ھێرشە مووشەکییەکانی ھەرێمی کوردستان و سووریا (٢٠٢٤)
ھێرشە مووشەکییەکانی ھەرێمی کوردستان و سووریا | |
---|---|
شوێن | ھەولێر، ھەرێمی کوردستان پارێزگای ئیدلیب، سووریا |
ڕێکەوت | ١٥ی کانوونی دووەمی ٢٠٢٤ کاتژمێر ١١:٣٦ی شەو (یوو تی سی+٠٣:٠٠) |
ئامانج | بەپێی بانگەشەکانی ئێران بنکە و بارەگای سیخوڕیی تیرۆریستانی سەر بە مۆساد کراونەتە ئامانج؛ بەڵام ئێران نەیتوانیوە ئەمە پشتڕاست بکاتەوە، ھەروەھا لەلایەن دەسەڵاتدارانی ھەرێمی کوردستان و عێراقەوە بانگەشەکان ڕەت کراونەتەوە. |
جۆری ھێرش | مووشەکی بالیستیکی و ھێرشی درۆنی |
چەکوچۆڵ(ەکان) | ١٥ مووشەک |
مردن(ەکان) | ٤ مەدەنی |
بریندارەکان | ١٧ مەدەنی |
تاوانباران | کۆماری ئیسلامیی ئێران |
ھێرشبەران | سپای پاسدارانی شۆڕشی ئیسلامی |
لە ١٥ی کانوونی دووەمی ٢٠٢٤، کۆماری ئیسلامیی ئێران زنجیرەیەک ھێرشی ئەنجامدا بۆ سەر شاری ھەولێر لە ھەرێمی کوردستان و پارێزگای ئیدلیب لە سووریا. لە ھێرشەکەی ھەولێر، لە ١٥ مووشەک، ١١ مووشەکی بالیستیکی لە ناو خاکی ئێرانەوە بەرەو پایتەختی ھەرێمی کوردستان ڕەوانە کران.[١][٢] ھێرشەکە بووە ھۆی کوژرانی چوار کەس (لە نێویاندا منداڵێکی ١١ مانگە) و برینداربوونی شەش کەسی تر.[٣][٤] سپای پاسدارانی شۆڕشی ئیسلامی سەبارەت بە ھێرشەکان بانگەشەی ئەوەی کرد کە بارەگای سیخوڕیی مۆسادی کردووەتە ئامانج،[٥] بەڵام ھیچ بەڵگەیەکی فەرمیی بڵاو نەکردەوە کە پشتگیری لەو بانگەشەیە بکات. دەسەڵاتدارانی ھەرێمی کوردستان و عێراقیش بانگەشەکانی سپای پاسدارانیان ڕەت کردەوە.[٦] چوار مووشەکەکەی دیکە ئاراستەی پارێزگای ئیدلیبی سووریا کران و ئەو ناوچانەیان کردە ئامانج کە لەلایەن ئۆپۆزسیۆنی سووریاوە کۆنتڕۆڵ کرابوون.[٧][٨]
پشت ڕووداوەکان[دەستکاری]
لە ٣ی کانوونی دووەمی ٢٠٢٤ بە دوو بۆمب ھێرش کرایە سەر ڕێوڕەسمی یادکردنەوەی تیرۆرکردنی قاسم سولەیمانی لە نزیک گۆڕەکەی، لە ڕۆژھەڵاتی کرمان. لەو ھێرشانەدا لانیکەم ٩٤ کەس کوژران و ٢٨٤ کەسی دیکەش برینداربوون. دواتر داعش بەرپرسیارێتی ھێرشەکانی لە ئەستۆ گرت.[٩]
ئایەتوڵڵا عەلی خامنەیی، ڕێبەری باڵای ئێران، بەڵێنی «وەڵامدانەوەی سەخت» بۆ ئەو ھێرشە ڕاگەیاند و وتی کە «بەرپرسانی ھێرشەکە لە ئێستا بەدواوە دەبنە ئامانجی دیاریکراوی ئێمە و سزایان دەدەین».[١٠]
ھێرشەکان[دەستکاری]
ھەرێمی کوردستان[دەستکاری]
بەرپرسانی ئەمریکا ڕایان گەیاند کە ھێرشەکان سەرکەوتوو نەبوون لە ئامانجەکانیان؛[١١] لە ھێرشەکەدا پێشڕەو دزەیی بازرگان، بەڕێوەبەری جێبەجێکاری کۆمپانیای جیھانی ئیمپایەر، لەگەڵ کچەکەی، ھاوکارێکی و کارگوزارێکی کوژرا.[١٢] ھەروەھا فڕۆکەخانەی نێونەتەوەییی ھەولێر بەشێوەیەکی کاتی داخرا. سپای پاسدارانی شۆڕشی ئیسلامیی ئێران ھەر دوای ھێرشەکان بەرپرسیارییەتیی ھێرشەکەیان گرتە ئەستۆ.[١٣] جگە لەوەش ھێزەکانی ھاوپەیمانان سێ فڕۆکەی بێفڕۆکەوانیان لە نزیک فڕۆکەخانەی ھەولێر خستە خوارەوە.[١٤][١٥]
سووریا[دەستکاری]
سوپای پاسداران ڕای گەیاند کە بە چوار مووشەک ھێرشیان کردوەتە سەر ھێزەکانی دەوڵەتی ئیسلامی لە باکووری ڕۆژاوای سووریا، کە بە تایبەتی لە ئەنجامدەرانی تەقینەوەکانی کرمانن لە ساڵی ٢٠٢٤.[١٤] ھێزی ئاسمانیی سوپای پاسداران لە نیوەی شەودا چوار مووشەکی بالیستیکی مەودا مامناوەندی لە دارخوێنی پارێزگای خووزستانەوە ھەڵداوە و مەودای ١٢٠٠ کیلۆمەتریان بەڕێکردوە بۆ ئەوەی ئامانجەکانیان لە پارێزگای ئیدلیب بپێکن.[٢]
ئەمانەش ببینە[دەستکاری]
سەرچاوەکان[دەستکاری]
- ^ "General Gives Details of IRGC Missile Attacks on Mossad, Daesh Targets". Tasnim News Agency. 16 January 2024.
- ^ ئ ا "Iran's Guards attack Israel's 'espionage centers' in Iraq, state media says". Reuters. 16 January 2024.
- ^ "ئاسایشی هەرێمی کوردستان: 4 هاووڵاتی سیڤیل بە هێرشە موشەکییەکەی ئێران گیانیان لەدەستداوە". Voice of America (بە کوردی). 2024-01-16. Retrieved 2024-01-16.
- ^ https://www.kurdistan24.net/ckb/story/250128-ژمارەی-قوربانییانی-هێرشە-مووشەکییەکەی-سەر-هەولێر-بەرزبووەوە
- ^ Katy, Bader (15 January 2024). "Explosions reported near US Consulate in Iraq; Iran claims responsibility". ABC News.
- ^ ڕاوێژکاری ئاسایشی نیشتیمانی عێراق: ماڵی پێشڕەو دزەیی بارگای مووساد نەبووە (ckb). کوردپرێس (لە ڕێکەوتی ١٧ی کانوونی دووەمی ٢٠٢٤). سەردان لە ڕێکەوتی ٢ی شوباتی ٢٠٢٤.
- ^ News, A. B. C. "US condemns Iran for missile strikes in Iraq and Syria". ABC News (بە ئینگلیزی). Retrieved 2024-04-13.
{{cite web}}
:|last=
has generic name (help) - ^ News, A. B. C. "Explosions reported near US Consulate in Iraq; Iran claims responsibility". ABC News (بە ئینگلیزی). Retrieved 2024-04-13.
{{cite web}}
:|last=
has generic name (help) - ^ "Iran launches missile strikes in Iraq and Syria citing security threats". Al Jazeera (بە ئینگلیزی). Retrieved 2024-01-16.
- ^ "رهبر انقلاب: جنایتکاران بدانند که از هم اکنون آماج قطعی سرکوب و مجازات عادلانه خواهند بود". ایسنا (بە فارسی). 2024-01-03. Retrieved 2024-01-16.
- ^ "ئەمریکا سەرکۆنەی ھێرشەکانی ئێران بۆ سەر ھەولێر دەکات". Voice of America (بە کوردی). 2024-01-16. Retrieved 2024-01-16.
- ^ www.rudaw.net https://www.rudaw.net/sorani/kurdistan/160120245. Retrieved 2024-01-16.
{{cite web}}
: Missing or empty|title=
(help) - ^ "IRGC attack US consulate in Iraq as tensions between the US, Iran rise". The Jerusalem Post | JPost.com (بە ئینگلیزی). 2024-01-15. Retrieved 2024-01-16.
- ^ ئ ا News, A. B. C. "Explosions reported near US Consulate in Iraq; Iran claims responsibility". ABC News (بە ئینگلیزی). Retrieved 2024-01-16.
{{cite web}}
:|last=
has generic name (help) - ^ "Iran Strikes Israeli "Spy Headquarters" In Iraq As Regional Tensions Mount". NDTV.com. Retrieved 2024-01-16.
- CS1 errors: generic name
- CS1 errors: missing title
- CS1 errors: bare URL
- ھێرشە ئاسمانییەکانی ٢٠٢٤
- ٢٠٢٤ لە باشووری کوردستان
- ڕووداوەکانی کانوونی دووەمی ٢٠٢٤ لە عێراق
- ھێرشە ئاسمانیییەکان لەلایەن ئێران
- ھێرشە ئاسمانییەکان بۆ سەر عێراق
- ئۆپەراسیۆنە سەربازییەکان بە بەشداریی ئێران
- مێژووی ھەولێر
- سپای پاسدارانی شۆڕشی ئیسلامی
- ململانێی بە وەکالەتی ئێران و ئیسرائیل
- پەیوەندییە سەربازییەکانی ئێران و عێراق
- پەیوەندییەکانی ئێران و ئەمریکا