جامی جیھانیی فیفای ٢٠٠٦

جامی جیھانی فیفای ٢٠٠٦
وردەکارییەکانی خول
وڵاتی خانەخوێ	ئەڵمانیا
ڕۆژانی بەڕێوەچوون	٩ـی حوزەیران - ٩ـی تەممووز
ژمارەی بەشداربووان	٣٢ (لە ٦ کۆنفێدراسیۆن)
ژمارەی یاریگا	١٢ (لە ١٢ شاری خانەخوێ)
پلەکانی کۆتایی
قارەمانەکان	ئیتاڵیا (جاری چوارەم)
پلەی دووەم	فەڕەنسا
پلەی سێیەم	ئەڵمانیا
پلەی چوارەم	پورتوگال
ئامارەکانی خول
ژمارەی یارییەکان	٦٤
باشترین گۆڵکەر(ان)	میرۆسلاڤ کلۆزە ٥ گۆڵ
باشترین یاریکەر	زەیندەین زیدان
	٢٠٠٢ → ٢٠١٠ ←

جامی جیھانیی فیفای ٢٠٠٦ پاڵەوانیەتی ژمارە ھەژدەیەمە لە جامی جیھانیی فیفایە کە لەوڵاتی ئەڵمانیا بەڕێوەچوو، کە لە تەممووزی ٢٠٠٠ مافی خاوەندارێتی جامی جیھانی ٢٠٠٦ـی پێ بەخشرا. بۆ جاری دووەم بوو کە وڵاتی ئەڵمانیا ببێتە خانەخوێ، وە جاری دەیەم بوو لە ئەورووپا بەڕیوەبچێت. ماوەی پاڵەوانیەتییەکە ٩ی حوزەیران تاکوو ٩ی تەممووز ی ٢٠٠٦ ی خایاند، تێیدا ٣٢ ھەڵبژاردەی نیشتیمانی بەشدارییان تێداکردبوو، تێیدا ھەڵبژاردەی تۆپی پێی ئیتالیا بووە پاڵەوانی پاڵەوانییەتییەکە دوای بردنەوە بەئەنجامی ١–١ (ئینجا بەلێدانی لێدانی سزا ٥–٣) بەرامبەر ھەڵبژاردەی تۆپی پێی فەڕەنسا، لەم پاڵەوانییەتییە لەکۆی ٦٤ یاری ١٤٧ جار گۆڵ ھەژێنراوە وە یاریکەری ئاڵمانی میرۆسلاڤ کلۆزە بەتۆمارکردنی پێنج بوو بە گۆڵکاری خوولەکە وە ھەروەھا یاریکەری فەڕەنسایی زینەدین زیدان بووە باشترین یاریکەری پاڵەوانیەتییەکە.

جامی جیھانیی ٢٠٠٦ یەکێک بوو لە پڕ بینەرترین مۆندیالەکان کە لە شاشەکانی تەلەڤیزیۆنە بینرابێت. کە ٢٦٫٢٩ میلیارد جار سەیرکراوە، و تەنھا یاری کۆتایی ٧١٥٫١ میلیۆن بینەری ھەبووە.

دیاری کردنی خانەخوێ[دەستکاری]

دەنگدان بۆ دیاریکردنی وڵاتی خانەخوێی جامی جیھانی ٢٠٠٦ لە تەممووزی ساڵی ٢٠٠٠ ئەنجامدرا لە شاری زوریخ لە سویسرا.

بەڕازیل سی ڕۆژ بەر لە کیبڕکیکە کشایەوە. دواتر ھەریەک لە وڵاتانی ئەڵمانیا، ئەفریقای باشوور، ئینگلتەرا، و مەغریب کێبڕکێکیان لەسەر بە دەستھێنانی مافی میوانداری جامی جیھانی ٢٠٠٦ دەکرد.

کێبڕکێکە بە سێ خول بەڕێوە چوو، لە ھەر خوولێکدا کەمترین دەنگ دەکرایە دەرەوە.

لە کۆتا خولدا، ئەڵمانیا سەرکەوت بەسەر ئەفریقای باشووردا و مافی میوانداری جامی جیھانی ٢٠٠٦ـی وەرگرت.


ئەنجامی دەنگدان
وڵاتەکان	خولی یەکەم	خولی دووەم	خوولی سێیەم
ئەڵمانیا	١٠	١١	١٢
ئەفریقای باشوور	٦	١١	١١
ئینگلتەرا	٥	٢	-
مەغریب	٣	-	-

بەشداربووان[دەستکاری]

ویلایەتە یەکگرتووەکان

پلەکانی پاڵەوانێتییەکە[دەستکاری]

پلەی یەکەم: ھەڵبژاردەی تۆپی پێی ئیتاڵیا

پلەی دووەم: ھەڵبژاردەی تۆپی پێی فەڕەنسا

پلەی سێیەم: ھەڵبژاردەی تۆپی پێی ئەڵمانیا

پلەی چوارەم: ھەڵبژاردەی تۆپی پێی پورتوگال


ناوی ھەڵبژاردە	پلەکەی لە جامی جیھانی ٢٠٠٦
ئیتاڵیا	یەکەم (پاڵەوان)
فەڕەنسا	دووەم
ئەڵمانیا	سێیەم
پورتوگال	چوارەم

گۆڵکارانی جامی جیھانیی ٢٠٠٦[دەستکاری]

ڕ=ڕیزبەند

ن. ی=ناوی یاریزان

ن. ھـ=ناوی ھەڵبژاردە

ژ. گ=ژمارەی گۆڵ

گۆڵکارانی جامی جیھانی ٢٠٠٦
ڕ	ن. ی	ن. ھـ	ژ. گ
١	میرۆسلاڤ کلۆزە	ئەڵمانیا	٥
٢	ھێنریک کریسپۆ	ئەرژەنتین	٣
٣	لوکاس پۆدۆلسکی	ئەڵمانیا	٣
٤	زەیندەین زێدان	فەڕەنسا	٣
٥	داڤید ڤییا	ئیسپانیا	٣