جامی جیھانیی فیفای ٢٠٢٢

لە ئینسایکڵۆپیدیای ئازادی ویکیپیدیاوە
جامی جیھانیی فیفای ٢٠٢٢
کأس العالم لکرة القدم ٢٠٢٢
جامی جیھانیی فیفای ٢٠٢٢
وردەکارییەکانی خول
وڵاتی خانەخوێ قەتەر
ڕۆژانی بەڕێوەچوون٢٠ی تشرینی دووەم – ١٨ی کانوونی یەکەم
ژمارەی بەشداربووان٣٢ (لە ٥ کۆنفێدراسیۆن)
ژمارەی یاریگا٨ (لە ٥ شاری خانەخوێ)
٢٠١٨ →

جامی جیھانیی فیفای ٢٠٢٢ بیست و دووەمین پاڵەوانییەتییە لە جامی جیھانیی فیفا کە وڵاتی قەتەر بۆ یەکەم جار میوانداری دەکات. ھەروەھا بۆ یەکەم جار لە ڕۆژھەڵاتی ناوەڕاست و دووەم جار لە ئاسیادا دەبێت کە وڵاتێک جامی جیھانی میوانداری دەکات. قەتەر لە ساڵی ٢٠١٠ مافی بەشداریکردنی جامی جیھانی ٢٠٢٢ پێ بەخشرا.[١]پاڵەوانییەتییەکە لە ٢٠ی تشرینی دووەم تاکوو ١٨ی کانوونی یەکەم بەڕێوە دەچێت.[٢]

ئەمە حەوتەمین و کۆتا خولی جامی جیھانییە کە ٣٢ ھەڵبژاردە بەشداری دەکات (ئەمەش لە مۆندیالی ١٩٩٨ەوە بووە). لە ساڵی ٢٠١٨ فیفا فراوانکردنی پاڵەوانێتییەکە لەبەرچاو گرت بۆ ئەوەی ٤٨ ھەڵبژاردە لە خولەکە بەشدار بن (کە ئەم بڕیارە لە جامی جیھانی ٢٠٢٦ جێبەجێ دەکات)،[٣] لەگەڵ ئەوەشدا لە ٢٢ی ئایاری ٢٠١٩ ئەم بیرۆکەیە بەچەند ھۆکار وازی لێ ھێنرا کە گرنگترینیان ئەوەبوو لێژنەی ڕێکخەر سەرەتا پلانی دانابوو بۆ ٣٢ ھەڵبژاردە لەخۆبگرێت نەک ٤٨ لەم خولەی جامی جیھانی، بۆیە جێبەجێ کردنی ئەم پلانە بۆ جامی جیھانی ٢٠٢٦ دواخرا کە لە ئەمریکا و مەکسیک و کەنەدا بەڕێوەدەچێت.[٤] بەھۆی بەرزی پلەکانی گەرمی ھاوین لە قەتەر، ئەمجارەیان جامی جیھانی لە کۆتایی مانگی تشرینی دووەم تا ناوەڕاستی مانگی کانوونی دووەم بەڕێوەدەچێت، بەمەش یەکەم پاڵەوانێتییە کە لە مانگەکانی ئایار، حوزەیران یان تەممووز بەڕێوە ناچێت. بڕیارە یاری کۆتایی لە ١٨ی کانوونی دووەمی ٢٠٢٢ کە ڕۆژی نیشتمانی قەتەرە بەڕێوەبچێت.[٥]

لە مانگی ئایاری ٢٠١١دا گومان لە بوونی گەندەڵی بڕیاری لێژنەی باڵای فیفا بۆ ھەڵبژاردنی شاری میواندار دروست بوو. پرسیار لەسەر یاسایی بوونی ڕێکخستنی جامی جیھانی فیفای٢٠٢٢ لەلایەن قەتەر وروژاند، بەگوتەی جاک وارنەر، ئیمەیڵێک بڵاوکرایەوە دەربارەی ئەگەری کڕینی مافی ڕێکخستنی پاڵەوەنییەتییەکە لە قەتەر لە ڕێگەی بەرتیلەوە کە لەلایەن محەممەد بن حەمامەوە دابینکرابوو کە لەو کاتەدا سەرۆکی یەکێتی تۆپی پێی ئاسیا بووە. بەرپرسانی قەتەر لە شاندی مەلەفی کاندیدبوونی قەتەر ڕەتیانکردەوە کارێکی نایاسیان کردبێت. لەپاشاندا ئەو زانیاریانە دەرکەوت تەنھا تۆمەتێک بوون. دوای ئەوەی قەتەر مافی میوانداری کردنی پاڵەوانییەتییەکەی بەدەستھێنا، نیگەرانی سەبارەت بە کەش و ھەوای ئەو وڵاتە و دۆخی کاتی یارییەکان بڵاوبووەوە، بۆ ئەم مەبەستە بەرپرسانی ڕێکخستنی جامەکە چەندین ڕێگای چارەیان پێشنیار کرد کە یەکێکیان گۆرینی ڕێکەوتی بەڕێوەچوونی یارییەکان بوو، لەگەڵ دانان و جێگیرکردنی سیستەمی فێنکەرەوە لە یاریگاکان. پرسی مافی کرێکاران جێی سەرنجی میدیاکان بووە، بەدواداچوونێکی گاردیان بانگەشەی ئەوەی کردووە کە زۆرێک لە کرێکاران لە خواردن و ئاو بێبەش بوون، ناسنامەیان لێسەندراوەتەوە و لە کاتی خۆیدا حەقدەستیان وەرنەگرتووە. ڕۆژنامەی گاردیان مەزەندەی کردووە کە تا چوار ھەزار کرێکار بەھۆی خراپی یان نەبوونی ستانداردی سەلامەتی گیانیان لەدەستداوە لەکاتی کارکردن لە پڕۆژەکانی ڕێکخستنی جامەکە. جگە لەوەش، قەتەر ڕووبەڕووی ڕەخنەی توند بووەتەوە بەھۆی شێوازی مامەڵەکردنی لەگەڵ کرێکارانی بیانی کە لە ئامادەکارییەکانی جامەکە بەشدارن، ڕێکخراوی لێبوردنی نێودەوڵەتی ئاماژەی بە کاری زۆرەملێ کردووە و ڕای گەیاندووە کە سەدان یان ھەزاران کرێکاری کۆچبەر لە ئەنجامی پێشێلکارییەکانی مافی مرۆڤ، دۆخی کرێکارانی خراپترکردووە، ڕۆژی ٢٠ی ئایاری ٢٠٢٠، سکرتێری گشتی لێژنەی ڕێکخستنی جامی جیھانی، حەسەن سەوادی نیگەرانی خۆی وروژاند کە ڕەنگە ئابووری جیھان پاشەکشەبکات بەھۆی بڵاوبوونەوەی پەتای بەردەوامی ڤایرۆسی کۆرۆنا، کە کاریگەری لەسەر توانای ھەوادارانی تۆپی پێ دەبێت بۆ ئەوەی توانای گەشتکردنیان ھەبێت. بۆ بەشداریکردن لە جامی جیھانی فیفای ٢٠٢٢.

لە ٢٧ی شوباتی ٢٠٢٢، دوای ھەڕەشەی بایکۆتکردن لەلایەن کۆماری چیک و پۆڵەندا و سویدەوە بەھۆی لەشکرکێشی ڕووسیا بۆ سەر ئوکراینا، فیفا ھەڵبژاردەی ڕووسیای قەدەغە کرد لە یاریکردن لە یاریگای خۆیدا؛ دەبێت یارییەکانی بەبێ ئامادەبوونی ھاندەران لە وڵاتانی بێلایەن ئەنجام بدات. جگە لەوەش ھەڵبژاردەی ڕووسیا ڕێگەی پێنادرێت ئاڵا و سروودی نیشتمانی بەکاربھێنێت، ھەروەھا ناچار بووە لەژێر ئاڵای فیدراسیۆنی نیشتمانی خۆیان کە فیدراسیۆنی تۆپی پێی ڕووسیایە ڕکابەری بکەن. بەڵام لە ٢٨ی شوباتی ٢٠٢٢ لەسەر ڕاسپاردەی لیژنەی ئۆڵۆمپیادی نێودەوڵەتی، فیفا بەشداری ڕووسیای ھەڵپەسارد، دواتر پۆڵەندا لە یاری پێش کۆتاییدا بەرامبەر ڕووسیا لە پلەی ئۆفی ئەورووپا پێشەنگی پێدرا. فیدراسیۆنی تۆپی پێی ڕووسیا ڕای گەیاند، تانە لە بڕیارەکە دەدات لە دادگای ناوبژیوانی وەرزش. بەڵام لە ١٨ی ئازاری ٢٠٢٢ داواکەیان بۆ ھەڵگرتنی قەدەغەکردنەکە ڕەتکرایەوە.

ھەڵبژاردنی وڵاتی خانەخوێ[دەستکاری]

پرۆسەی داواکاری جامی جیھانی ٢٠١٨، ٢٠٢٢ لە کانوونی دووەمی ٢٠٠٩ دەستی پێکرد تا ی شوباتی ٢٠٠٩ مۆڵەت درا بە وڵاتان بۆ تۆمارکردنی داواکارییەکانیان لە سەرەتادا یازدە وڵات ئامادەی خۆیان بۆ میوانداریکردنی جامی جیھانی ٢٠١٨ دەربڕی، بەڵام دواتر مەکسیک لە داواکارییەکەی کشایەوە، فیفاش لە شوباتی ٢٠١٠ داواکەی ئەندەنووسیای ڕەتکردەوە پاش ئەوەی نامەی گەرەنتیکردنی پشتیوانی و پشتگیری حکوومەتەکەیان بۆ فیفا وەرنەگرت، لەگەڵ ئەوەش بەرپرسانی حکوومەتی ئەندەنووسیا لاریان نەبوو لە داواکاری بۆ جامی جیھانی ٢٠٢٦. وردە وردە ئەو وڵاتانەی کە لە ئەورووپا نەبوون داواکانیان کشاندەوە ئەمەش دەرخەری ئەوەبوو کە ولاتێکی ئەورووپای میوانداری جامەکەدەکات، دواجار ڕووسیا مافەکەی بەدەستھێنا. بەو شێوەیە وڵاتانی ئەورووپا مافی میوانداری کردنی جامی جیھانی ٢٠٢٢ نەما. دواجار پێشنیاری پێنج وڵات مانەوە بۆ میوانداری کردنی جامی جیھانی ٢٠٢٢ ئەوانیش بریتیبوون لە، ئوسترالیا، قەتەر، ژاپۆن، قەتەر، کۆریای باشوور، و ویلایەتە یەکگرتووەکان ٢٢ ئەندامی ئەنجومەنی بەرێوەبەری فیفا لە ٢ی کانوونی دووەمی ٢٠١٠ لە زیوریخ کۆبوونەوە بۆ دەنگدان بۆ ھەڵبژاردنی وڵاتی میوانداری ھەردوو پاڵەوانییەتییەکە. دوو ئەندامی پرۆسەی دەنگدان بەتۆمەتی گەندەڵی و وەرگرتنی بەرتیل ھەڵپسێدران. دواجار قەتەر مافی میوانداری کردنی پاڵەوانییەتییەکەی بەدەستھێنا.

ھەڵبژاردەکان[دەستکاری]

پاڵاوتن[دەستکاری]

یەکێتی تۆپی پێی شەش کیشوەر یارییەکانی پاڵاوتنیان ڕێکخست. سەرجەم نەتەوەکانی ئەندامی فیفا کە لە ئێستادا ٢١١ یان ھەیە، مافی بەشداریکردنیان لە پاڵاوتنەکاندا ھەبووە. قەتەر وەک میوانداری پاڵەوانێتییەکە بە شێوەیەکی ئۆتۆماتیکی سەرکەوت بۆ پاڵەوانێتییەکە. بەڵام یەکێتی تۆپی پێی ئاسیا، قەتەری پابەند کرد بە بەشداریکردن لە قۆناغی پاڵاوتنەکانی ئاسیا چونکە دوو قۆناغی یەکەم وەک پاڵاوتن بۆ گەیشتن بە جامی نەتەوەکانی ئاسیای ٢٠٢٣ ھەژماردەکرێت.[٦] قەتەر پلەی یەکەمی کۆمەڵەکەی بەدەستھێنا لە بری ئەو لوبنان پێنجەمی کۆمەڵەکەی سەرکەوت بۆ قۆناغی داھاتوو[٧] ھەروەھا فەرەنسا پاڵەوانی جامی جیھانیی فیفای ٢٠١٨ بە شێوەیەکی ئاساییی بەشداری یارییەکانی پاڵاوتنی کرد و بەسەرکەوتووی تێپەڕاند.[٨] ھەڵبژاردەی سانت لوسیا سەرەتا چووە نێو پاڵاوتنەکانەوە بەڵام پێش یەکەم یاریی لێی کشایەوە. کۆریای باکوور بەھۆی کۆڤید-١٩ لە قۆناغی پاڵاوتنەکان کشایەوە. ساموای ئەمریکا و ساموا ھەردووکیان لە پاڵاوتنەکانی ئۆقیانووسیا کشانەوە. تۆنگا دوای تەقینەوەی تسونامی ساڵی ٢٠٢٢ کشایەوە؛ و ھەروەھا بەھۆی بڵاوبوونەوەی کۆڤید-١٩ لە سکوادەکانیان، ڤانواتوو و دوورگەکانی کوکیش بەھۆی سنووردارکردنی گەشتکردن کشانەوە.

لە کۆی ٣٢ وڵات کە سەرکەوتوو بوون بۆ یاریکردن جامی جیھانیی فیفای ٢٠٢٢ ، ٢٤ وڵات لە پاڵەوانێتی پێشوودا لە ساڵی ٢٠١٨دا بەشدارییان کردووە.[٩] قەتەر تاکە ھەڵبژاردەیە کە یەکەم یاری خۆی لە جامی جیھانیی فیفادا ئەنجام دەدات، بووە یەکەم وڵاتی خانەخوێ (لە دوای ئیتاڵیا لە ساڵی ١٩٣٤)یەکەم یاری پاڵەوانییەتییەکە بکات.

ھەڵبژاردەکانی ھۆلەندا، ئیکوادۆر، گانا، کامیروون و ئەمریکا دوای ئەوەی لە پاڵەوانێتی ٢٠١٨ بەشداریان نەکرد، بۆ جارێکی دیکە گەڕانەوە بۆ پاڵەوانێتییەکە. کەنەدا دوای ٣٦ ساڵ بۆ جارێک دیکە بەشداری کردەوە، دوای یەکەم بەشداریی لە ساڵی ١٩٨٦،[١٠] ھەروەھا ھەڵبژاردی وێلز دوای ٦٤ ساڵ بۆ جارێک دیکە بەشداری کردەوە، دوای یەکەم بەشدارییان لە جامی جیھانیی فیفای ١٩٥٨، ئەمەش ماوەیەکی پێوانەیی بوو.[١١]

ئیتالیا پاڵەوانی چوارخوولی جامی جیھانیی و پاڵەوانی جامی نەتەوەکانی ئەورووپای ٢٠٢٠ بۆ یەکەمجار لە مێژوویدا، بۆ جاری دووەم لەسەر یەک نەیتوانی سەرکەوتن بەدەستبێھێنت و لە یاری پلەی ئۆفی پاڵاواتنەکان یارییەکەیان دۆڕاند.[١٢] ھەروەھا ئیتالیا چوارەم ھەڵبژاردەیە کە جامی نەتەوەکانی ئەورووپا بەدەستبھێنێت ، نەتوانێت سەرکەوێت بۆ جامی جیھانی فیفا دوای چیکوسلۆڤاکیا بۆ ١٩٧٨، دانیمارک بۆ ١٩٩٤، یۆنان بۆ ٢٠٠٦.[١٣][١٤] ھەڵبژاردەی ڕووسیا بەھۆی لەشکرکێشی ڕووسیا بۆ سەر ئوکراینا، [١٥]دورخرایەوە، ھەڵبژاردەی چیلی کە براوەی جامی ٢٠١٥، ٢٠١٦ کوپا ئەمریکا بوو، بۆ جاری دووەم لەسەر یەک نەیتوانی لە قۆناغی پاڵاوان سەرکەوتن بەدەستبھێنێت. مسیر، پەنەما، کۆڵۆمبیا، پیرۆ، ئاسلەندا، سوێد کە سەرجەمیان سەرکەوتوو بوون بۆ جامی جیھانیی فیفای ٢٠١٨، لە پاڵاوتنەکانی جامی جیھانی فیفای ٢٠٢٢ سەرکەوتنیان بەدەسنەھێنا.

ئەو ھەڵبژاردانەی گەیشتنە جامی جیهانیی فیفای ٢٠٢٢:

ئاسیا (٦)

ئەفریقا (٥)

کۆنکاکاف (٤)

کۆنمێبۆڵ (٤)

ئۆقیانووسیا (٠)

  • ھیچ ھەڵبژاردەیەک سەرنەکەوت

یووفا (١٣)

██ ھەڵبژاردە سەرکەوتووەکان ██ ھەڵبژاردەکانی سەرنەکەوتوو لە پاڵاوتن ██ ھەڵبژاردە کشاوەکان یان ڕاگیراوەکان ██ ئەندامی فیفا نییە

تیروپشک[دەستکاری]

تیروپشکی جامی جیھانیی فیفای ٢٠٢٢ لە ١ی نیسانی ٢٠٢٢ بە ئامادە بوونی نوێنەرانی ھەڵبژاردە سەرکەوتووەکان بە جامی جیھانی و کەسایەتییە وەرزشییەکان بەڕێوەچوو لە شاری دەوحەی قەتەر. ھەڵبژاردە سەرکەوتووەکان بەسەر ٨ کۆمەڵەدا دابەشکران، ھەروەھا ئاستی ھەڵبژاردەکانیش بەسەر چوار ئاست دابەشکرا ڕیزبەندی یەکەمی سەرجەم کۆمەڵەکان لە ھەڵبژاردە ئاست بەرزەکان پێکھاتووە کە لە ڕیزبەندی فیفا لە پلەی پێشەوەن جگە لە ھەڵبژاردەی قەتەر کە وڵاتی خانەخوێیە، ئاستی دووەمی ھەڵبژاردەکان لە پلەی ٨ بۆ ٢٨ پۆلین کران، ئاستی سێیەم لە پلەی ١٦ بۆ ٢٣ پۆلین کران، و ئاستی چوارەم لە پلەی ٢٤ بۆ ٢٩ دانران. سێ پلەی دیکە تەرخان کرا بۆ براوەی یاری نێوان کیشوەرەکان و یاری پاشکۆی یوفا. ڕاکێشانی تیروپشکی جامی جیھانی بە زنجیرەی لە کۆمەڵی ئەی بۆ کۆمەڵی ئێچ دەستی پێکرد یەکەم یاری لە نێوان ھەڵبژاردەی قەتەر و ھەڵبژاردەی ئێکوادۆر لە کۆمەڵی یەکەم ئەنجام دەدرێت لە ٢٠ی تشرینی دووەمی ٢٠٢٢.

Pot 1 Pot 2 Pot 3 Pot 4
 قەتەر (51) (H)

 بەڕازیل (1)

 بەلجیکا (2)

 فەڕەنسا (3)

 ئەرژەنتین (4)

 ئینگلتەرا (5)

 ئیسپانیا (7)

 پورتوگال (8)

 مەکسیک (9)

 ھۆلەند (10)

 دانمارک (11)

 ئەڵمانیا (12)

 ئوروگوای (13)

 سویس (14)

 ویلایەتە یەکگرتووەکان (15)

 کرواتیا (16)

 سێنیگال (20)

 ئێران (21)

 ژاپۆن (23)

 مەغریب (24)

 سڕبیا (25)

 پۆڵەندا (26)

 کۆریای باشوور (29)

 توونس (35)

 کامیروون (37)

 کەنەدا (38)

 ئێکوادۆر (46)

 عەرەبستانی سعوودی (49)

 گانا (60)

 وێڵز (18)[a]

 کۆستاریکا (31)[b]

 ئوسترالیا (42)[c]

شوێن[دەستکاری]

لوسێل ئەلخوڕ دەوحە
یاریگای لوسێل یاریگای ئەلبێت یاریگای ٩٧٤ یاریگای ئەلسەمامە
شوێنی ھاندەر: ٨٠،٠٠٠[١٦][١٧] شوێنی ھاندەر: ٦٠،٠٠٠[١٨][١٩] شوێنی ھاندەر: ٤٠،٠٠٠[٢٠][٢١] شوێنی ھاندەر: ٤٠،٠٠٠[٢٢][٢٣]
17 11 2021 - Visita ao Estádio Lusail (51688281025).jpg پەڕگە:Al Bayt Stadium.jpg CG rendering of Ras Abu Aboud Stadium crop.jpg
Host cities in Qatarھەڵەی لوا لە مۆدیوول:Location_map/multi لە ڕیزی 27:Unable to find the specified location map definition: "Module:Location map/data/Qatar" does not exist. Stadiums in Doha areaھەڵەی لوا لە مۆدیوول:Location_map/multi لە ڕیزی 27:Unable to find the specified location map definition: "Module:Location map/data/Qatar Doha" does not exist.
ئەڕڕەیان ئەلوەکرا
یاریگای نێونەتەوەییی خەلیفە یاریگای پەروەردەیی شار یاریگای ئەحمەد بن عەلی[d]
(Al Rayan Stadium) 		یاریگای ئەلجنوب
شوێنی ھاندەر: ٤٠،٠٠٠[٢٤][٢٥] شوێنی ھاندەر: ٤٠،٠٠٠[٢٦][٢٧] شوێنی ھاندەر: ٤٠،٠٠٠[٢٨][٢٩]
 شوێنی ھاندەر: ٤٠،٠٠٠[٣٠][٣١]
Khalifa Stadium, Doha, Brazil vs Argentina (2010).jpg 2020 AFC Champions League Final 2.jpg

کۆمەڵەکان[دەستکاری]

مشتومڕەکان[دەستکاری]

ژمارەیەک گروپ و دەزگای ڕاگەیاندن نیگەرانی خۆیان دەربڕیوە لە شیاوی قەتەر بۆ میوانداریکردنی چالاکییەکە،[٣٢][٣٣]سەبارەت بە لێکدانەوەکانی مافەکانی مرۆڤ، بەتایبەتی بارودۆخی کرێکاران و مافی هەوادارانی کۆمەڵگەی ئێڵ جی بی تی بەهۆی نایاسایی ھاوڕەگەزخوازی لە قەتەر.[٣٤][٣٥][٣٦]لە مانگی کانوونی دووەمی ٢٠٢٠، قەتەر ڕێگەی بە ئاڵای پەلکەزێڕینە لە مۆندیالی ٢٠٢٢ دا.[٣٧] حەسەن عەبدوڵڵا ئەلثوادی، بەڕێوەبەری جێبەجێکاری وڵاتەکەی بۆ مۆندیالی ٢٠٢٢ ڕایگەیاند، قەتەر ڕێگە بە خواردنەوەی کھوول دەدات لەکاتی چالاکییەکەدا،[٣٨][٣٩]ھەرچەندە خواردنەوە لە شوێنیە گشتیەکان ڕێگەپێدراو نییە، چونکە سیستەمی یاسایی وڵاتەکە لەسەر بنەمای شەریعەتە.[٤٠]

هەڵبژاردنی قەتەر وەک وڵاتی میواندار مشتومڕێکی زۆری لەسەر بووە؛ بەرپرسانی فیفا تۆمەتبارکران بە گەندەڵی و ڕێگەدان بە قەتەر بۆ "کڕین"ی مۆندیال.

ئەمانەش ببینە[دەستکاری]

سەرچاوەکان[دەستکاری]

  1. ^ "Amir inaugurates Al Janoub Stadium". 17 May 2019.
  2. ^ Watt, Holly (18 March 2014). "World Cup 2022 investigation: demands to strip Qatar of World Cup". The Telegraph. London. Retrieved 20 March 2014.
  3. ^ "Why Fifa's 48-team plan for the 2022 World Cup is bad news for Qatar | The Independent | The Independent". web.archive.org. 2022-01-24. Retrieved 2022-07-31.
  4. ^ "France seal second World Cup triumph with 4-2 win over brave Croatia | World Cup 2018 | The Guardian". web.archive.org. 2022-03-01. Retrieved 2022-07-31.
  5. ^ "رسميًا | فيفا يوافق على كأس العالم 2022 في الشتاء - Goal.com". web.archive.org. 2015-05-11. Retrieved 2022-07-31.
  6. ^ "Hosts Qatar to compete in qualifying for 2022 World Cup". www.insidethegames.biz. 2017-07-31. Retrieved 2022-09-11.
  7. ^ "Groups finalised for Qatar 2022 & China 2023 race". the-AFC. Retrieved 2022-09-11.
  8. ^ "2022 World Cup odds: France favorite to repeat in Qatar; USA behind Mexico with 16th-best odds". CBSSports.com. Retrieved 2022-09-11.
  9. ^ "Qatar World Cup 2022". The Telegraph. Retrieved 2022-09-11.
  10. ^ "Canada reach first World Cup since 1986". BBC Sport. Retrieved 2022-09-11.
  11. ^ "World Cup 2022: Celebrations as Wales qualify after 64-year wait". BBC News. 2022-06-05. Retrieved 2022-09-11.
  12. ^ "Italy stunned in World Cup play-offs". BBC Sport. Retrieved 2022-09-11.
  13. ^ UEFA.com (2022-03-24). "World Cup play-off semi-finals: Wins for North Macedonia, Portugal, Sweden, Wales | European Qualifiers". UEFA.com. Retrieved 2022-09-11.
  14. ^ Chhatre, Aniruddh. "4 European champions who failed to qualify for the next FIFA World Cup". www.sportskeeda.com. Retrieved 2022-09-11.
  15. ^ "FIFA/UEFA suspend Russian clubs and national teams from all competitions". www.fifa.com. Retrieved 2022-09-11. ١٧ی ئازاری ٢٠٢٢ لە وەیبەک مەشین، ئەرشیڤ کراوە.
  16. ^ "Lusail Stadium". qatar2022.qa. Retrieved 18 November 2022.
  17. ^ "Lusail Stadium". fifa.com. Retrieved 18 November 2022.
  18. ^ "Al Bayt Stadium". qatar2022.qa. Retrieved 18 November 2022.
  19. ^ "Al Bayt Stadium". fifa.com. Retrieved 18 November 2022.
  20. ^ "Stadium 974". qatar2022.qa. Retrieved 18 November 2022.
  21. ^ "Stadium 974". fifa.com. Retrieved 18 November 2022.
  22. ^ "Al Thumama Stadium". qatar2022.qa. Retrieved 18 November 2022.
  23. ^ "Al Thumama Stadium". fifa.com. Retrieved 18 November 2022.
  24. ^ "Khalifa International Stadium". qatar2022.qa. Retrieved 18 November 2022.
  25. ^ "Khalifa International Stadium". fifa.com. Retrieved 18 November 2022.
  26. ^ "Education City Stadium". qatar2022.qa. Retrieved 18 November 2022.
  27. ^ "Education City Stadium". fifa.com. Retrieved 18 November 2022.
  28. ^ "Ahmad Bin Ali Stadium". qatar2022.qa. Retrieved 18 November 2022.
  29. ^ "Ahmad bin Ali Stadium". fifa.com. Retrieved 18 November 2022.
  30. ^ "Al Janoub Stadium". qatar2022.qa. Retrieved 18 November 2022.
  31. ^ "Al Janoub Stadium". fifa.com. Retrieved 18 November 2022.
  32. ^ "Tiny Qatar beats out America for World Cup - Total Soccer | Fútbol Total - MiamiHerald.com". web.archive.org. 2011-05-03. Retrieved 2022-11-12.
  33. ^ "World Cup 2022: 'Political craziness' favours Qatar's winning bid | Football | The Guardian". web.archive.org. 2016-12-26. Retrieved 2022-11-12.
  34. ^ Geen, Jessica (2010-12-03). "Gay groups' anger at 'homophobic' World Cup hosts Russia and Qatar". PinkNews | Latest lesbian, gay, bi and trans news | LGBTQ+ news. Retrieved 2022-11-12.
  35. ^ "Qatar's World Cup won't be gay-friendly | News.com.au". web.archive.org. 2010-12-04. Retrieved 2022-11-12.
  36. ^ "Still slaving away". The Economist. ISSN 0013-0613. Retrieved 2022-11-12.
  37. ^ "Qatar: Rainbow flags allowed at 2022 World Cup matches in line with FIFA tolerance & inclusion policy; activists call for changes to protect LGBTQI+ Qataris in law". Business & Human Rights Resource Centre. Retrieved 2022-11-12.
  38. ^ [www.aroundtherings.com/articles/view.aspx?id=39492 www.aroundtherings.com/articles/view.aspx?id=39492] Check |url= value (help). Missing or empty |title= (help)
  39. ^ "World Cup 2022 | Drinking Laws In Qatar | Alcohol Qatar | SportsGrid". web.archive.org. 2012-04-04. Retrieved 2022-11-12.
  40. ^ "Liquor Licence". web.archive.org. 2016-08-08. Retrieved 2022-11-12.


ھەڵەی ژێدەرەکان: <ref> tags exist for a group named "lower-alpha", but no corresponding <references group="lower-alpha"/> tag was found

وەرگیراو لە «https://ckb.wikipedia.org/w/index.php?title=جامی_جیھانیی_فیفای_٢٠٢٢&oldid=1011982»