دۆناڵد ترامپ

لە ئینسایکڵۆپیدیای ئازادی ویکیپیدیاوە
باز بدە بۆ: ڕێدۆزی، گەڕان
Donald Trump
دۆناڵد ترامپ
٤٥مین سەرۆک کۆماری ویلایەتە یەکگرتووەکان
Incumbent
Assumed office
٢٠ی کانوونی دووەمی، ٢٠١٧
Vice President مایک پێنس
پێشکەوتوو بەهۆی باراک ئۆباما
وردەکاریی تاکەکەسی
لەدایکبوون دۆناڵد جۆن ترامپ
(١٩٤٦-0٦-١٤) ١٤ی حوزەیرانی ١٩٤٦ (تەمەن ٧٠)
شاری نیویۆرک
حیزبی سیاسی کۆماری (٢٠١٢– ئێستا)
لایەنگیری سیاسی
تر
ھاوسەر(ەکان)
منداڵەکان
Residence
پیشە
واژۆ Donald J Trump stylized autograph, in ink
ماڵپەڕ

دۆناڵد جۆن ترامپ (بە ئینگلیزی: Donald John Trump)، لەدایکبووی ١٤ی حوزەیرانی ١٩٤٦. کەسێکی سەرمایەدار و بازرگانێکی ئەمریکییە کە ئێستا ٤٥مین سەرۆک کۆماری ویلایەتە یەکگرتووەکانە لەوەتەی کانوونی دووەمی ٢٠١٧ لەسەر حیزبی کۆماری. لە کوینز، شاری نیویۆرکدا لەدایکبووە و گەورەبووە. لە ١٩٦٨ دا بڕوانامەی ئابوری لە زانکۆی پێنسیلڤانیا بەدەستھێناوە، ھاوکات لەگەڵ خوێندنەکەیدا لە کۆمپانیاکەی باوکیدا کاری کردووە. ترامپ سەرۆک و بەڕێوبەری گشتی ڕێکخراوی ترامپە، تاوەر و وەبەرھەمھێنانەکانی ترامپ لەچەندین ناوچەی ئەمریکا دیارە لەسەرووی ھەموویانەوە شاری نیویۆرک و لاس ڤێگاس و ئەتلەنیک سیتی. دۆناڵد ترامپ لەدەیان فیلمدا وەکوو کەسێتییە سەرمایەدارییەکەی دەرکەوتووە لەوانە (Home Alone 2: Lost in New York). هاوکات دۆناڵد سێ جار هاوسەرگیری کردووە لەگەڵ (ئیڤانا زاڵنیکۆڤا ١٩٧٧-١٩٩٢) و (مارڵا مەیپلز ١٩٩٣-١٩٩٢) وە (مەڵانیا کناوس ٢٠٠٥- ئێستا).

ژیان[دەستکاری]

ترامپ لەدایکبووی ١٤ی حوزەیرانی ١٩٤٦. کەسێکی سەرمایەدار و بازرگانێکی ئەمریکییە لە کوینز، شاری نیویۆرکدا لەدایکبووە و گەورەبووە. لە ١٩٦٨ دا بڕوانامەی ئابووری لە زانکۆی پێنسیلڤانیا بەدەستھێناوە. وە چوارەم کوڕی فرێد ترامپە. ڕەچەڵەکیان لە باوکیانەوە ئەگەڕێتەوە بۆ ئەڵمانی وە لە دایکیانەوە بۆ سکۆتلەندی. دوای ئەوەی برا گەورەکەی بڕیاردەدات ببێتە فڕۆکەوان، ئەمیش ئەبێتە جێگرەوەی باوکی و کۆمپانیاکانی بەڕێوەئەبات. برا گەورەکەی لە تەمەنی ٤٣ ساڵیدا بەهۆی زۆر خواردنەوەی کحول گیان لەدەستدەدات، ئەمەش ئەبێتە هۆکارێک بۆ ئەوەی تەرمپ واز لە خواردنەوەی کحول و کێشانی جگەرەش بهێنێت. ترەمپ لە سەرەتادا یەک ملیۆن دۆلاری لە باوکی وەرگرت و کاری پێوەکرد و لە پاشاندا بووە جێگرەوەی باوکی و ئەبێتە بەڕێوەبەری رێکخراوی ترامپ لە ساڵی ١٩٧١. کارەکانی ترەمپ زیاتر لە نیویۆرکن و لە دروستکردنی باڵەخانەی هەوربڕ و هۆتێل و یانەی قومار خۆیان ئەبیننەوە و بەناوبانگترین باڵەخانەشی لە مانهاتن دروستکردوە کە ٦٨ نهۆمە.

ترامپ لەگەڵ کاری بازرگانیدا، لە بواری راگەیاندن و بەرنامەی کاتبەسەربردنی تەلەڤزیۆنیشدا ناوبانگی زۆری پەیدا کردوە و لەساڵی ١٩٩٦ تا ٢٠١٥ چەندین بەرنامەی تەلەڤزیۆنی بەرهەمهێناوە و بەناوبانگترینیان پڕۆگرامی (ئەبرانتیس) بوو کە لەسەر شاشەی تۆڕی هەواڵی ئێن بی سی پەخشەکرا، هەروەها پڕۆگرامەکانی شاجوانی گەردوون و پێشبڕکێی شاجوانی کچانی ئەمریکای بەرهەمهێناوە، زنجیرەیەک فرۆشگای بە ناوەکانی ترامپ هەیە کە کاری فرۆشتنی کەلوپەلە جۆراوجۆرەکان ئەکەن، گۆڤاری فۆربیس ترامپی دیاری کرد وەک ٣٢٤ـەین ملیاردێر لە جیهاندا و ١١٣ـەمینیش لە ویلایەتە یەکگرتووەکان کە سامانەکەی بە ٤.٥ ملیار دۆلار ەخەمڵێنرێت.

سەرچاوە[دەستکاری]