ (تەمەن ٢٥) ١ ٠ ئیتالیا Lazio v.  ڕووسیا, 14 November 2017
MF Jonathan Viera (١٩٨٩-١٠-٢١) ٢١ی تشرینی یەکەمی ١٩٨٩ (تەمەن ٢٨) ١ ٠ کۆماری گەلی چین Beijing Sinobo Guoan v.  ئیسرائیل, 9 October 2017

FW Iñaki Williams (١٩٩٤-0٦-١٥) ١٥ی حوزەیرانی ١٩٩٤ (تەمەن ٢٤) ١ ٠ ئیسپانیا Athletic Bilbao 2018 FIFA World Cup PRE
FW Álvaro Morata (١٩٩٢-١٠-٢٣) ٢٣ی تشرینی یەکەمی ١٩٩٢ (تەمەن ٢٥) ٢٣ ١٣ ئینگلستان Chelsea v.  ڕووسیا, 14 November 2017
FW Vitolo (١٩٨٩-١١-0٢) ٢ی تشرینی دووەمی ١٩٨٩ (تەمەن ٢٨) ١٢ ٤ ئیسپانیا Atlético Madrid v.  ڕووسیا, 14 November 2017
FW José Callejón (١٩٨٧-0٢-١١) ١١ی شوباتی ١٩٨٧ (تەمەن ٣١) ٥ ٠ ئیتالیا Napoli v.  ڕووسیا, 14 November 2017
FW Pedro (١٩٨٧-0٧-٢٨) ٢٨ی تەممووزی ١٩٨٧ (تەمەن ٣٠) ٦٥ ١٧ ئینگلستان Chelsea v.  ئیسرائیل, 9 October 2017
FW Aritz Aduriz (١٩٨١-0٢-١١) ١١ی شوباتی ١٩٨١ (تەمەن ٣٧) ١٣ ٢ ئیسپانیا Athletic Bilbao v.  ئیسرائیل, 9 October 2017
FW Gerard Deulofeu (١٩٩٤-0٣-١٣) ١٣ی ئازاری ١٩٩٤ (تەمەن ٢٤) ٤ ١ ئینگلستان Watford v.  لیختنشتاین, 5 September 2017
FW David Villa (١٩٨١-١٢-0٣) ٣ی کانوونی یەکەمی ١٩٨١ (تەمەن ٣٦) ٩٨ ٥٩ ویلایەتە یەکگرتووەکان New York City v.  ئیتالیا, 2 September 2017

INJ Player withdrew from the squad due to an injury.
PRE Preliminary squad.
SUS Player is serving suspension.

دەستەی پێشوو[دەستکاری]

World Cup
European Football Championship
Confederations Cup

تۆماری کێبڕکێ[دەستکاری]

ڕووبەڕووبوونەوە[دەستکاری]

ئەنجامی یارییەکان[دەستکاری]

تۆماری جامی جیھانی فیفا[دەستکاری]

تۆماری جامی نەتەوەکانی ئەورووپا[دەستکاری]

یارییەکانی ئۆڵۆمپیاد[دەستکاری]

تۆماری جامی کیشوەرەکانی فیفا[دەستکاری]

پێشانگا[دەستکاری]

سەرچاوەکان[دەستکاری]

  • ویکیپیدیای ئینگلیزی.
  • ویکیپیدیای عەرەبی.
  1. ^ "Estos son #Nuestros23 para el Mundial de Rusia". www.sefutbol.com. 
  2. ^ "OFICIAL – Relación de jugadores que completan la fase de preparación de la selección". www.sefutbol.com.