دڵشاد مەریوانی

وێنەیێکی دڵشاد مەریوانی.

دڵشاد محەممەدئەمین فەتاحی مەریوانی (١٩٤٧–١٩٨٩) نووسەر، ڕۆژنامەوان و شاعیر و ئەکتەری کورد بوو. بە ھۆی ئەوەی کە بە منداڵانی خوێندکار ئەلفوبێی لاتینیی کوردی فێر کردووە وەک کەسێکی خراپەکار لە لایەن حکوومەتی بەعسی عێراقەوە لە سێدارە درا.

ژیان

باوکی لە سییەکانی سەدەی بیستەمدا لە گوندی کاڵ خوارووی مەریوانەوە چووە بۆ پێنجوێن و دواتر بۆ سلێمانی. دڵشاد لە سلێمانی لە دایک بووە. لە سلێمانی خوێندنی سەرەتایی دوایی ھێناوە و بۆ خوێندنی زانکۆ ڕووی لە بەغدا کردووە و لە ساڵی ١٩٧٢دا پلەی کارناسیی لە زانکۆ بەغدا وەرگرتووە.

بەرھەمەکان

• فرمێسک و زەردەخەنە. شیعر ١٩٦٨
• یەکەم ھەنگاو. پەخشان ١٩٧٣
• دڵدارانی شۆرش. چیرۆک ١٩٧٣
• پێشوازی خاوەن شکۆ. رەخنە ١٩٧٣
• ببن بەتیشک. شیعر١٩٧٦
• بەپەنجەکانم دەتبینم. چیرۆک ١٩٧٧
• دێر یاسین. چیرۆک ١٩٧٨
• سەمفۆنیای وەنەوشە. شیعر ١٩٨٠

لەدوو شانۆنامەدا وەک ئەکتەر بەشداری کردووە:

• لانەوازان. ١٩٧٣
• پردی وڵات. ١٩٧٤

سەرچاوەکان

• دڵشاد مەریوانی. کوردیپێدیا