داڕێژە:لە ھەواڵەکاندا/ئەرشیڤ

٢٠٢٥

تەممووز

• ٢٤ی تەممووز – پێکدادانی چەکداری لەسەر سنووری کەمبۆدیا و تایلەند لە درێژەی ناکۆکییە سنوورییەکاندا دەستی پێکرد.
• ١١ی تەممووز – گرووپێکی ٣٠ کەسی لە پارتی کرێکارانی کوردستان پێکھاتوو لە ١٥ گەریلای ژن و ١٥ گەریلای پیاو لە ئەشکەوتی جاسەنە لە نزیک گوندی کانی خان، وەک نیازپاکییەک بۆ پرۆسەی ئاشتی چەکەکانیان سووتاند.

حوزەیران

• ٢٢ی حوزەیران – ھێرش بۆ سەر کڵێسایەکی ئۆرتۆدۆکسی یۆنانی لە دیمەشق، لانیکەم بووە ھۆی کوژرانی ٢٥ کەس.
• ١٣ی حوزەیران – ئیسرائیل بنکە ئەتۆمییەکان و ھەندێک لە کەسایەتییە ئەتۆمی و سەربازییەکانی ئێرانی لە چەندین ھێرشدا کردە ئامانج.
• ٣ی حوزەیران – لی جای میوونگ وەک سەرۆک کۆماری کۆریای باشوور ھەڵبژێردرا.

ئایار

• ٣١ی ئایار – یانەی تۆپی پێی پاریس سان جێرمان لە خولی پاڵەوانەکانی ئەورووپادا بۆ یەکەمین جار نازناوی یەکەمی بەدەستھێنا.
• ٢٦ی ئایار – لە تۆپی پێدا، یانەی لیڤەرپوول بووە براوەی خولی نایابی ئینگلیزی.
• ١٧ی ئایار – نەمسا بووە براوەی جامی پێشبڕکێی گۆرانیی یورۆڤیژن.
• ١٣ی ئایار – خۆزێ موخیکا سەرۆک کۆماری پێشووی ئوروگوای، لە تەمەنی ٨٩ ساڵیدا کۆچی دواییی کرد.
• ١٢ی ئایار – پارتی کرێکارانی کوردستان دوای زیاتر لە چوار دەیە خەباتی چەکداری، بڕیاری دا خۆی ھەڵبوەشێنێتەوە و کۆتایی بە ناکۆکییەکەی لەگەڵ تورکیا بھێنێت.
• ٨ی ئایار – ڕۆبێرت فڕانسس پڕۆڤست وەک پاپا لیۆی چواردەیەم ھەڵبژێردرا و بووە یەکەم پاپای ئەمریکیی کڵێسای کاتۆلیک.
• ٧ی ئایار – ھیندستان بە چەند لێدانێکی مووشەکی ھێرشی کردە سەر ھەندێک شوێن لە پاکستان.
• ٦ی ئایار – فریدریش مێرتس وەک ڕاوێژکاری نوێی ئەڵمانیا دەستبەکار بوو.

نیسان

• ٢١ی نیسان – پاپا فرانسیس لە تەمەنی ٨٨ ساڵیدا کۆچی دواییی کرد.

ئازار

• ١٩ی ئازار – دوای دەستبەسەرکردنی سەرۆکی شارەوانیی ئەستەمبوڵ، ئەکرەم ئیمامئۆغلوو لەلایەن پۆلیسی نیشتمانییەوە، خۆپیشاندانەکانی دژی حکوومەت لە سەرتاسەری تورکیادا دەستی پێکرد.
• ١٥ی ئازار – لە یەمەن، ٥٣ کەس بەھۆی ھێرشە دەریایی و ئاسمانییەکانی ویلایەتە یەکگرتووەکان کوژران.
• ١٤ی ئازار – مارک کارنی (لە وێنەکەدا) دوای سەرکەوتن لە ھەڵبژاردنی سەرۆکایەتیی پارتی لیبراڵ، بووە سەرۆک وەزیرانی کەنەدا و جێگای جەستن تروودۆوی گرتەوە.
• ١٢ی ئازار – مارتن فیستەر وەک ئەندامی ئەنجومەنی فیدراڵیی سویس ھەڵبژێردرا.
• ١١ی ئازار – سوپای ڕزگاریخوازیی بەلۆچستان لە پاکستان، شەمەندەفەرێکی ڕفاند کە لە کوێتەوە بەرەو پێشاوەر دەڕۆیشت، لە ئەنجامدا ٣٨ کەس کوژران و زیاتر لە ٤٤٠ کەسیش ھەتا کاتی ڕزگارکردنیان ڕفێندران.
• ٤ی ئازار – نژیاروانی چینی، لیۆ جیاکون بووە براوەی خەڵاتی نژیاروانیی پریتزکەر.
• ٤ی ئازار – ویلایەتە یەکگرتووەکانی ئەمریکا بەسەر کەنەدا و مەکسیکدا باج دەسەپێنێت.
• ٢ی ئازار – بلوو گۆست میشن ١ی فایەرفڵای ئیرۆسپەیس وەک بەشێک لە پرۆگرامی ناسا بە سەرکەوتوویی لەسەر مانگ دەنیشێت.
• ٢ی ئازار – لە ٩٧ەمین خەڵاتەکانی ئۆسکار، ئانۆرا پێنج خەڵاتی بردەوە و وەک باشترین فیلم دەستنیشان کرا.

شوبات

• ٢٣ی شوبات – لە ھەڵبژاردنی فیدراڵی ئەڵمانیا، پارتەکانی یەکێتی بە ڕێبەرایەتیی فریدریش مێرتس، زۆرترین کورسییان لە بوندێستاگ بەدەستھێنا.
• ١٢ی شوبات – سەرۆک کۆماری ڕۆمانیا، کلاوس یۆھانس لە پۆستەکەی کشایەوە و ئیلی بۆلۆجان بەشێوەی کاتی جێگای گرتەوە.

کانوونی دووەم

• ٣١ی کانوونی دووەم – بەھۆی کەوتنی فڕۆکەیەکی لێرجێت ٥٥ لە فیلادێلفیای ویلایەتە یەکگرتووەکان، لانیکەم ٧ کەس کوژران و ٢٢ کەس بریندار بوون.
• ٢٩ی کانوونی دووەم – فڕۆکەیەکی بیچکرافت ١٩٠٠ لە ویلایەتی یوونیتی، باشووری سوودان کەوت و لە ٢١ سەرنشینی فڕۆکەکە ٢٠ کەس گیانیان لەدەستدا.
• ٢٩ی کانوونی دووەم – ئەحمەد شەرع وەک سەرۆک کۆماری حکوومەتی ڕاگوێزراوی سووریا دەسنیشان کرا.
• ٢٦ی کانوونی دووەم – ئەلێکساندەر لوکاشینکۆ، دوای ڕەتکردنەوەی خۆبەربژێرکردنی کەسایەتییەکانی ئۆپۆزیسیۆن، جارێکی تر وەک سەرۆک کۆماری بیلاڕووس ھەڵبژێردرایەوە.
• ٢٤ی کانوونی دووەم – زنجیرەیەک بایکۆت دژی فرۆشگاکان لە چەند وڵاتێکی باشووری ڕۆژھەڵاتی ئەورووپا دەستی پێکرد.
• ٢٠ی کانوونی دووەم – دۆناڵد ترامپ وەک ٤٧ەمین سەرۆک کۆماری ویلایەتە یەکگرتووەکان سوێندی خوارد و دەستبەکار بوو.
• ٩ی کانوونی دووەم – جۆزێف عەون دوای دوو ساڵان قەیرانی سیاسی وەک سەرۆک کۆماری لوبنان دەستنیشان کرا.
• ٧ی کانوونی دووەم – بەھۆی زنجیرەیەک ئاگری گەورە لە باشووری کالیفۆڕنیای ویلایەتە یەکگرتووەکانی ئەمریکا، لانیکەم ٢٥ کەس گیانیان لەدەستدا و زیاتر لە ١٢ ھەزار پێکھاتەی ناوچەکە لەناوچوون.